Genesis 2:17 - Chol: I T’an Dios

¹⁷ Cojach jini te' mu' bʌ i yʌq'ueñet a cʌn chuqui uts'at yic'ot chuqui jontol mach a c'ux, come ti jini q'uin che' ma' c'uxben i wut wersa mi caj a chʌmel, che'en.

Chol de Tumbalá Bible

¹⁷ Cojach jini te' mu' bʌ i yʌq'ueñet a cʌn chuqui uts'at yic'ot chuqui jontol mach a c'ux, come ti jini q'uin che' ma' c'uxben i wut wersa mi caj a chʌmel, che'en.

Jiñi Tsiji' bʌ Wen T'añ cha'añ Estudio

¹⁷ pero cojach jiñi te' mu' bʌ i yʌq'ueñet a cʌn chuqui uts'at yic'ot chuqui jontol mach a c'ux, come ti jiñi q'uiñ che' ma' c'uxben i wut, isujm mi caj a chʌmel.”

Genesis 2:17 Iomraidhean Croise

Genesis 2:9

Lac Yum Dios tsi' yʌc'ʌ ti colel ti lum pejtelel i t'ojol bʌ te' yic'ot uts'at bʌ cha'an i bʌl ñʌc'ʌl. Tsi' yʌc'ʌ ti colel ja'el ya' ti' yojlil jini pʌc'ʌbʌl jini te' mu' bʌ i yʌc' laj cuxtʌlel yic'ot jini te' mu' bʌ i yʌc' ti cʌjñel chuqui uts'at yic'ot chuqui jontol.

Genesis 20:7

Wʌle yomix ma' cha' aq'uen i yijñam jini winic, come x'alt'añʌch. Mi caj i mel oración cha'an ma'anic ma' chʌmel. Mi ma'anic ma' cha' aq'uen i yijñam, mux caj a wersa chʌmel yic'ot pejtel a cha'año' bʌ, che'en Dios.

Genesis 3:11

Dios tsi' yʌlʌ: ¿Majqui tsi' subeyet cha'an pits'ilet? ¿Tsa' ba a c'uxu i wut jini te' tsa' bʌ c subeyet mach yomic ma' c'ux? che'en.

Genesis 3:17

Dios tsi' sube Adán: Tsa' jac'be i t'an a wijñam. Tsa' c'uxu i wut jini te' tsa' bʌ c subeyet mach yomic ma' c'ux. Jini cha'an pujch'emix jini lum cha'añet. Wocol jax mi caj a taj i bʌl a nʌc' ti lum c'ʌlʌl ma' chʌmel.

Genesis 3:19

Mi caj a cha'len bu'lich cha'an wersa e'tel cha'an ma' taj a waj, c'ʌlʌl ma' sujtel ti lum, come tsac meleyet ti ts'ubejn. Ts'ubeñet. Mi caj a cha' sujtel ti ts'ubejn. Che' tsi' yʌlʌ Dios.

1 Reyob 2:42

Jini rey tsi' choco ti pʌyol Simei. Tsi' sube: ¿Mach ba anic tsac wʌn subeyet ti' tojel lac Yum mi caj a tsʌnsʌntel che' ma' loq'uel ilayi? che'en. Jatet tsa' wʌlʌ mi caj a jac', come uts'at bajche' tsac subeyet.

Jeremias 26:8

Che' bʌ tsa' ujti i laj subeñob ili t'an che' bajche' tsi' sube lac Yum, jini motomajob yic'ot jini x'alt'añob yic'ot pejtel x'ajñelob tsi' chucuyob. Wersa mi caj a chʌmel, che'ob.

Ezequiel 18:13

mi letsem tsi' c'ajti i jol taq'uin che' bʌ tsi' yʌc'ʌ ti majan, ¿cuxul ba mi caj i yajñel ili winic? Ma'anic. Wersa mi' chʌmel, come pejtelel chuqui tsi' mele jiñʌch mulil. Jini cha'an an ti' bajñel wenta cha'an mi' toj i mul che' ti' yorajlel wocol.

Ezequiel 18:32

Come mach tijicñayonic che' mi la' chʌmel mi juntiquilic. Jini cha'an cʌyʌ la' mul cha'an cuxul mi la' wajñel, che'en lac Yum Dios.

