Genesis 19:5 - Chol: I T’an Dios

⁵ Tsi' pejcayob Lot: ¿Baqui añob jini winicob tsa' bʌ juliyob ba' añet che' ti ic'ajel? La' loq'uicob ba' añon lojon cha'an mic pi'len lojon, che'ob.

Chol de Tumbalá Bible

⁵ Tsi' pejcayob Lot: ¿Baqui añob jini winicob tsa' bʌ juliyob ba' añet che' ti ic'ajel? La' loq'uicob ba' añon lojon cha'an mic pi'len lojon, che'ob.

Jiñi Tsiji' bʌ Wen T'añ cha'añ Estudio

⁵ Tsi' pʌyʌyob Lot ti c'am bʌ t'añ: —¿Baqui añob jiñi wiñicob tsa' bʌ juliyob tilel ba' añet ti ili ic'ajel? Loc'sañob tilel, cha'añ mij cʌn lojon.

Genesis 19:5 Iomraidhean Croise

Genesis 19:6

Tsa' loq'ui Lot ti' ti' i yotot ya' ba' añob. Tsi' ñup'u i ti' otot ti' pat.

1 Reyob 14:24

An winicob ti Judá tsa' bʌ i pi'leyob i bʌ ti' ts'i'lel. Jini chumulo' bʌ ti Judá leco tsi' meleyob che' bajche' tsi' meleyob jini ñaxan bʌ i yumob jini lum. Lac Yum tsi' chocoyob loq'uel cha'an i mul cha'an mi' ch'ʌmob i lum jini israelob.

1 Reyob 22:46

Josafat tsi' choco loq'uel ti jini lum pejtel jini winicob mu' bʌ i laj bʌ pi'leñob i bʌ, mach bʌ anic tsa' chojquiyob loq'uel che' woli ti yumʌntel Asa i tat.

Isaias 1:9

Ts'ita jax tsa' cʌleyonla, mach oñonixla. Machic tsi' coltayonla i Yum Panchan yic'ot Pañimil, tsa' jisʌntiyonla che' bajche' Sodoma yic'ot Gomorra.

Isaias 3:9

Mach mejlic i mucob i mul. Tsiquil ti' wut. Mi' pam tsictesañob i mul che' bajche' Sodoma. Mach yujilobic quisin. ¡P'umpuñob jax! Woli jach i yʌc'ob i bʌ ti wocol.

Jeremias 3:3

Jini cha'an ma'anic ja'al, jamʌl to pañimil. Ma'anic tsac choco tilel jini ñaxan bʌ ja'al. Lajalet bajche' sts'i'lel bʌ x'ixic mach bʌ yomic i cʌy i mul. Mach a wujilic quisin come tsa' wersa tsʌts'esa a pusic'al.

Jeremias 6:15

¿Tsa' ba i yubiyob quisin che' bʌ tsi' cha'leyob jontolil? Ma'anic. Mach yujilobic quisin. Ma'anic mi' chʌc'an i wut. Jini cha'an mi caj i yajlelob yic'ot jini tsʌnsʌbilo' bʌ. Che' mi cʌq'ueñob i tojob i mul, mi caj i chʌmelob, che'en.

Ezequiel 16:49

Awilan jiñʌch i mul a wijts'in ti Sodoma. Tsi' chañ'esa i bʌ, tsi' ñaj'esa i bʌ yic'ot cabʌl i bʌl ñʌc'ʌl. Ma'anix tsi' chʌn ñopo i mel chuqui uts'at, junlajal xch'oc bʌ i yalobilob. Ma'anic tsi' coltayob jini p'ump'uño' bʌ. Ma'anic tsi' p'ʌtesayob jini año' bʌ i wocol.

Ezequiel 16:50

Cabʌl tsi' lon chañ'esayob i bʌ. Tsi' ch'ujutesayob dioste' tac ti' tojel c wut. Jini cha'an tsac chocoyob loq'uel tic tojlel.

