Genesis 2:9 - Chol: I T’an Dios

⁹ Lac Yum Dios tsi' yʌc'ʌ ti colel ti lum pejtelel i t'ojol bʌ te' yic'ot uts'at bʌ cha'an i bʌl ñʌc'ʌl. Tsi' yʌc'ʌ ti colel ja'el ya' ti' yojlil jini pʌc'ʌbʌl jini te' mu' bʌ i yʌc' laj cuxtʌlel yic'ot jini te' mu' bʌ i yʌc' ti cʌjñel chuqui uts'at yic'ot chuqui jontol.

Chol de Tumbalá Bible

⁹ Lac Yum Dios tsi' yʌc'ʌ ti colel ti lum pejtelel i t'ojol bʌ te' yic'ot uts'at bʌ cha'an i bʌl ñʌc'ʌl. Tsi' yʌc'ʌ ti colel ja'el ya' ti' yojlil jini pʌc'ʌbʌl jini te' mu' bʌ i yʌc' laj cuxtʌlel yic'ot jini te' mu' bʌ i yʌc' ti cʌjñel chuqui uts'at yic'ot chuqui jontol.

Jiñi Tsiji' bʌ Wen T'añ cha'añ Estudio

⁹ Lac Yum Dios tsi' yʌc'ʌ ti colel ti lum pejtelel i t'ojol bʌ te' yic'ot uts'at bʌ cha'añ i bʌl ñʌc'ʌl. Tsi' yʌc'ʌ ti colel ja'el ya' ti' yojlil jiñi pʌc'ʌbʌl jiñi te' mu' bʌ i yʌc' laj cuxtʌlel yic'ot jiñi te' mu' bʌ i yʌc' ti cʌjñel chuqui uts'at yic'ot chuqui jontol.

Genesis 2:9 Iomraidhean Croise

Genesis 2:17

Cojach jini te' mu' bʌ i yʌq'ueñet a cʌn chuqui uts'at yic'ot chuqui jontol mach a c'ux, come ti jini q'uin che' ma' c'uxben i wut wersa mi caj a chʌmel, che'en.

Genesis 3:22

Lac Yum Dios tsi' yʌlʌ: Awilan, lajal jini winic che' bajche' joñonla. Cʌñʌl i cha'an chuqui tac uts'at yic'ot chuqui tac jontol. Wʌle bʌbʌq'uen mi' yotsan i c'ʌb i tuc'ben i wut jini te' mu' bʌ i yʌq'uen i cuxtilel, ame i c'ux cha'an mi' yajñel ti pejtelel ora, che'en.

Genesis 3:24

Dios tsi' choco loq'uel jini winic. Ya' ti pʌc'ʌbʌl i c'aba' Edén ya' ba' mi pasel q'uin, Dios tsi' wa'choco querubín bʌ ángelob am bʌ i cha'an espada woli bʌ ti lejmel, woli bʌ ti joyjoyñiyel cha'an mi' mʌctan i bijlel jini te' mu' bʌ i yʌq'ueñonla laj cuxtilel.

Genesis 3:3

Pero Dios tsi' yʌlʌ: “Mach yomic mi la' c'ux i wut jini te' am bʌ ti yojlil jini pʌc'ʌbʌl. Mach la' tʌl ame chʌmiquetla”, che'en jini x'ixic.

Genesis 3:5

Yujil Dios mux i cajñel la' wut che' mi la' c'uxben i wut jini te'. Lajal mi caj la' wajñel bajche' Dios. Mi caj la' cʌn chuqui tac uts'at yic'ot chuqui tac jontol. Che' tsi' yʌlʌ lucum.

Proverbios 11:30

Jini tojo' bʌ lajalobʌch bajche' cuxul bʌ te' mu' bʌ i yʌq'ueñonla i wut cha'an laj cuxtʌlel. Cabʌlʌch i pusic'al jini mu' bʌ i pʌyob winicob cha'an mi' sujtelob ti hermanojob.

Proverbios 3:18

Jini mu' bʌ i taj wen bʌ i ña'tʌbal mi' taj i cuxtilel, come lajalʌch i ña'tʌbal bajche' te' mu' bʌ i yʌq'uen i cuxtilel majqui jach mi' taj. Tijicñayob jini mu' bʌ i chʌn lotob ti' pusic'al.

