Genesis 18:6 - Chol: I T’an Dios

⁶ Ti ora tsa' ochi Abraham ti' yotot ba'an Sara. Tsi' yʌlʌ: Xʌc'ʌ uxc'ojl trigo wen juch'bil bʌ. Mele waj, che'en Abraham.

Chol de Tumbalá Bible

⁶ Ti ora tsa' ochi Abraham ti' yotot ba'an Sara. Tsi' yʌlʌ: Xʌc'ʌ uxc'ojl trigo wen juch'bil bʌ. Mele waj, che'en Abraham.

Jiñi Tsiji' bʌ Wen T'añ cha'añ Estudio

⁶ Che' jiñi Abraham tsa' majli ti ora ti yotot ba'añ Sara, tsi' su'be: —Xʌc'ʌ junc'al kilo trigo wen juch'bil bʌ cha'añ ma' mel waj.

Genesis 18:6 Iomraidhean Croise

Genesis 18:5

La' c ch'ʌm tilel ts'ita' waj, cha'an mi la' cha' p'ʌt'an. Ti wi'il mi mejlel la' cha' majlel. Jini cha'an tsa' juliyetla wʌ' ba'an la' winic. Che' tsi' yʌlʌ Abraham. Tsi' yʌlʌyob: Mele che' bajche' tsa' wʌlʌ, che'ob.

Genesis 18:7

Ti ajñel tsa' majli Abraham ba'an i wacax. Tsi' yajca alʌ wacax, jujp'em bʌ. Tsi' yʌq'ue jini x'e'tel i cha'an. Ti ora jach tsi' chajpa.

Genesis 19:3

Lot tsi' wersa subeyob ochel. Tsi' jac'ʌyob. Tsa' ochiyob ti' yotot. Lot tsi' chajpʌbeyob i bʌl i ñʌc'. Tsi' pojpobeyob waj. Tsi' c'uxuyob.

2 Samuel 13:6

Che' jini tsa' ñole Amnón. Wen c'am tsa' caji i mel i bʌ. Che' bʌ tsa' tili i q'uel jini rey, Amnón tsa' caji i suben i tat: Awocolic poj choco tilel Tamar, cha'an mi' melbeñon ts'ita' i bʌl c ñʌc cha'an mij c'ux, che'en.

Salmos 119:60

Tsac se'ñu c bʌ cha'an mic jac'beñet a mandar.

Isaias 32:8

Pero jini xuc'ul bʌ mi' ña'tan i mel chuqui uts'at. Ti pejtelel ora uts'at chuqui mi' mel.

Mateo 13:33

Tsi' subeyob yambʌ t'an ti lajiya: I yumʌntel jini am bʌ ti panchan lajalʌch bajche' levadura. Tsi' ch'ʌmʌ juntiquil x'ixic. Tsi' yotsa ti uxp'is harina jinto tsi' xaxa ti pejtelel, che'en.

Hechos 16:15

Che' bʌ tsa' ujti i ch'ʌm ja' yic'ot jini año' bʌ ti yotot, tsi' subeyon lojon: Conla ti cotot mi tsa' la' q'uele xuc'ulon quic'ot lac Yum. Jijlenla ya' ti cotot, che'en. Tsi' wersa pʌyʌyon lojon ochel.

Romanos 12:13

Coltanla i cha'año' bʌ Dios ti pejtelel chuqui tac anto yom i cha'añob. We'sañob ti la' wotot.

Gálatas 5:13

Hermanojob, tsa' pʌjyiyetla cha'an libre mi la' wajñel. Wʌle, mach la' jac'ben i tsuculel la' pusic'al che' libre añetla. Ti la' c'uxbiya coltan la' pi'ʌlob.

Hebreos 13:2

Mach ñajʌyic ti la' pusic'al la' p'untan jini xñumelob mach bʌ cʌñʌlobic la' cha'an. An i tajol tsi' mʌc'layob ángelob lac tatob che' mach cʌmbilobic i cha'añob.

1 Pedro 4:9

Mʌc'lan la' pi'ʌlob. Mach yomic mi la' caj ti wulwul t'an.

Juezob 6:19

Gedeón tsa' ochi i chajpan juncojt alʌ chivo yic'ot waj melbil bʌ ti juncujch harina mach bʌ anic i levadurajlel. Tsi' yotsa jini we'elʌl ti chiquib. Tsi' yotsa i ya'lel ti p'ejt. Che' bʌ tsa' loq'ui, tsa' caji i yʌq'uen lac Yum ya' ti yebal c'olol.

1 Samuel 28:24

Ti ora jini x'ixic tsi' tsʌnsa juncojt alʌ wacax jujp'em bʌ am bʌ ti' yotot. Tsi' ch'ʌmʌ harina. Tsi' xʌc'ʌ. Tsi' tiq'uesa caxlan waj mach bʌ anic i levadurajlel.