Genesis 19:16 - Chol: I T’an Dios

¹⁶ Pero tsa' to jal'a Lot. Jini winicob tsi' chucbeyob i c'ʌb Lot yic'ot i c'ʌb i yijñam yic'ot i c'ʌb cha'tiquil xch'oc bʌ i yalobil. Lac Yum tsi' p'unta Lot. Tsi' pʌyʌyob loq'uel. Tsa' majli i cʌyob ti' ti' tejclum.

Chol de Tumbalá Bible

¹⁶ Pero tsa' to jal'a Lot. Jini winicob tsi' chucbeyob i c'ʌb Lot yic'ot i c'ʌb i yijñam yic'ot i c'ʌb cha'tiquil xch'oc bʌ i yalobil. Lac Yum tsi' p'unta Lot. Tsi' pʌyʌyob loq'uel. Tsa' majli i cʌyob ti' ti' tejclum.

Jiñi Tsiji' bʌ Wen T'añ cha'añ Estudio

¹⁶ Che' woli to i jalitesan i bʌ Lot, jiñi wiñicob tsi' chucbeyob i c'ʌb yic'ot i c'ʌb i yijñam yic'ot i c'ʌb cha'tiquil xch'oc bʌ i yalobilob, come añ i p'untaya lac Yum ti' tojlel; tsi' pʌyʌyob loq'uel, tsa' majli i cʌyob ti ti' tejclum.

Genesis 19:16 Iomraidhean Croise

Genesis 19:15

Che' bʌ tsa' sʌc'a pañimil jini ángelob tsi' subeyob Lot: Se'sebet mecu. Ch'ojyen. Pʌyʌ loq'uel a wijñam yic'ot jini cha'tiquil xch'oc bʌ a walobilob wʌ' bʌ añob, ame jisʌntiquetla yic'ot jini tejclum, che'ob.

Genesis 43:10

Machic tsa' jal'ayon lojon, tsa' mejli c sujtel lojon cha'yajl, che'en Judá.

1 Cronicas 16:34

Subenla wocolix i yʌlʌ lac Yum, come uts'atʌch. Come mach jilic i yutslel ti pejtelel ora.

Salmos 103:13

Che' bajche' winicob mi' c'uxbiñob i yalobilob, Che' ja'el lac Yum mi' p'untan jini mu' bʌ i bʌc'ñañob.

Salmos 106:1

¡Aleluya! Subenla wocolix i yʌlʌ lac Yum, come uts'atʌch. Come mach jilic i yutslel ti pejtelel ora.

Salmos 106:8

Pero tsi' coltayob cha'an mi' yʌc' ti cʌjñel i c'aba' yic'ot i p'ʌtʌlel.

Salmos 107:1

Subenla wocolix i yʌlʌ lac Yum, come uts'at lac Yum, Come mach jilic i yutslel ti pejtelel ora.

Salmos 111:4

Tsi' yʌc'ʌ ti chʌn ña'tʌntel jini ñuc tac bʌ i melbal. Uts lac Yum, mi' p'untañonla.

Salmos 118:1

Aq'uenla wocolix i yʌlʌ lac Yum, come uts'at lac Yum. Ti pejtelel ora an i yutslel i pusic'al.

Salmos 119:60

Tsac se'ñu c bʌ cha'an mic jac'beñet a mandar.

Salmos 136:1

Subenla wocolix i yʌlʌ lac Yum, come uts'at i pusic'al. Come ti pejtelel ora an i yutslel i pusic'al.

Salmos 32:10

Cabʌl mi' yubiñob wocol jini jontolo' bʌ. Jini mu' bʌ i ñop lac Yum joyolʌch ti' yutslel.

Salmos 33:18

Awilan, lac Yum woli' cʌntan jini woli bʌ i bʌc'ñañob, Woli bʌ i pijtañob i coltʌntel ti lac Yum.

Salmos 33:19

Lac Yum mi caj i coltañob ti' yutslel. Ma'anic mi caj i yʌc'ob ti chʌmel. Mi caj i cʌntañob ti' yorajlel wi'ñal.

Salmos 34:12

¿Majqui yom jalijel ti pañimil cha'an mi' taj tijicña bʌ? ¿Mach ba jatetic?

Salmos 86:15

C Yum, ma' p'untan winicob x'ixicob. Ma' pʌsbeñob i yutslel a pusic'al. Ma' cuchbeñob i sajtemal. Cabʌlʌch a wutslel, wen xuc'ulet.

Salmos 86:5

Isujm uts'atet, c Yum, ma' ñusʌbeñon lojon c mul. Ma' pʌsbeñob i yutslel a pusic'al pejtel mu' bʌ i pejcañetob.

Exodo 34:6

Tsa' c'axi lac Yum ti' tojlel Moisés. Tsi' subu: Joñon Yumaloñʌch, a Yumon, a Dioson, cujil p'untaya, utson, jal mic mich'an, cabʌl mic p'untañob, xuc'ulon.

