Genesis 19:21 - Chol: I T’an Dios

²¹ Jini winic tsi' sube Lot: Awilan, mic jac'beñet jini tsa' bʌ a c'ajtibeyon ja'el. Ma'anic mi caj c jisan ili tejclum tsa' bʌ a c'ajti.

Chol de Tumbalá Bible

²¹ Jini winic tsi' sube Lot: Awilan, mic jac'beñet jini tsa' bʌ a c'ajtibeyon ja'el. Ma'anic mi caj c jisan ili tejclum tsa' bʌ a c'ajti.

Jiñi Tsiji' bʌ Wen T'añ cha'añ Estudio

²¹ Juntiquil tsi' jac'be Lot: —Mic jac'beñet ja'el jiñi tsa' bʌ a c'ajtibeyon, ma'añic mi caj c jisan ili tejclum tsa' bʌ a c'ajti.

Genesis 19:21 Iomraidhean Croise

Genesis 12:2

Mi caj cʌq'ueñet cabʌl a p'olbal ti ñuc bʌ lum. Mi caj cʌq'ueñet a wenlel. Mi caj cʌc' ti cʌjñel a c'aba'. Mi caj i tajob i wenlel winicob x'ixicob ti pejtelel pañimil cha'añet.

Genesis 18:24

Mi an lujuntiquil i yuxc'al (50) tojo' bʌ ti tejclum, ¿mu' ba caj a jisan jini tejclum che' jini? ¿Mach ba anic mi caj a coltan cha'an jini lujuntiquil i yuxc'al tojo' bʌ ti tejclum?

Genesis 19:20

Q'uele jini tejclum lʌc'ʌl bʌ ba' añon. ¿Mach ba ch'o'ch'oquic? La' puts'icon ya'i cha'an ma'anic mic chʌmel, che'en Lot.

Genesis 19:22

Se'sebet. Cucu ya'i come ma'anic chuqui mi mejlel c mel jinto ma' c'otel ya'i, che'en. Jini cha'an tsa' otsʌbenti i c'aba' jini tejclum Zoar.

Genesis 4:7

Mi uts'at chuqui ma' mel uts'at mi caj a q'uejlel. Mi mach uts'atic chuqui ma' mel woli' chijtañet mulil. Wersa yom i tajet mulil pero yom mi' mʌjlel a cha'an. Che' tsi' yʌlʌ lac Yum.

Salmos 102:17

Mi' jac'beñob i yoración jini p'ump'uño' bʌ, Ma'anic mi' ñusʌbeñob i t'an.

Salmos 145:19

Mi' yʌq'ueñob chuqui yomob jini mu' bʌ i c'uxbiñob Dios. Mi' yubibeñob i t'an che' mi' pejcañob. Mi' coltañob.

Salmos 34:15

Lac Yum mi' q'uel jini tojo' bʌ. Lac Yum mi' ñich'tʌbeñob i yuq'uel.

Exodo 33:17

Lac Yum tsi' sube Moisés: Mi caj c mel ja'el ili tsa' bʌ a subeyon, come tsa'ix c pʌsbeyet i yutslel c pusic'al. Mij cʌñet ti a c'aba', che'en.

Jeremias 14:10

Lac Yum tsi' subeyon wen cabʌl jax i sajtemal i winicob. Mi' mulañob i xoy i bijlel. Ma'anic mi' tic'ob i bʌ. Jini cha'an ma'anic i ñusʌbentel i mul. I yorajlelix mi caj i tojob i mul.

Mateo 12:20

Ma'anic mi caj i c'ʌs jini pets' t'uchtʌbil bʌ chiquib jam. Ma'anic mi caj i junyajlel yʌp unjax bʌ ya wistʌl i c'ʌc'al i pislel cas jinto mi' yujtel ti uts'at toj bʌ i meloñel.

Lucas 11:8

Mic subeñetla: Anquese cʌñʌlet i cha'an, mach yomic ch'ojyel i yʌq'ueñet jini waj, pero che' ma' chʌn c'ajtiben mi caj i ch'ojyel i yʌq'ueñet chuqui yom.

Hebreos 2:17

Jini cha'an wersa tsi' ch'ʌmʌ i bʌc'tal Jesús lajal bajche' i bʌc'tal i yermanojob cha'an mi' yochel ti c'ax ñuc bʌ motomaj yujil bʌ p'untaya. Xuc'ul i pusic'al ti' ye'tel Dios cha'an mi' tojbeñob i mul pejtelel winicob x'ixicob.

1 Samuel 25:35

Che' jini David tsi' ch'ʌmʌ pejtelel i majtan tsa' bʌ i ch'ʌmbe tilel Abigail. Tsi' sube: Cha' cucux ti a wotot ti' ñʌch'tʌlel a pusic'al, come tsa'ix c jac'beyet a t'an. Tsa'ix c p'isiyet ti wenta, che'en.