Genesis 2:25 - Chol: I T’an Dios

²⁵ Pits'ilob ti cha'ticlel, jini winic yic'ot i yijñam. Ma'anic tsi' cha'leyob quisin.

Chol de Tumbalá Bible

²⁵ Pits'ilob ti cha'ticlel, jini winic yic'ot i yijñam. Ma'anic tsi' cha'leyob quisin.

Jiñi Tsiji' bʌ Wen T'añ cha'añ Estudio

²⁵ Pits'ilob ti' cha'ticlel, Adán yic'ot i yijñam, ma'añic tsi' cha'leyob quisin.

Genesis 2:25 Iomraidhean Croise

Genesis 3:7

Tsa' cajñiyob i wut ti cha'ticlel cha'an mi' cʌñob chuqui uts'at yic'ot chuqui jontol. Tsa' caji' q'uelob i bʌ che' pits'ilob. Tsi' ts'isiyob i yopol higuerate'. Tsi' meleyob i cajchil.

Salmos 25:3

Isujm, ma'anic mi' cajel ti quisin jini mu' bʌ i pijtañet. Mi' cajelob ti quisin jini mu' bʌ i ñusañob a t'an.

Salmos 31:17

C Yum, mach a wʌc'on ti quisin come tsa'ix c pejcayet. La' i yubiñob quisin jini jontolo' bʌ. Mi caj i ñʌjch'elob ya' ti' yajñib chʌmeño' bʌ.

Exodo 32:25

Tsi' q'uele Moisés ma'anic tsa' mejli i tic'ob winicob jini Aarón, come ma'anic tsi' tiq'uiyob che' bʌ tsa' cajiyob i cha'leñob i ts'i'lel. Tsa' wajlentiyob cha'an i contrajob.

Isaias 44:9

Sojquemob pejtel jini xmel diosob. Ma'anic i c'ʌjñibal i melbalob mu' bʌ i lon c'uxbiñob. Jini mu' bʌ i melob mi' bajñel ña'tañob mach c'otic i wut jini diosob. Ma'anic mi' yubiñob t'an. Ma'anic i ña'tʌbal. Jini cha'an mi' cajelob ti quisin.

Isaias 47:3

Mi caj a q'uejlel che' pits'ilet. Mi caj a wubin quisin ti' tojlel jini mu' bʌ i tic'lañet. Mi caj j q'uextʌbeñet a mul. Ma'anic majch mi caj c p'untan.

Isaias 54:4

Mach a cha'len bʌq'uen, come ma'anic mi caj a wʌjq'uel ti quisin. Ma'anic mi caj i p'ajetob. Mi caj i ñajʌyel a cha'an a quisin tsa' bʌ a wubi che' xch'oquet to. Ma'anix mi caj i chʌn c'ajtiyel a cha'an a wʌ'lentel cha'an meba'et.

Jeremias 17:13

Jatet i yaj pijtayajet Israel. Pejtel mu' bʌ i cʌyetob mi' cajelob ti quisin. Chucul i c'aba' ti pañimil, mach ya'ic chucul ti chan, cha'an tsi' cʌyʌyet. Jatet jach i loq'uibet jini Cuxul bʌ Ja'.

Jeremias 6:15

¿Tsa' ba i yubiyob quisin che' bʌ tsi' cha'leyob jontolil? Ma'anic. Mach yujilobic quisin. Ma'anic mi' chʌc'an i wut. Jini cha'an mi caj i yajlelob yic'ot jini tsʌnsʌbilo' bʌ. Che' mi cʌq'ueñob i tojob i mul, mi caj i chʌmelob, che'en.

Ezequiel 16:61

Che' ma' cha' ña'tan bajche' tsa' mele, mi caj a cha'len quisin come mi caj cʌq'ueñet ti a wenta a chich yic'ot a wijts'in i wenta a walobilob cha'an mi' yumañetob.

Joel 2:26

Mux caj la' cha' wen c'ux waj c'ʌlʌl mi la' ñaj'an. Subeñonla c ñuclel come la' Yumon la' Dioson woli bʌ c pʌsbeñetla i yejtal tac c p'ʌtʌlel. Ma'anix mi caj i chʌn jisʌntel i chol c cha'año' bʌ.

Marcos 8:38

Majqui jach mi' cha'len quisin cha'añon yic'ot cha'an c t'an ti' tojlel winicob x'ixicob año' bʌ i ts'i'lel yic'ot i jontolil, i Yalobil Winic ja'el mi caj i cha'len quisin cha'an jini winic che' mi' tilel ti' ñuclel i Tat yic'ot jini ch'ujul bʌ ángelob. Che' tsi' yʌlʌ Jesús.

Lucas 9:26

Majqui jach mi' quisniñon yic'ot c t'an, i Yalobil Winic ja'el mi caj i quisnin jini winic che' mi' tilel ti' ñuclel yic'ot i ñuclel i Tat yic'ot i ñuclel jini ch'ujul bʌ ángelob.

Romanos 10:11

Come i Ts'ijbujel Dios mi' yʌl: “Jini mu' bʌ i ñop lac Yum Jesús ma'anic mi caj i yubin quisin”, che'en.