Genesis 18:11 - Chol: I T’an Dios

¹¹ Ñoxobix Abraham yic'ot Sara. Xñejep'ix Sara.

Chol de Tumbalá Bible

¹¹ Ñoxobix Abraham yic'ot Sara. Xñejep'ix Sara.

Jiñi Tsiji' bʌ Wen T'añ cha'añ Estudio

¹¹ Ñoxobix Abraham yic'ot Sara. Jiñi Sara tsa'ix lajmi i q'uel i c'am-ʌjel.

Genesis 18:11 Iomraidhean Croise

Genesis 17:17

Abraham tsi' pʌcchoco i bʌ. Tsi' cha'le tse'ñal. Tsi' yʌlʌ ti' pusic'al: ¿Mejl ba i tilel calobil che' anix jo'c'al c jabilel? ¿Mejl ba i tilel i yalobil Sara che' anix lujump'ejl i jo'c'al i jabilel? Che'ʌch tsi' ña'ta.

Genesis 17:24

Bolonlujump'ejlix i jo'c'al (99) i jabilel Abraham che' bʌ tsa' tsepbenti i pʌchʌlel i bʌc'tal.

Genesis 21:7

Tsi' yʌlʌ: Ma'anic majch tsi' ña'ta mi mux caj j cʌntan calobil. Tsa cʌq'ue c ñoxi'al ch'iton bʌ i yalobil che' ñoxix, che'en Sara.

Genesis 24:1

Ñoxix Abraham. Cabʌl i jabilel. Lac Yum tsi' yʌq'ue i yutslel i t'an ti pejtelel chuqui tac tsi' mele.

Genesis 24:36

Sara i yijñam c yum tsi' yʌq'ue c yum ch'iton bʌ i yalobil che' ñejep'ix. Abraham tsi' yʌq'ue i yalobil pejtelel i chubʌ'an.

Genesis 31:35

Raquel tsi' sube i tat: Mach yomic ma' mich'leñon, c yum, cha'an buchulon ti a tojlel. Mach mejlic c tejchel, come wolij q'uel j c'amʌjel che' bajche' i tilel x'ixicob, che'en. Labán tsi' sʌcla dioste' tac, pero ma'anic tsi' taja.

Levitico 15:19

Che' woli i q'uel i c'amʌjel x'ixic, wucp'ejl q'uin yom mi' yajñel ti' bajñelil. Majqui jach mi' tʌl jini x'ixic, ma'anic mi' poj q'uejlel ti sʌc c'ʌlʌl mi' bʌjlel q'uin.

Lucas 1:18

Zacarías tsi' sube jini ángel: ¿Bajche' mi caj c ña'tan mi isujm jini? Joñon ñoxonix. Anix cabʌl i jabilel quijñam ja'el, che'en.

Lucas 1:36

Awilan, a pi'ʌl Elisabet ja'el wolix i cʌntan ch'iton bʌ i yalobil, anquese cabʌlix i jabilel. Wʌcp'ejlix uw woli' cʌntan alʌl jini tsa' bʌ ajli ti to'o wa'al jach bʌ x'ixic.

Lucas 1:7

Ma'añobic i yalobil, come to'o wa'al jach bʌ x'ixic jini Elisabet. Cabʌlix i jabilel ti cha'ticlel.

Hebreos 11:19

Abraham tsi' ña'ta an i p'ʌtʌlel Dios cha'an mi' cha' tech loq'uel ba'an chʌmeño' bʌ. Che' bʌ tsi' yʌc'ʌ i yalobil, che'ʌch tsa' ujti yilal. Tsi' cha' pʌyʌ sujtel.

Josue 13:1

Ti jimbʌ ora anix i jabilel Josué. Lac Yum tsi' sube: Anix a jabilel. An to cabʌl lum maxto bʌ anic tsi' ch'ʌmʌyob ti' wenta jini israelob.