Genesis 2:1 - Chol: I T’an Dios

¹ Tsa' ujti i mel jini panchan yic'ot pañimil yic'ot pejtelel i bʌl.

Chol de Tumbalá Bible

¹ Tsa' ujti i mel jini panchan yic'ot pañimil yic'ot pejtelel i bʌl.

Jiñi Tsiji' bʌ Wen T'añ cha'añ Estudio

¹ Che'ʌch tsa' ujti i mel Dios jiñi panchan yic'ot pañimil yic'ot pejtelel i bʌl.

Genesis 2:1 Iomraidhean Croise

Genesis 1:1

Che' ti' cajibal tsi' mele Dios jini panchan yic'ot pañimil.

Genesis 1:10

Dios tsi' yotsʌbe i c'aba' jini tiquin bʌ jiñʌch lum. Tsi' yotsʌbe i c'aba' tempʌbil bʌ ja' jiñʌch colem ñajb tac. Dios tsi' q'uele uts'atʌch.

Genesis 2:4

Lac Yum Dios tsi' mele panchan yic'ot pañimil. Che'ʌch tsa' mejli.

2 Reyob 19:15

Che' jini tsa' caji ti oración Ezequías. Tsi' yʌlʌ: C Yum i Dioset bʌ Israel, mu' bʌ a yumʌntel ti tojlel ángelob, jatet jach i Dioset jini reyob ti pejtelel pañimil. Jatet tsa' mele panchan yic'ot pañimil.

2 Cronicas 2:12

La' ñuq'uesʌntic lac Yum i Dios israelob tsa' bʌ i mele panchan yic'ot pañimil. Tsa'ix i yʌq'ue David juntiquil i yalobil wen toj bʌ, wen cabʌl bʌ i pusic'al yic'ot i ña'tʌbal cha'an ili e'tel. Uts'at mi caj a wa'chocoben i Templo lac Yum. Uts'at mi caj a mel a wotot ja'el ba' ma' cha'len yumʌl.

Nehemias 9:6

Esdras tsi' yʌlʌ: Jatet jach Yumʌlet, c Yum lojon. Tsa' mele panchan, jini ñuc bʌ panchan ya' ba' chumulet. Tsa' mele ja'el pejtel jini chumulo' bʌ ti panchan. Tsa' mele pañimil yic'ot pejtel am bʌ ti pañimil. Tsa' mele ñajb yic'ot pejtel am bʌ ti ñajb. Ma' cʌntan ti pejtelel. Mi' ch'ujutesañetob jini chumulo' bʌ ti panchan.

Job 12:9

Laj yujilob jiñʌch i c'ʌb lac Yum tsa' bʌ i meleyob.

Salmos 104:2

Jini a pislel jiñʌch i c'ʌc'al pañimil. Jini panchan tsʌye'el a cha'an che' bajche' pisil.

Salmos 146:6

Jiñʌch tsa' bʌ i mele panchan yic'ot pañimil Yic'ot colem ñajb yic'ot pejtel i bʌl.

Salmos 33:6

Tsa' mejli jini panchan cha'an ti' t'an lac Yum, Tsa' mejli pejtel ec' tac cha'an i yiq'uilel i yej.

Salmos 33:9

Che' bʌ tsi' cha'le t'an, tsa' mejli chuqui tsi' yʌlʌ. Tsi' cha'le mandar, xuc'ulʌch tsa' cʌle.

Exodo 20:11

come ti wʌcp'ejl q'uin a Yum tsi' mele panchan yic'ot pañimil, jini ñajb, yic'ot pejtel i bʌl. Tsi' c'aja i yo che' ti wucp'ejlel q'uin. Jini cha'an a Yum tsi' yʌlʌ uts'at i q'uiñilel c'aj o. Tsi' q'uele ti ch'ujul.

Exodo 31:17

Jiñʌch junchajp t'an mu' bʌ caj i yajñel tic tojlel yic'ot ti' tojlel israelob c'ʌlʌl ti pejtelel ora. Come ti wʌcp'ejl jach q'uin tsac mele jini panchan yic'ot pañimil. Ti' wʌcp'ejlel q'uin tsa' laj ujti c mel. Che' ti' wucp'ejlel q'uin tsaj c'aja co. Joñon la' Yumon la' Dioson”. Che' tsi' yʌlʌ lac Yum Dios.

Isaias 34:4

Jini yujil tac bʌ ulmʌl ti panchan mi caj i sʌc jilel. Jini panchan mi caj i bʌjlel che' bajche' jun. Jini ec' tac mi caj i yajlel che' bajche' tiquinix bʌ i yopol te' mu' bʌ i p'ajtel ti lum yic'ot c'un bʌ i wut higuera.

Isaias 42:5

Joñon a Yumon jini cojach bʌ Dios. Tsac mele panchan. Tsac lich'choco. Tsac mele jini pañimil yic'ot pejtel i bʌl. Mi cʌq'uen i c'uxtʌlel jini año' bʌ ti pañimil.