Exodo 34:7

Mic p'untan cabʌlob, mic ñusan mulil, yic'ot i ñusʌntel mandar, yic'ot jontolil, pero ma'anic mic ñusʌben i mul jini mu' bʌ i chʌn cha'len mulil cha'an i tsʌtslel i pusic'al. Mi cʌq'ueñob i tojob i mul tatʌlob, yic'ot i yalobilob, yic'ot i butsob, c'ʌlʌl ti' yuxlajmlel yic'ot i chʌnlajmlel i p'olbalob. Che' tsi' yʌlʌ lac Yum Dios.

Isaias 63:9

Ti pejtelel i wocol c tat lojon tsa' wubi wocol. A bajñel tsa' coltayob ti a c'uxbiya, ti' yutslel a pusic'al. Tsa' ch'uyuyob letsel ti a c'ʌb. Tsa' meq'ueyob majlel. Ma'anic tsa' wis cʌyʌyob.

Lamentaciones 3:22

come cabʌl i yutslel i pusic'al lac Yum. Jini cha'an cuxulon to la. Ma'anic tsi' laj jisayonla. Xuc'ul lac Yum, mi' chʌn p'untañonla ti pejtelel ora.

Numeros 14:18

Uts'at a pusic'al c Yum. Jal ma' cuchbeñon lojon c mul. Wen a wujil p'untaya. Ma' ñusʌbeñon lojon c mul yic'ot c jontolil lojon. Tojet ja'el. Wersa mi caj a wʌq'ueñob i tojol i mul jini xmulilob, yic'ot i yalobilob, yic'ot i butsob, yic'ot i p'olbalob i buts. Mi caj i tojbeñob i mul ti chʌnlajmlel.

Lucas 18:13

Jini xch'ʌm tojoñel ñajt to an. Mach yomic i letsan i wut ti panchan. Tsi' jats'ʌ i tajn. Tsi' yʌlʌ: “Dios, p'untañon, xmulilon”, che'en.

Juan 6:44

Ma'anic majch mi mejlel i tilel ba' añon, jini jach mu' bʌ i wersa pʌjyel tilel cha'an c Tat tsa' bʌ i chocoyon tilel. Joñon mi caj c tech ch'ojyel ti jini cojix bʌ q'uin mu' bʌ caj i tilel.

Romanos 9:18

Tsiquil che' jini, Dios mi' p'untan majqui yom i p'untan. Mi' tsʌts'esʌben i pusic'al majqui yom i tsʌts'esʌben i pusic'al.

2 Corintios 1:3

La' sujbic i ñuclel Dios i Tat lac Yum Jesucristo. Jiñʌch lac Tat ja'el mu' bʌ i p'untañonla, mu' bʌ i ñuq'uesan lac pusic'al ti pejtelel wocol.

Deuteronomio 4:31

Come wen uts i pusic'al lac Yum Dios. Ma'anic mi' caj i cʌyetla ti pejtelel ora. Ma'anic mi caj i jisañetla. Mach ñajʌyic i cha'an ti pejtelel ora jini t'an tsa' bʌ i subeyob la' ñojte'elob.

Deuteronomio 5:15

Yom ma' ña'tan mozojet ti yambʌ ora ti' lumal Egipto, pero lac Yum Dios tsi' loc'sayet yic'ot pejtelel i p'ʌtʌlel. Jini cha'an lac Yum Dios mi' wersa subeñet cha'an ma' c'aj a wo.

Deuteronomio 6:21

Ti jim bʌ ora mi caj la' suben la' walobilob: “Ti yambʌ ora mozojonla ti Egipto ti' tojlel Faraón, pero lac Yum tsi' loc'sayonla ti' p'ʌtʌlel.

Deuteronomio 7:8

Pero cha'an jach tsi' c'uxbiyetla lac Yum tsi' yajcayetla cha'an mi' ts'ʌctesan i t'an tsa' bʌ i wʌn subeyob la' ñojte'el. Jini cha'an lac Yum tsi' c'ʌñʌ i p'ʌtʌlel cha'an mi' loc'sañetla baqui woliyetla ti majtan e'tel ti yambʌ ora ti' tojlel jini rey Faraón ti Egipto.

Tito 3:5

tsi' coltayonla. Mach cha'anic toj bʌ lac melbal pero cha'an ti' p'untaya tsi' coltayonla. Tsi' pocoyonla cha'an mi la cʌq'uentel tsiji' bʌ laj cuxtʌlel. Tsi' cha' meleyonla ti' p'ʌtʌlel Ch'ujul bʌ Espíritu.

Josue 6:22

Josué tsi' subeyob jini cha'tiquil winicob tsa' bʌ chojquiyob majlel cha'an mi' cʌñob jini lum, cha'an mi' yochelob ti' yotot jini ts'i'lel bʌ x'ixic cha'an mi' pʌyob loq'uel Rahab yic'ot pejtelel i pi'ʌlob che' bajche' tsi' yʌq'ueyob i t'an.

2 Pedro 2:7

Pero tsi' colta loq'uel Lot jini toj bʌ winic tsa' bʌ i wen mele i pusic'al cha'an i bibi'lel yic'ot i jontolil jini xñusa Diosob.

2 Pedro 2:9

Che' ja'el lac Yum yujil i coltan jini ch'ujulo' bʌ che' woli' yilʌbentelob i pusic'al. Yujil ja'el i yʌc'ob ti toj mulil jini mach bʌ tojobic che' ti' yorajlel meloñel.