Genesis 17:7 - Chol: I T’an Dios

⁷ Mi caj c wa'chocon xuc'ul bʌ c t'an quic'otet quic'ot a p'olbal ti pejtelel ora. Jiñʌch xuc'ul bʌ c t'an: Joñon a Dioson, i Dioson a p'olbalob.

Chol de Tumbalá Bible

⁷ Mi caj c wa'chocon xuc'ul bʌ c t'an quic'otet quic'ot a p'olbal ti pejtelel ora. Jiñʌch xuc'ul* bʌ c t'an: Joñon a Dioson, i Dioson a p'olbalob.

Jiñi Tsiji' bʌ Wen T'añ cha'añ Estudio

⁷ Mi caj c wa'chocon jump'ejl xuc'ul bʌ c t'añ a wic'ot yic'ot ti' tojlel a p'olbal ti' lajm ti' lajm ti' pejtelel ora; cha'añ mi cochel ti a Dios yic'ot ti' Dios pejtelel a p'olbal.

Genesis 17:7 Iomraidhean Croise

Genesis 15:18

Ti jimbʌ q'uin lac Yum tsi' mele xuc'ul bʌ t'an ti' tojlel Abram. Tsi' yʌlʌ: Mi cʌq'ueñob ili lum a p'olbal c'ʌlʌl ti colem ja' am bʌ ti Egipto c'ʌlʌl ti colem ja' i c'aba' Eufrates.

Genesis 17:13

Jini mu' bʌ i q'uel pañimil ti a wotot yic'ot jini mu' bʌ a mʌn ti a taq'uin mi caj i tsepbentel i pʌchʌlel. Ya' ti la' bʌc'tal mi caj i tsictiyel xuc'ul bʌ c t'an ti pejtelel ora.

Genesis 17:19

Dios tsi' yʌlʌ: Mach jinic i yalobil a wijñam. Sara a wijñam mi caj i yʌq'ueñet ch'iton bʌ a walobil. Mi caj a wotsʌben i c'aba' Isaac. Mi caj c wa'chocon xuc'ul bʌ c t'an yic'ot Isaac, yic'ot i p'olbal Isaac ti pejtelel ora.

Genesis 26:24

Lac Yum tsi' pʌsʌ i bʌ ba'an Isaac ti jini jach bʌ ac'ʌlel. Tsi' yʌlʌ: Joñon i Dioson Abraham a tat. Mach a cha'len bʌq'uen, come añon quic'otet. Mi caj cʌq'ueñet i yutslel c t'an. Mi caj c p'ojlesan a walobil che' bajche' tsac sube Abraham jini c winic, che'en.

Genesis 28:13

Ya' wa'al lac Yum ti' chañelal. Tsi' yʌlʌ: Joñon Yumʌlon, i Dioson Abraham a tat, i Dioson Isaac. Mi caj cʌq'ueñet yic'ot a p'olbal jini lum ba' ñololet.

Genesis 6:18

pero ma'anic mi caj a chʌmel jatet. Mi caj cʌq'ueñet xuc'ul bʌ t'an. Mi caj a wochel ti barco, jatet yic'ot a walobilob yic'ot a wijñam yic'ot i yijñamob a walobilob.

Genesis 9:16

Mi caj i tilel t'oxja' ti tocal. Mi caj j q'uel joñon cha'an mic ña'tan xuc'ul bʌ c t'an tsa' bʌ cʌq'ueyob pejtelel cuxul tac bʌ am bʌ ti pañimil, che'en Dios.

2 Samuel 7:24

Isujm jatet c Yum tsa' wa'choco jini israelob a cha'año' bʌ cha'an mi' yochelob ti a tejclum ti pejtelel ora. Jatet c Yum tsa' wotsa a bʌ ti' Dios.

1 Cronicas 16:13

Jatetla i p'olbaletla Abraham i winic lac Yum. I yalobiletla Jacob, i yajcʌbaletla Dios.

1 Cronicas 16:14

Jiñʌch lac Yum Dios, i Yumʌch winicob x'ixicob ti pejtelel pañimil.

Salmos 81:10

Joñon a Yumon, a Dioson, Tsa' bʌ c pʌyʌyet loq'uel ti' lumal Egipto. Yom ma' wen c'ajtibeñon chuqui tac a wom. Mi caj cʌq'ueñet, cho'on.

Exodo 3:15

Dios tsi' sube ja'el: Subeñob israelob: “Lac Yum, i Dios lac tat, Abraham, Isaac, yic'ot Jacob, tsa'ix i chocoyon tilel ba' añetla”. Che'ʌch yom ma' subeñob. Jiñʌch j c'aba' ti pejtelel ora. Che' yom mic pejcʌntel ti pejtelel ora.

Exodo 3:6

Tsi' yʌlʌ: Joñon i Dioson a tat, i Dioson Abraham, i Dioson Isaac, i Dioson Jacob, che'en. Moisés tsi' mʌcʌ i wut come mach yomic i q'uel Dios cha'an bʌq'uen.

Exodo 6:4

Tsa cʌq'ueyob xuc'ul bʌ c t'an cha'an mi caj cʌq'ueñob i lumal Canaán ba' tsa' poj ajniyob yic'ot Jacob.

Exodo 6:7

Mi caj cotsañetla tic cha'año' bʌ. Mi caj cochel ti la' Dios. Mi caj la' ña'tan la' Yumon la' Dioson tsa' bʌ c pʌyʌyetla loq'uel ti wocol e'tel ti' tojlel egiptojob.