Ezequiel 16:51

Awilan mach cabʌlic i mul Samaria che' bajche' a mul, pero ñumen tsa' ch'ujutesa dioste' tac che' bajche'ob. Ti a tojlel ma'anic i mul a chich yic'ot a wijts'in yilal, come c'ax cabʌl tsa' mele jontolil.

Levitico 18:22

Jini winicob mach yomic mi' wʌlʌc pi'leñob i bʌ. Che' ja'el x'ixicob mach yomic mi' laj bʌ pi'leñob i bʌ, come ts'a' mij q'uel.

Levitico 20:13

Che' an winicob mu' bʌ i wʌlʌc pi'leñob i bʌ, la' cʌlec ti' wentajob jini mulil come tsa'ix i meleyob chuqui bibi'. Jini cha'an ti' cha'ticlelob wersa mi' chʌmelob.

1 Corintios 6:9

¿Mach ba la' wujilic? Ma'anic mi caj i yochelob ti' yumʌntel Dios jini mach bʌ tojobic. Mach mi la' ñop lot. Ma'anic mi caj i yochelob ti' yumʌntel Dios jini mu' bʌ i tajob i ts'i'lel, mi jinic mu' bʌ i c'uxbiñob dioste' tac, mi jinic mu' bʌ i tajob i yixic, mi jinic mach bʌ anic mi' tic'ob i colosojlel i pusic'al, mi jinic winicob mu' bʌ i wʌlʌc pi'leñob i bʌ.

Deuteronomio 23:17

Jini x'ixic yic'ot winic israelo' bʌ, mach yomic mi' choñob i bʌ ti ts'i'lel che' bajche' mi' melob jini mu' bʌ i ch'ujutesañob dioste' tac.

1 Timoteo 1:10

Tsa' ts'ijbunti cha'an mi' tijq'uelob jini mu' bʌ i cha'leñob ts'i'lel, yic'ot jini mu' bʌ i wʌlʌc pi'leñob i bʌ, yic'ot jini mu' bʌ i xujch'iñob winicob, yic'ot xlotob, yic'ot xjop't'añob, yic'ot yaño' bʌ bajche' jach mi' ñusañob toj bʌ cʌntesa.

2 Timoteo 3:13

Pero jini jontolo' bʌ yic'ot xlotiyajob, utsi utsijax mi' chʌn melob i jontolil. Mi caj i lotiñob yaño' bʌ. Mi caj i lotintelob ja'el.

2 Pedro 2:2

An cabʌlob mu' bʌ caj i jac'ob. Lajal mi' melob i ts'i'lel ti' colosojlel i pusic'al. Mi' yʌc'ob ti p'ajtʌl jini isujm bʌ bij.

2 Pedro 2:7

Pero tsi' colta loq'uel Lot jini toj bʌ winic tsa' bʌ i wen mele i pusic'al cha'an i bibi'lel yic'ot i jontolil jini xñusa Diosob.

Judas 1:7

Che' ja'el Sodoma yic'ot Gomorra, yic'ot yambʌ tejclum tac ti' joytʌlel, tsi' tajayob i yixic, tsi' wʌlʌc pejcayob i bʌ. Pero tsi' tojoyob i mul ti c'ajc mach bʌ anic mi' jilel. Jini cha'an yom mi lac chʌcʌ q'uel lac bʌ, come che'ʌch mi caj i jilelob mu' bʌ i socob i bʌ.

Juezob 19:22

Che' wen tijicñayob i pusic'al ya' ti mal otot, jini jontolo' bʌ winicob ya' ti tejclum tsa' tili i joy mʌctañob jini otot. Tsa' caji i jats'beñob i ti'. Tsi' pejcayob jini i yum otot, ñoxix bʌ winic: Loc'san jini winic woli bʌ i c'aj i yo ti a wotot cha'an mic pi'len lojon, che'ob.