Ezequiel 18:4

Come c cha'añetla ti la' pejtelel. Tsa cʌq'ueyob i cuxtʌlel jini tatʌlob yic'ot i yalobilob. Jini cha'an jini mu' bʌ i cha'len mulil i bajñel mi' caj ti chʌmel.

Ezequiel 33:14

Che' ja'el ba' ora mic suben jini xmulil wersa mi caj i chʌmel, mi tsi' cʌyʌ i mul, mi tsa' caji i mel chuqui wen yic'ot chuqui uts'at, mach chʌmic.

Ezequiel 33:8

Che' mic suben juntiquil xmulil: “Xmulil, wersa mi caj a chʌmel”, cho'on, mi ma'anic ma' suben jini winic cha'an mi' sutq'uin i bʌ ba' añon, mi caj i chʌmel jini xmulil cha'an i mul, pero mi caj i yajñel ti a wenta jini i ch'ich'el.

Romanos 1:32

Anquese ña'tʌbil i cha'añob tsa'ix i yʌc'ʌ mandar Dios cha'an mi' chʌmel jini mu' bʌ i mel bajche' jini, mi' chʌn melob. Mi' c'uxbiñob ja'el jini mu' bʌ i melob jontolil lajal bajche'ob.

Romanos 6:16

¿Mach ba la' wujilic? Che' mi la' wotsan la' bʌ ti' ye'tel ti' tojlel yambʌ winic, i winiquetla che' woli la' jac'ben. Jini mu' bʌ i jac' mulil mi' chʌmel. Jini mu' bʌ i jac' Dios mi' taj toj bʌ i pusic'al.

Romanos 6:23

An i tojol mulil. Jini mu' bʌ i cha'leñob mulil wersa mi' chʌmelob, jiñʌch i tojol. Pero lac majtan ch'oyol bʌ ti Dios jiñʌch laj cuxtilel mach bʌ anic mi' jilel ti lac Yum Cristo Jesús.

Romanos 8:2

Come i p'ʌtʌlel jini Espíritu mu' bʌ i yʌq'ueñonla laj cuxtʌlel ti Cristo Jesús tsi' coloyonla ti' p'ʌtʌlel mulil mu' bʌ i yʌc'onla ti chʌmel.

1 Corintios 15:22

Come che' bajche' mi' chʌmelob pejtelel i p'olbal Adán, che' ja'el mi caj i cha' cuxtʌyelob pejtelel año' bʌ ti' Cristo.

1 Corintios 15:56

Jini c'ux bʌ, jiñʌch mulil mu' bʌ i yʌc'onla ti chʌmel. Jini mulil mi' taj i p'ʌtʌlel cha'an jini mandar.

Gálatas 3:10

Come pejtelel mu' bʌ i ñopob i coltañob i bʌ ti' jac'ol jini mandar mi caj i chojquelob ti Dios. Come ts'ijbubil: “Mux i chojquelob ti Dios pejtelel mu' bʌ i wis cʌyob i mel ti ts'ʌcʌl chuqui tac ts'ijbubil ti' juñilel jini mandar”.

Efesios 5:14

Jini cha'an albilix: “Caña a wut woliyet bʌ ti wʌyel. Ch'ojyen loq'uel ti ic'ch'ipan bʌ pañimil ba'an chʌmeño' bʌ. Cristo mi caj i yʌq'uet ti ajñel ti' sʌclel pañimil”.

Deuteronomio 27:26

“La' aq'uentic wocol jini mach bʌ anic mi' jac' i mel ili mandar”, che'ob. Pejtelel jini año' bʌ ti tejclum mi caj i yʌlob: “Amén”, che'ob.

Deuteronomio 30:15

Jini cha'an wʌle tsa'ix c pʌsbeyet i bijlel a cuxtʌlel ba'an bendición, yic'ot i bijlel chʌmel ba'an wocol.

Deuteronomio 30:19

Jini cha'an mic wa'chocon jini año' bʌ ti panchan yic'ot ti pañimil che' bajche' testigojob ti la' tojlel, cha'an tsa'ix c pʌsbeyetla i bijlel la' cuxtʌlel ba'an bendición, yic'ot i bijlel chʌmel ba'an wocol. Jini cha'an yajcan a cuxtʌlel cha'an chʌn cuxulet, yic'ot a walobilob.

