Genesis 2:23 - Chol: I T’an Dios

²³ Jini winic tsi' yʌlʌ: Jiñʌch c bʌquel loq'uem bʌ tic bʌquel yic'ot c bʌc'tal loq'uem bʌ tic bʌc'tal. I c'aba' x'ixic come loq'uem ti winic, che'en.

Chol de Tumbalá Bible

²³ Jini winic tsi' yʌlʌ: Jiñʌch c bʌquel loq'uem bʌ tic bʌquel yic'ot c bʌc'tal loq'uem bʌ tic bʌc'tal. I c'aba' x'ixic come loq'uem ti winic, che'en.

Jiñi Tsiji' bʌ Wen T'añ cha'añ Estudio

²³ Jiñi cha'añ Adán tsi' yʌlʌ: Iliyi jiñʌch mero c bʌquel loq'uem bʌ tic bʌquel yic'ot c bʌc'tal loq'uem bʌ tic bʌc'tal. Mi caj i pejcʌntel ti “x'ixic”, come loq'uem ti wiñic.

Genesis 2:23 Iomraidhean Croise

Genesis 29:14

Labán tsi' sube: Lac pi'ʌlʌch lac bʌ, che'en. Jacob tsa' jal'a jump'ejl uw ba'an Labán.

2 Samuel 19:13

Pejcanla Amasa ti uts bʌ t'an. Suben: “Lac pi'ʌl lac bʌ. Junlajal lac bʌc'tal yic'ot lac bʌquel. La' q'uic'ot. Mux awilan cha'an cuxul lac Yum, mi caj a wochel ti a we'tel ti' wenta Joab. Mach loq'uiquet ti a we'tel ti pejtelel ora”, che'en David.

2 Samuel 5:1

Tsa' c'oti i pejcañob David ya' ti Hebrón pejtelel israelob ti mojt ti mojt. Tsi' yʌlʌyob: Wʌ' añon lojon. Junsujm jach c bʌc'tal lojon yic'ot a bʌc'tal. Junsujm jach c bʌquel lojon yic'ot a bʌquel.

Juezob 9:2

La' wocolic subenla jini winicob ti Siquem: “¿Yom ba mi' cha'leñob yumʌl jini lujuntiquil i chʌnc'al i yalobilob Jerobaal? ¿Mach ba yomic mi' yochel juntiquil jach ti yumʌl?” che'etla. Yom mi la' wen ña'tan lac pi'ʌl jach lac bʌ, junlajal lac ñojte'el yic'ot lac lumal, che'en Abimelec.