Genesis 20:7 - Chol: I T’an Dios

⁷ Wʌle yomix ma' cha' aq'uen i yijñam jini winic, come x'alt'añʌch. Mi caj i mel oración cha'an ma'anic ma' chʌmel. Mi ma'anic ma' cha' aq'uen i yijñam, mux caj a wersa chʌmel yic'ot pejtel a cha'año' bʌ, che'en Dios.

Chol de Tumbalá Bible

⁷ Wʌle yomix ma' cha' aq'uen i yijñam jini winic, come x'alt'añʌch. Mi caj i mel oración cha'an ma'anic ma' chʌmel. Mi ma'anic ma' cha' aq'uen i yijñam, mux caj a wersa chʌmel yic'ot pejtel a cha'año' bʌ, che'en Dios.

Jiñi Tsiji' bʌ Wen T'añ cha'añ Estudio

⁷ Wʌle mi caj a cha' aq'uen i yijñam jiñi wiñic, come x'alt'añʌch, mi caj i mel oración cha'añet cha'añ cuxul ma' wajñel. Pero mi ma'añic ma' cha' sutq'uin jiñi x'ixic, yom ma' ña'tan ti isujm mi caj a chʌmel yic'ot pejtelel a cha'año' bʌ.”

Genesis 20:7 Iomraidhean Croise

Genesis 12:15

I winicob Faraón tsi' q'ueleyob jini x'ixic ja'el. Tsi' subeyob Faraón wen i t'ojol jax. Tsa' pʌjyi majlel jini x'ixic ti' yotot Faraón.

Genesis 12:17

Lac Yum tsa' caji i yʌq'uen i wocol Faraón yic'ot año' bʌ ti' yotot cha'an ya' an Sarai i yijñam Abram.

Genesis 2:17

Cojach jini te' mu' bʌ i yʌq'ueñet a cʌn chuqui uts'at yic'ot chuqui jontol mach a c'ux, come ti jini q'uin che' ma' c'uxben i wut wersa mi caj a chʌmel, che'en.

Genesis 20:18

Come lac Yum ma'anic tsi' yʌq'ueyob i cʌntan i yalobilob jini x'ixicob año bʌ ti' yotot Abimelec che' bʌ ya'to an Sara i yijñam Abraham.

Genesis 20:3

Pero Dios tsi' sube Abimelec ti ñajal che' ti ac'ʌlel: Awilan, mi caj a chʌmel cha'an jini x'ixic tsa' bʌ a pʌyʌ, come i yijñamʌch winic.

Genesis 20:8

Jini cha'an Abimelec seb to tsa' ch'ojyi ti sʌc'ajel. Tsi' pʌyʌ tilel pejtel i winicob. Tsi' subeyob pejtel iliyi. Tsa' wen cajiyob ti bʌq'uen jini winicob.

Genesis 23:6

C yum, ubiñon lojon. Dios tsi' yotsayet ti yumʌl tic lumal lojon. Mucu a wijñam ti c'ax uts'at bʌ mucoñibʌl c cha'an lojon. Ma'anic majch mi caj i tiq'uet mi tsa' c'ʌñʌ mucoñibʌl cha'an ma' muc a wijñam, che'ob.

2 Samuel 24:17

David tsi' q'uele jini ángel. Tsi' sube lac Yum: Tsac cha'le mulil joñon, pero ili tiñʌme'ob, ¿chuqui tsi' meleyob? Yom ma' jisañon quic'ot c pi'ʌlob, che'en David.

1 Reyob 13:6

Jini rey tsi' c'ajtibe jini x'alt'an cha'an mi' pejcan i Dios cha'an mi' q'uejlel ti uts'at: Cha'len oración cha'an mi' cha' lajmel j c'ʌb, che'en. I winic Dios tsi' mele che' bajche' tsa' c'ajtibenti. Che' jini tsa' cha' lajmi i c'ʌb jini rey. Tsa' cha' ajni che' bajche' ti ñaxan.

2 Reyob 5:11

Tsa' wen mich'a Naamán. Tsa' caji ti majlel. Tsi' yʌlʌ: Tsac lon ña'ta mi cajel i tilel i q'uelon. Mi caj i pejcan i Yum Dios. Mi caj i tich' i c'ʌb tic pam ya' ba' wa'alon. Che' jini mi' caj ti lajmel jini c tsoy, che'en.

1 Cronicas 16:22

Tsi' yʌlʌ: “Mach mi la' mʌctan jini yajcʌbilo' bʌ c cha'an, Mach mi la' tic'lan jini x'alt'añob c cha'an”, che'en.

Job 34:19

Mach jejchoquic jach mi' q'uel winicob. Junlajal mi' pʌsbeñob i yutslel jini pobrejob yic'ot jini wen chumulo' bʌ. Junlajal i melbalonla.

Job 42:8

Cucuxla ba'an c winic Job. Ch'ʌmbenla majlel wuccojt ch'iton bʌ i yal wacax yic'ot wuccojt tat tiñʌme'. Aq'ueñon ti pulʌntib cha'an la' mul. C winic Job mi caj i tajetla ti oración. Muc'ʌch c pʌsben i yutslel c pusic'al. Che' jini mi caj c ñusan la' mul, come uts'at tsi' tajayon ti t'an c winic Job, pero mach uts'atic tsa' la' tajayon ti t'an, che'en.

Salmos 25:14

Jini mu' bʌ i bʌc'ñañob lac Yum mi caj i yajñel yic'ot. Mux i pʌsbeñob jini xuc'ul bʌ i t'an.