Colosenses 2:13

Ti yambʌ ora che' chʌmeñetla ti mulil, che' mach tsepbilic la' pʌchʌlel, Dios tsi' yʌq'ueyetla la' cuxtʌlel yic'ot Cristo. Tsi' ñusʌbeyetla pejtelel la' mul.

1 Timoteo 5:6

Pero jini meba' x'ixic mu' bʌ i mel bajche' jach yom i bajñel pusic'al, chʌmenix yilal che' cuxul to.

Santiago 1:15

I colosojlel i pusic'al mi' colel ti' pusic'al. Mi' ñijcan ti mulil. Che' tsa'ix p'ojli mulil mi' yʌc' ti chʌmel.

1 Juan 5:16

Mi an majch mi' q'uel i yermano che' woli' taj i mul mach bʌ anic mi' yʌc' ti chʌmel, la i c'ajtiben Dios cha'an mi' ñusʌbentel i mul i yermano. Dios mi caj i yʌq'uen i cuxtʌlel jini am bʌ i mul mach bʌ anic mi' yʌc' ti chʌmel. An mulil mu' bʌ i yʌc'onla ti chʌmel. Ma'anic wolic subeñetla mi yom mi la' cha'len oración cha'an mi' ñusʌbentel.

Apocalipsis 2:11

Jini am bʌ i chiquin la' i yubiben i t'an jini Espíritu mu' bʌ i suben xñopt'añob. Jini mu' bʌ i mʌjlel i cha'an ma'anic mi caj i chʌmel ti' cha'yajlel”.

Apocalipsis 20:14

Jini i p'ʌtʌlel chʌmel yic'ot i yajñib chʌmeño' bʌ tsa' chojquiyob ochel ti' yajñib colem c'ajc. Jiñʌch i cha'yajlel mi' chʌmelob, che' mi' yochelob ti colem c'ajc.

Apocalipsis 20:6

Tijicñayob mu' bʌ i tejchelob ch'ojyel ti ñaxan. Ch'ujulob. Ma'anic mi caj i chʌmelob ti' cha'yajlel. Mi caj i yochelob ti motomaj ti' tojlel Dios yic'ot ti' tojlel Cristo. Mi caj i tem cha'leñob yumʌl yic'ot Cristo lujunc'al i yuxbajc' jab.

Apocalipsis 21:8

Jini muc'o' bʌ ti bʌq'uen, yic'ot jini mach bʌ anic mi' ñopob, yic'ot jini bibi'o' bʌ, yic'ot stsʌnsajob, yic'ot mu' bʌ i cha'leñob ts'i'lel, yic'ot xwujtob, yic'ot xch'ujutesa dioste'ob, yic'ot pejtelel xlotob mi caj i tajob i yajñib ya' ti c'ajc woli bʌ ti pulel yic'ot azufre. Jiñʌch i cha'yajlel mi' chʌmelob, che'en.

Juezob 3:2

Jini cha'an lac Yum tsi' yʌq'ueyob i ñop guerra cha'an mi' pʌsbeñob i ñuclel maxto bʌ anic tsi' q'ueleyob.

1 Samuel 14:39

Isujm mic subeñetla come cuxul lac Yum tsa' bʌ i colta israelob: Majqui an i mul, la' chʌmic. Anquese mi jinic calobil Jonatán am bʌ i mul wersa mi' chʌmel, che'en. Pero ma'anic majqui tsi' jac'be.

1 Samuel 14:44

Saúl tsi' jac'ʌ: Wersa mi caj a chʌmel. La' i yʌq'ueñon wocol Dios, mi ma'anic mi cʌq'uet ti chʌmel, Jonatán, che'en.

1 Samuel 20:31

Che' cuxul to David ila ti pañimil ma'anic mi caj a cha'len yumʌntel. Mach xuc'ulic mi caj i yajñel a yumʌntel. Choco majlel winicob cha'an mi' pʌyob tilel ba' añon. Wersa mi' cajel ti chʌmel, che'en Saúl.

1 Samuel 22:16

Pero jini rey tsi' sube: Ahimelec, wersa mi caj a chʌmel jatet yic'ot pejtelel jini año' bʌ ti a wotot, che'en.