Isaias 44:25

Joñon mi cʌc'ob ti asiyel jini payxo x'alt'añob. Mic mʌctʌbeñob i t'an. Mic socbeñob i ña'tʌbal jini lon yujilo' bʌ. Mi cʌc' ti sʌc jilel i ña'tʌbal. Tontojob mi' majlelob.

Isaias 47:10

Tsa' lon ña'ta jasʌletix anquese cabʌl a mul. Tsa' wʌlʌ ti a pusic'al: “Ma'anic majch mi' q'uelon”, che'et. Pero lotibilet cha'an jini wujtintel. Tsa' wʌlʌ: “Joñon jach mic cha'len yumʌl. Ma'anic yambʌ bajche' joñon”, lon che'et.

Ezequiel 31:16

Che' wen c'am tsa' yajli ti lum, tsa cotsʌbe i bʌq'uen jini colem tejclum tac, come tsac choco ochel ti' yajñib chʌmeño' bʌ. Pejtelel jini ñuco' bʌ año' bʌ ti' yajñib chʌmeño' bʌ woli' ñuq'uesʌbentelob i pusic'al cha'an tsa' c'oti egiptojob.

Ezequiel 31:18

Egipto, cabʌl a ñuclel ti' tojlel yambʌ colem tejclum tac pero mi caj a c'otel ti' yajñib chʌmeño' bʌ yic'ot pejtelel jini yaño' bʌ. Mi caj a wajñel ti' tojlel jini ts'a'lebilo' bʌ ma' q'uel. Mi caj a jisʌntel ti espada. Che'i mi caj i jilel Faraón yic'ot pejtelel i winicob”, che'en lac Yum Dios.

Ezequiel 47:12

Ya' ti' ti' jini cuxul bʌ ja' mi' caj ti colel jini te' tac mu' bʌ i yʌc' i wut ti chajp ti chajp. Ma'anic mi caj i tiquin i yopol. Mi caj i chʌn ajñel i wut ti pejtelel ora. Ti jujump'ejl uw mi' caj ti c'ʌñ'an i wut, come mi' taj ja' ti jini ñoj ja' mu' bʌ i loq'uel ti Templo. Uts'at i wut cha'an i bʌl lac ñʌc'. Uts'at i yopol cha'an ts'ac.

Juan 6:48

Joñon jini Wajon mu' bʌ cʌq'ueñetla la' cuxtʌlel.

1 Corintios 8:1

Wʌle, cha'an we'elʌl aq'uebil bʌ dioste' tac ti' majtan, la cujil an lac ña'tʌbal ti lac pejtelel. Lac ña'tʌbal mi' yʌq'ueñonla lac lon q'uel lac bʌ ti ñuc, pero laj c'uxbiya mi' ñijcañonla ti coltaya.

Deuteronomio 6:25

Muq'uix caj i q'uelonla ti toj mi tsa' lac jac'be pejtelel ili mandar ti' tojlel lac Yum Dios che' bajche' tsi' subeyonla”, che'etla.

Apocalipsis 2:7

Jini am bʌ i chiquin la' i yubiben i t'an i yEspíritu Dios mu' bʌ i suben xñopt'añob mu' bʌ i tempañob i bʌ. Jini mu' bʌ i mʌjlel i cha'an mi caj cʌq'uen i c'uxben i wut jini te' i yejtal bʌ laj cuxtʌlel am bʌ ti' yojlil i paraíso Dios”.

Apocalipsis 22:14

Tijicñayob mu' bʌ i wuts'ob i pislel cha'an mi' c'uxbeñob i wut jini te' i yejtal bʌ i cuxtʌlel. Mi caj i yochelob ti' ti' tejclum.

Apocalipsis 22:2

Woli' ñumel ti' yojlil calle am bʌ ti jini tejclum. Ti jujunwejl ja' an te' i yejtal bʌ laj cuxtʌlel. Mi' yʌc' i wut ti jujump'ejl uw lajchʌnyajl ti jab. An i c'ʌjñibal i yopol jini te' cha'an mi' lajmesan jini año' bʌ ti pañimil.