Isaias 45:12

Joñon tsac mele pañimil. Tsac mele winic ti pañimil. Tsac lich'choco panchan tij c'ʌb. Tsa cʌc'ʌ jini ec' ti' yajñib tac. Añʌch c p'ʌtʌlel cha'an mic ts'ʌctesan pejtelel tsa' bʌ c subu.

Isaias 45:18

Lac Yum, jiñʌch Dios. Tsi' mele panchan yic'ot pañimil, yic'ot pejtelel chuqui tac an. Mach lolomic tsi' mele pañimil. Tsi' mele cha'an i chumlib winicob. Tsi' yʌlʌ: Joñon Yumʌlon, ma'anic yambʌ.

Isaias 48:13

Joñon tsac xuc'choco jini pañimil tij c'ʌb. Joñon tsac lich'choco jini panchan ti ñoj bʌ j c'ʌb. Ujtel jax to c pejcañob, tsa' cajiyob ti ajñel.

Isaias 55:9

Wen chan jini panchan. Mach la' tajayic i chanlel. Che' ja'el c bijlel ñumen chan bajche' la' bijlel. Mic ts'ʌctesan pejtel mu' bʌ c ña'tan c mel. Mach mejlic la' ch'ʌmben i sujmlel jini mu' bʌ c ña'tan.

Isaias 65:17

La' wilan wolic mel tsiji' bʌ panchan yic'ot tsiji' bʌ pañimil. Ma'anic mi caj i chʌn ña'tʌntel jini tsa'ix bʌ ñumi. Ma'anix majch mi caj i chʌn c'ajtesan.

Jeremias 10:12

Diosʌch tsa' bʌ i mele pañimil ti cabʌl i p'ʌtʌlel. Tsi' xuc'choco pañimil cha'an cabʌl i ña'tʌbal. Tsi' lich'i tac panchan jini wen yujil bʌ.

Jeremias 10:16

Mach che'ic i Dios Jacob, come jini tsi' mele pejtel chuqui tac an. Tsi' yajca Israel cha'an mi yochel ti' cha'an bʌ. Jiñʌch i Yum Panchan.

Jeremias 8:2

Mi caj i q'uiyibeñob i bʌquel ti pam lum ti' c'ʌc'al jini q'uin yic'ot uw yic'ot ec', come jiñobʌch i diosob. Mi' c'uxbiñob, mi' ch'ujutesañob. Mi' pulbeñob pom. Mi' cha'leñob q'uiñijel. Pam pujquem mi caj i cʌytʌl i bʌquel ili winicob che' bajche' ta' ti pam lum. Ma'anix majqui mi caj i much'quiñob cha'an mi' cha' mucob.

Zacarias 12:1

Jiñʌch i t'an lac Yum ti' contra Israel. Jiñʌch lac Yum tsa' bʌ i mele panchan yic'ot pañimil, tsa' bʌ i yʌq'ueyob i cuxtilel winicob.

Lucas 2:13

Ti ora tsa' tsictiyi yic'ot jini ángel wen cabʌlob ch'oyolo' bʌ ti panchan, woli bʌ i subob i ñuclel Dios.

Hechos 4:24

Che' bʌ tsa'ix ujti i yubiñob jini t'an, ti pejtelelob tsi' tem pejcayob Dios. Tsi' subeyob: C Yum, jatet Dioset tsa' bʌ a mele panchan yic'ot pañimil yic'ot colem ñajb yic'ot pejtelel i bʌl.

Hechos 7:42

Jini cha'an Dios tsi' cʌyʌyob cha'an mi' ch'ujutesañob jini q'uin yic'ot uw yic'ot ec'. Ts'ijbubil ti' jun x'alt'añob ja'el: “Jatetla israelob, ¿tsa' ba la' tsʌnsʌbeyon la' wʌlac' cha'c'al jab ti jochol bʌ lum? ¿Tsa' ba la' pulbeyon c majtan?

Deuteronomio 4:19

Che' ja'el mach yomic mi la' letsan la' wut ti panchan cha'an mi la' ch'ujutesan jini q'uin yic'ot uw yic'ot ec' tac. Mach yomic mi la' ñocchocon la' bʌ ti' tojlel. Lac Yum Dios tsi' yʌc'ʌ jini q'uin yic'ot uw yic'ot ec' cha'an mi' pʌs i c'ʌc'al tac ti' tojlel winicob ti pañimil.

Hebreos 4:3

Pero joñonla mu' bʌ lac ñop Dios, ochemonla ba' mi laj c'aj la co, che' bajche' tsi' yʌlʌ: “Mich'on tsac subu ti isujm: Ma'anic mi caj cʌq'ueñob i c'aj i yo quic'ot”. Che' tsi' yʌlʌ Dios, anquese ujtemix i melbal c'ʌlʌl ti' tejchibal pañimil.