Genesis 19:13 - Chol: I T’an Dios

¹³ Come mi caj c jisan lojon ili tejclum, come cabʌl jax i mul ili winicob ti Sodoma. Tsa' c'ʌlʌl c'oti i tuwel ti panchan. Lac Yum tsi' chocoyon lojon tilel cha'an mic jisan lojon ili tejclum, che'ob.

Chol de Tumbalá Bible

¹³ Come mi caj c jisan lojon ili tejclum, come cabʌl jax i mul ili winicob ti Sodoma. Tsa' c'ʌlʌl c'oti i tuwel ti panchan. Lac Yum tsi' chocoyon lojon tilel cha'an mic jisan lojon ili tejclum, che'ob.

Jiñi Tsiji' bʌ Wen T'añ cha'añ Estudio

¹³ Come mi caj c jisan lojon ili tejclum, come ca'bʌl jax t'añ ti' contra ili wiñicob año' bʌ ti ili tejclum, tsa'ix c'ʌlʌl c'oti i tuwel ti' tojlel lac Yum. Jiñi cha'añ lac Yum tsi' chocoyon lojon tilel cha'añ mic jisan lojon.

Genesis 19:13 Iomraidhean Croise

Genesis 13:13

Wen jontolob winicob ti Sodoma. An cabʌl i mul ti' wut lac Yum.

Genesis 18:20

Lac Yum tsi' sube: Junyajlel sojquem jini año' bʌ ti Sodoma yic'ot Gomorra. Cabʌlob i mul.

Genesis 19:12

Jini winicob tsi' subeyob Lot: ¿Anto ba yambʌ a pi'ʌlob ilayi? ¿Am ba a nij'al? ¿Am ba ch'iton bʌ a walobilob, xch'oc bʌ a walobilob, yambʌ a pi'ʌlob ti tejclum? Loc'sañob ti ili tejclum.

Isaias 3:11

Pero ch'ijiyemob jax jini xjontolilob. Mach uts'atic mi caj i loq'uel chuqui mi' ña'tañob i mel, come Dios mi caj i yʌq'ueñob i toj ti ts'ʌcʌl pejtel i mul.

Isaias 36:10

Yom ma' ña'tan ja'el jiñʌch a Dios tsa' bʌ i subeyon tilel cha'an mic ch'ʌm ili lum. Tsi' subeyon: Cucu contrajin jini tejclum cha'an ma' jisan, che'en”. Che' yom mi la' suben Ezequías, che'en jini suboñel.

Isaias 37:36

Ti jim bʌ ora tsa' loq'ui tilel i yángel lac Yum. Tsi' jisa jini asiriyajob ya' ba' jijlemob. Tsi' jisa jo'tiquil i lujunc'al mil (185,000) winicob. Che' bʌ tsa' sʌc'a pañimil tsa' ch'ojyiyob jini cuxulob to bʌ. Tsi' q'ueleyob laj chʌmeñobix i pi'ʌlob.

Jeremias 44:22

Mach chʌn cuchbilix i cha'an la' jontolil yic'ot pejtelel chuqui mi la' mel. Jini cha'an tsa' pujch'i la' lum. Tsa' sujti ti tiquin bʌ lum mach bʌ anic i c'ʌjñibal. Ma'anix i yumob. Tsa' p'ajleyob jini ya' bʌ chumulob. Tsa' jiliyob. Jini cha'an woliyetla ti wocol wʌle.

Levitico 26:30

Mi caj c jisʌbeñetla la' dios tac yic'ot jini bubujtʌl baqui mi la' lon pul majtañʌl yic'ot i pulʌntib. Mi caj j cʌy jini chʌmenix bʌ la' bʌc'tal tac ya' ba'an la' dios tac. Ts'a' mi caj j q'ueletla.

Hechos 12:23

Ti ora i yángel lac Yum tsi' yotsʌbe i chʌmel, come ma'anic tsi' yʌc'ʌ ti ñuc Dios. Tsa' c'uxle ti motso'. Tsa' chʌmi.

Deuteronomio 28:45

Mi caj i tilel ti a tojlel pejtelel ili wocol. Mi caj a ts'a'lentel, c'ʌlʌl jinto ma' jisʌntel cha'an ti' caj ma'anic tsa' jac'be i t'an lac Yum Dios. Ma'anic tsa' lotbe pejtel i mandar yic'ot pejtelel i t'an tsa' bʌ i subeyet.

Deuteronomio 4:26

Awilan mij c'ajtin jini año' bʌ ti panchan yic'ot ti pañimil cha'an mi' yochelob ti testigo. Ti caj la' mul mi la' cajel ti jilel ti jini lum baqui mi la' majlel ti junwejl Jordán ja'. Che' jini mach cabʌlic ora mi caj la' jal'an. Mi caj la' chojquel loq'uel.

Santiago 5:4

La' wilan c'am woli ti t'an jini taq'uin, come ma'anic tsa' la' tojo x'e'telob la' cha'an tsa' bʌ i tsepbeyetla la' jamil. Tsa' c'oti i t'an la' waj tsep jamob ti' chiquin lac Yum, jiñʌch i Yum panchan yic'ot pañimil.

Judas 1:7

Che' ja'el Sodoma yic'ot Gomorra, yic'ot yambʌ tejclum tac ti' joytʌlel, tsi' tajayob i yixic, tsi' wʌlʌc pejcayob i bʌ. Pero tsi' tojoyob i mul ti c'ajc mach bʌ anic mi' jilel. Jini cha'an yom mi lac chʌcʌ q'uel lac bʌ, come che'ʌch mi caj i jilelob mu' bʌ i socob i bʌ.