Genesis 19:9 - Chol: I T’an Dios

⁹ Tsi' yʌlʌyob: Tʌts'ʌ a bʌ ya'i, che'ob. Tsi' yʌlʌyob ja'el: Tsa' tili ili winic ti poj chumtʌl, pero yom ochel ti xmeloñel. Wʌle wen ñumen mi caj c tic'lañet lojon bajche' jini winicob. Tsi' wit chocoyob Lot. Colelix i jem i ti' otot che' bʌ tsi' ñochtayob.

Chol de Tumbalá Bible

⁹ Tsi' yʌlʌyob: Tʌts'ʌ a bʌ ya'i, che'ob. Tsi' yʌlʌyob ja'el: Tsa' tili ili winic ti poj chumtʌl, pero yom ochel ti xmeloñel. Wʌle wen ñumen mi caj c tic'lañet lojon bajche' jini winicob. Tsi' wit chocoyob Lot. Colelix i jem i ti' otot che' bʌ tsi' ñochtayob.

Jiñi Tsiji' bʌ Wen T'añ cha'añ Estudio

⁹ Jiñi wiñicob tsi' jac'ʌyob: —¡Tʌts'ʌ a bʌ ya'i! Tsi' yʌlʌyob ja'el: —Tsa' tili ili wiñic mach bʌ laj cʌñʌyic cha'añ mi' chumtʌl la quic'ot, ¿jim ba mi caj i cha'len meloñel ti lac tojlel? Jiñi cha'añ wʌle ñumen mi caj c tic'lañet lojon che' bajche' jiñi wiñicob. Ti jiñi jach bʌ ora tsa' caji i xit xit chocob loq'uel Lot, tsi' lʌc'tesayob i bʌ cha'añ mi' top'ob i ti' otot.

Genesis 19:9 Iomraidhean Croise

Genesis 11:6

Lac Yum tsi' yʌlʌ: Awilan, junmojt jach winicob x'ixicob. Junchajp jach i t'an ti pejtelelob. Jiñʌch i tejchibal jach chuqui mi caj i cha'leñob. Che' jini mi caj i melob pejtelel chuqui mi' ña'tañob i mel.

Genesis 13:12

Abram tsa' chumle ti' lumal Canaán. Lot tsa' chumle ti tejclum tac am bʌ ti joctʌl. Tsa' c'ʌlʌl majli ti' lumal Sodoma.

Exodo 2:14

Tsi' jac'ʌ: ¿Majqui tsi' wa'chocoyet ti yumʌl tic tojlel lojon cha'an ma' cha'len meloñel? ¿A wom ba a tsʌnsañon lojon che' bajche' tsa' tsʌnsa jini egipto? che'en. Moisés tsa' caji ti bʌq'uen. Tsi' ña'ta: Tsiquilix jini tsa' bʌ c cha'le. Che' tsi' ña'ta.

Proverbios 14:16

Jini wen bʌ i pusic'al mi' bʌc'ñan mulil. Mi' tʌts' i bʌ. Jini tonto bʌ ch'ejl mi' lon pʌs i bʌ. Xuc'ul mi' lon q'uel i bʌ.

Proverbios 17:12

Mach yocʌ wocolic mi tsi' tajayonla bajlum chilbebil bʌ i yal, pero wen wocol mi tsi' tajayonla juntiquil tonto bʌ woli bʌ i mel bajche' yom i pusic'al.

Proverbios 27:3

Alatax xajlel, wen al jini ji', pero ñumen wocol ti cuchol i mich'ajel jini tonto bʌ.

Eclesiastes 10:13

Tonto i t'an jini tonto bʌ che' ti' tejchibal, pero sojquem che' ti' jilibal.

Eclesiastes 9:3

Jini cha'an ma'anic mi' cʌyob i jontolil winicob. Mi' bajñel ña'tañob chuqui yomob i mel anquese socol i bijlel. Yujilob mi' cajelob ti chʌmel.

Isaias 65:5

Mi' lon subeñob i bʌ: “Cʌlen ya'i, mach a tʌlon, come wen sʌcon. Bibi'et”, che'ob. Jini winicob mi' techbeñoñob c mich'ajel.

Jeremias 3:3

Jini cha'an ma'anic ja'al, jamʌl to pañimil. Ma'anic tsac choco tilel jini ñaxan bʌ ja'al. Lajalet bajche' sts'i'lel bʌ x'ixic mach bʌ yomic i cʌy i mul. Mach a wujilic quisin come tsa' wersa tsʌts'esa a pusic'al.

Jeremias 6:15

¿Tsa' ba i yubiyob quisin che' bʌ tsi' cha'leyob jontolil? Ma'anic. Mach yujilobic quisin. Ma'anic mi' chʌc'an i wut. Jini cha'an mi caj i yajlelob yic'ot jini tsʌnsʌbilo' bʌ. Che' mi cʌq'ueñob i tojob i mul, mi caj i chʌmelob, che'en.

Jeremias 8:12

¿Tsa' ba i yubiyob quisin che' bʌ tsi' ch'ujutesayob i diosob? Ma'anic. Mach yujilobic quisin. Mach yujilic chʌc'an i wut. Jini cha'an mi caj i yajlelob yic'ot jini tsʌnsʌbilo' bʌ. Che' i yorajlelix wocol mi caj i yʌjq'uelob ti chʌmel, che'en lac Yum.

Ezequiel 16:49

Awilan jiñʌch i mul a wijts'in ti Sodoma. Tsi' chañ'esa i bʌ, tsi' ñaj'esa i bʌ yic'ot cabʌl i bʌl ñʌc'ʌl. Ma'anix tsi' chʌn ñopo i mel chuqui uts'at, junlajal xch'oc bʌ i yalobilob. Ma'anic tsi' coltayob jini p'ump'uño' bʌ. Ma'anic tsi' p'ʌtesayob jini año' bʌ i wocol.

Mateo 7:6

Mach mi la' wʌq'uen ts'i' chuqui tac ch'ujul. Mach mi la' wejtuben chitam la' perla tac ame mi' t'uchtan, ame mi' sutq'uin i bʌ i lowetla.

1 Samuel 17:44

Tsi' sube ja'el: La' ilayi. Mi caj cʌc' a bʌc'tal cha'an mi' c'ux xta'jol yic'ot bʌte'el, che'en.

1 Samuel 2:16

Mi tsi' jac'be jini winic: Ñaxan pulu i lewil. Che' jini ch'ʌmʌ bajche' c'amel a wom, mi che'en, jini x'e'tel tsi' yʌlʌ: Mach che'ic yom, ñaxan aq'ueñon. Mi ma'anic ma' wʌc' mux c ch'ʌm ti wersa, che'en.

1 Samuel 25:17

Jini cha'an ña'tan bajche' yom ma' mel, come jontol c yum. Bʌbʌq'uen mi caj i jisʌntel yic'ot pejtelel i pi'ʌlob cha'an i jontolil. Ma'anic majch mi mejlel i pejcan, che'en.