Exodo 18:17

I nij'al Moisés tsi' sube: Mach uts'atic bajche' wola' mel.

Exodo 4:16

Aarón mi caj i pejcan winicob x'ixicob. Mi caj i cha' sub chuqui tac ma' suben. I wentajet Dios ti' tojlel Aarón.

Exodo 7:1

Lac Yum tsi' sube Moisés: Awilan i wentajet Dios ti' tojlel Faraón. Aarón mi caj i yochel ti a waj ñusa t'an.

Jeremias 14:11

Lac Yum tsi' subeyon: Mach a tajob ti oración ili winicob x'ixicob. Mach a c'ajtibeñon cha'an mij coltañob.

Jeremias 15:1

Lac Yum tsi' subeyon: Mach uts'atic mi caj c pʌs c bʌ ti' tojlel ili winicob. Muq'uic i xin otsañob i bʌ Moisés yic'ot Samuel cha'an mi' c'ajtibeñoñob wocol t'an, ma'anic mic jac'beñob. Chocoyob loq'uel tic tojlel. Subeñob majlel.

Jeremias 27:18

Mi isujm bajche' woli' yʌlob ili x'alt'añob, mi ch'oyol ti Dios i t'an, la' i c'ajtibeñob i Yum Panchan yic'ot Pañimil cha'an ma'anic mi' cha' tilelob jini ch'oyolo' bʌ ti Babilonia mu' bʌ caj i xujch'iñob majlel ili latu tac anto bʌ ti Templo yic'ot ti' yotot Sedequías wʌ' ti Jerusalén.

Ezequiel 3:18

Che' mic subeñet: “Wersa mi caj i chʌmelob jini xmulilob”, mi ma'anic ma' suben c t'an jini xjontolil cha'an mi' cʌy i mul, awilan mi caj i chʌmel yic'ot i mul, pero an ti a wenta i ch'ich'el come ma'anic tsa' sube.

Ezequiel 33:8

Che' mic suben juntiquil xmulil: “Xmulil, wersa mi caj a chʌmel”, cho'on, mi ma'anic ma' suben jini winic cha'an mi' sutq'uin i bʌ ba' añon, mi caj i chʌmel jini xmulil cha'an i mul, pero mi caj i yajñel ti a wenta jini i ch'ich'el.

Levitico 6:4

Wersa mi' cha' sutq'uiben i yum chuqui tac jach tsi' ch'ʌmbe, mi i xujch', mi tic'laya, o mi prenda, o mi chuqui tsa' sajti i cha'an bʌ i pi'ʌl, o mi yan tac bʌ tsa' bʌ i mucu che' bʌ tsi' yʌc'ʌ i t'an.

Levitico 6:7

Jini motomaj mi caj i yʌq'ueñon tsʌnsʌbil bʌ c majtan cha'an i tojol i mul jini winic. Che' jini mi caj i ñusʌbentel pejtelel i mul, che'en.

Hechos 8:24

Simón tsi' jac'ʌ: C'ajtiben lac Yum cha'an ma'anic mi' wis tajon jini tsa' bʌ a wʌlʌ, che'en.

1 Corintios 14:4

Jini mu' bʌ i cha'len t'an ti yan tac bʌ t'an mi' bajñel xuc'chocon i pusic'al. Jini mu' bʌ i cha'len subt'an mi' xuc'chocobeñob i pusic'al xñopt'añob mu' bʌ i tempañob i bʌ.

Hebreos 1:1

Ti oñiyi Dios tsi' c'ʌñʌ jini x'alt'añob cha'an mi' pejcan lac ñojte'el. Cabʌl tsi' pejcayob ti chajp ti chajp che' bajche' yom ti jujunyajl.

Hebreos 13:4

Ña'tanla uts'at ñujpuñel, uts'at mi' pʌy i yijñam winic. Yom xuc'ul mi' pi'leñob i bʌ. Come majqui jach mi' taj i yixic, mi an i yijñam, o mi ma'anic i yijñam, Dios mi caj i mel.

1 Juan 5:16

Mi an majch mi' q'uel i yermano che' woli' taj i mul mach bʌ anic mi' yʌc' ti chʌmel, la i c'ajtiben Dios cha'an mi' ñusʌbentel i mul i yermano. Dios mi caj i yʌq'uen i cuxtʌlel jini am bʌ i mul mach bʌ anic mi' yʌc' ti chʌmel. An mulil mu' bʌ i yʌc'onla ti chʌmel. Ma'anic wolic subeñetla mi yom mi la' cha'len oración cha'an mi' ñusʌbentel.

1 Samuel 12:19

Ti pejtelelob tsa' caji' subeñob Samuel: A wocolic, pejcan a Yum Dios ti oración. C'ajtiben cha'an mi' coltañon lojon ame chʌmicon lojon cha'an pejtelel c mul lojon. Melel jontolon lojon. Jini cha'an tsaj c'ajti lojon c rey, che'ob.

1 Samuel 12:23

Joñon ja'el mi caj c chʌn coltañetla ti oración. Machiqui, mic taj c mul ti' contra lac Yum. Mi caj j cʌntesañetla ti jini wen bʌ bij, jini toj bʌ.

1 Samuel 7:5

Jini cha'an Samuel tsi' subeyob: Yom mi la' tempan pejtelel israelob ya' ti Mizpa. Joñon mi caj c pejcan Dios ti oración cha'an mi' coltañetla, che'en.

1 Samuel 7:8

Tsa' caji i subeñob Samuel ti wocol t'an: Chʌn pejcan lac Yum Dios cha'an mi' coltañonla, ame jiliconla ti' c'ʌb filisteojob, che'ob.