Genesis 18:1 - Chol: I T’an Dios

¹ Tsi' pʌsʌ i bʌ lac Yum ti' tojlel Abraham ba'an jini c'olol te' ya' ti Mamre. Ya' buchul Abraham ti' ti' pisil bʌ i yotot che' c'uxix q'uin.

Chol de Tumbalá Bible

¹ Tsi' pʌsʌ i bʌ lac Yum ti' tojlel Abraham ba'an jini c'olol te' ya' ti Mamre. Ya' buchul Abraham ti' ti' pisil bʌ i yotot che' c'uxix q'uin.

Jiñi Tsiji' bʌ Wen T'añ cha'añ Estudio

¹ Lac Yum tsi' pʌsʌ i bʌ ti' tojlel Abraham ba'añ jiñi alʌ te'el ya' ti Mamre, che' ya' buchul Abraham ti ti' pisil bʌ i yotot, che' wen c'uxix q'uiñ.

Genesis 18:1 Iomraidhean Croise

Genesis 12:7

Tsa' tsictiyi lac Yum ti' wut Abram. Tsi' sube: Mi caj cʌq'uen a p'olbal ili lum, che'en. Abram tsi' wa'chocobe i pulʌntib i majtan lac Yum ya' ba' tsi' pʌsʌ i bʌ lac Yum ti' wut Abram.

Genesis 13:18

Jini cha'an Abram tsi' ch'ʌmʌ majlel pisil bʌ i yotot ya' ba'an c'olol te' ti Mamre am bʌ ti Hebrón. Ya'i tsi' melbe i pulʌntib i majtan lac Yum.

Genesis 14:13

Juntiquil tsa' bʌ puts'i tsa' tili i suben Abram chuqui tsa' ujti. Hebreojʌch Abram. Ya'ʌch chumul ba' cabʌl c'olol te' i cha'an Mamre. Amorreojʌch Mamre. I yijts'iñʌch Escol yic'ot Aner. Ti yuxticlel tsi' coltayob Abram.

Genesis 15:1

Che' ujtemix iliyi tsa' tili i t'an lac Yum ba'an Abram ti ñajal: Abram, mach a cha'len bʌq'uen. Joñon a mʌctʌjibon. Wen ñuc a chobejtʌbal mu' bʌ caj a wʌq'uentel. Che' tsi' yʌlʌ lac Yum.

Genesis 17:22

Che' bʌ tsa' ujti i pejcan Abraham, tsa' letsi majlel Dios.

Genesis 18:22

Tsa' majliyob ti Sodoma jini winicob. Abraham tsa' to wa'le' ti' tojel lac Yum.

Genesis 20:1

Tsa' loq'ui Abraham ya'i. Tsa' majli c'ʌlʌ ti lum am bʌ ti sur. Tsa' poj chumle ti Gerar xinlʌpʌl ti ojlil Cades yic'ot Shur.

Genesis 26:2

Lac Yum tsi' pʌsʌ i bʌ ba'an Isaac. Tsi' yʌlʌ: Mach ma' majlel ti Egipto. Wʌ jach yom ma' chumtʌl ti jini lum ba' mic subeñet.

Genesis 35:27

Jacob tsa' c'oti ba'an Isaac i tat ya' ti Mamre, ya' ti Arba, jiñʌch Hebrón, ya' ba' tsa' ajniyob Abraham yic'ot Isaac ti ñaxan.

Genesis 48:3

Jacob tsi' sube José: Dios, Jini Mach bʌ Anic i P'isol i P'ʌtʌlel, tsi' yʌc'ʌ i bʌ ti cʌjñel tic tojlel ya' ti Luz, ti' lumal Canaán. Tsi' yʌq'ueyon i yutslel i t'an.

2 Cronicas 1:7

Ti jini jach bʌ ac'ʌlel Dios tsi' pʌsbe i bʌ Salomón. Tsi' sube: C'ajtibeñon chuqui a wom mi cʌq'ueñet, che'en.

Exodo 4:1

Moisés tsi' yʌlʌ: Ma'anic mi caj i ñopoñob. Mi caj i yʌlob: “Mach isujmic. Ma'anic tsi' pʌsʌ i bʌ lac Yum ba' añet”. Che' mi caj i yʌlob, che'en Moisés.

Hechos 7:2

Esteban tsi' yʌlʌ: Winicob c pi'ʌlob, ñich'tanla. Jini Dios am bʌ i ñuclel tsa' tsictiyi ti' wut lac tat Abraham che' ya'to an ti Mesopotamia che' maxto anic tsa' majli ti Harán.

Hebreos 11:9

Cha'an tsi' ñopo Dios, Abraham tsa' chumle ya' ti jini yajcʌbil bʌ lum che' bajche' tsi' sube lac Yum. Ya' tsa' chumle ti' lumal yambʌ yumʌlob. Tsa' chumle ti pisil bʌ otot che' bajche' Isaac yic'ot Jacob tsa' bʌ aq'uentiyob jini jach bʌ t'an albil bʌ cha'an Dios.

Hebreos 13:2

Mach ñajʌyic ti la' pusic'al la' p'untan jini xñumelob mach bʌ cʌñʌlobic la' cha'an. An i tajol tsi' mʌc'layob ángelob lac tatob che' mach cʌmbilobic i cha'añob.

Josue 5:13

Che' bʌ lʌc'ʌlix tsa' c'oti Josué ya' ti Jericó, tsi' q'uele ya' wa'al juntiquil winic ti' tojel. Chucul i cha'an jini winic junts'ijt espada, bots'bil i cha'an ti' yotot. Josué tsi' lʌc'tesa i bʌ ya' ba' wa'al. Tsi' c'ajtibe: ¿Jatet ba jini c pi'ʌlet bʌ lojon o jatet ba jini i pi'ʌlet bʌ j contra lojon? che'en Josué.