Isaias 61:8

Come joñon la' Yumon. Mij c'uxbin chuqui tac toj, pero mic ts'a'len xujch' yic'ot tsʌnsa. Mi caj cʌq'ueñetla la' chobejtʌbal. Mi caj c mel xuc'ul bʌ t'an quic'otetla mach bʌ yujilic jejmel ti pejtelel ora.

Jeremias 31:1

Ti jim bʌ ora, che'en lac Yum, mi caj c sujtel ti' Dios pejtel c tejclum Israel ti mojt ti mojt.

Ezequiel 28:26

Ma'anix mi' cajelob ti bʌq'uen ya' ba' chumulob ti' lumal. Mi caj i wa'chocoñob i yotot. Mi caj i melob i ts'usubil. Ñʌch'ʌl mi caj i chumtʌlob. Mi caj i ña'tañob i Yumon, i Dioson, che' bʌ tsa'ix ujti c jisan i contrajob tsa' bʌ i tic'layob”, che'en.

Levitico 11:45

Come Yumʌlon. Tsac pʌyʌyetla loq'uel ti Egipto cha'an mi la' Diosiñon. Jini cha'an yom ch'ujuletla, come joñon ch'ujulon. Che' tsi' yʌlʌ lac Yum.

Levitico 25:38

come joñoñʌch la' Yumon la' Dioson tsa' bʌ c loc'sayetla ti Egipto cha'an mi c'ʌq'ueñetla jini lum am bʌ ti Canaán, cha'an mi la' Diosiñon.

Levitico 26:12

Mi caj c chʌn ajñel ti la' tojlel. Mi caj la' Diosiñon. Mi caj cotsañetla ti calobil.

Levitico 26:44

Anquese cabʌl tsi' ñusʌbeyoñob c mandar, anquese ya'ix añob ti' lumal i contrajob, ma'anic mi caj c junyajlel chocob. Ma'anic mi caj c jisʌben i c'ʌjñibal c trato ti' tojlelob, come joñoñʌch i Yumon i Dioson.

Levitico 26:45

Cha'an ti' caj wolij c'uxbin jini israelob, mi caj c chʌn ña'tan jini xuc'ul bʌ c t'an tsa' bʌ cʌq'ue i ñojte'elob cha'an mi' Diosiñoñob. Come tsac loc'sa i ñojte'elob ti Egipto ti' tojlel pejtelel winicob x'ixicob ti yambʌ lum tac. Joñon Yumʌlon, che'en.

Levitico 26:9

Come mi caj j cʌntañetla. Mi caj c p'ojlesañetla. Mi caj c ts'ʌctesan jini c t'an ti la' tojlel.

Miqueas 7:20

Mi caj a wʌq'ueñon lojon i yutslel a t'an che' bajche' tsa' sube Jacob ti wajali. Mi caj a c'uxbiñon lojon che' bajche' tsa' sube Abraham yic'ot yambʌ c ñojte'el lojon.

Mateo 22:32

Tsi' yʌlʌ: “Joñon I Dioson Abraham, I Dioson Isaac, I Dioson Jacob”, che'en. mach i Diosic chʌmeño' bʌ, pero i Diosʌch cuxulo' bʌ, che'en Jesús.

Marcos 10:14

Jesús tsa' mich'a che' bʌ tsi' q'uele. Tsi' subeyob: La' tilicob alobob ba' añon. Mach mi la' tic'ob, come i cha'añob i yumʌntel Dios.

Hechos 2:39

Albilix, mi caj la' wʌq'uentel jini Espíritu jatetla yic'ot la' walobilob yic'ot año' bʌ ti ñajtʌl, che' bajche' jaytiquil mi' pʌjyelob tilel cha'an lac Yum Dios, che'en.

Romanos 9:4

Israelobʌch. Tsa' pʌjyiyob cha'an mi' yochelob ti' yalobil Dios. Tsa' tsictiyi i ñuclel Dios ti' tojlelob. Tsi' yubiyob jini trato bʌ t'an. Tsa' aq'uentiyob jini mandar. Tsa' pʌsbentiyob bajche' yom mi' ch'ujutesañob Dios. Tsa' subentiyob chuqui mi caj i yʌq'uentelob.

Efesios 2:2

Ti yambʌ ora tsa' ajniyetla ti jontolil che' bajche' i tilel i cha'año' bʌ pañimil. Tsa' la' jac'be Satanás i yum pañimil mu' bʌ i yumañob xibajob, jini espíritu woli bʌ ti e'tel ti' pusic'al xñusa mandarob.

Deuteronomio 29:13

Yomix i wa'chocoñetla ti' tejclum cha'an mi la' Diosin che' bajche' tsi' wʌn subeyetla, che' bajche' tsi' subeyob la' ñojte'elob, Abraham yic'ot Isaac yic'ot Jacob.

Hebreos 11:16

Pero tsi' pijtayob jini ñumen wen bʌ i lumal am bʌ ti panchan. Jini cha'an ma'anic mi' cha'len quisin Dios che' mi' diosiñob, come tsa'ix i melbeyob i tejclum.

Hebreos 8:10

Mi caj c mel yambʌ xuc'ul bʌ t'an yic'ot jini israelob che' ñumenix cabʌl q'uin. Jiñʌch iliyi: Mi caj cʌq'ueñob i ña'tan c mandar ti' pusic'al. Mi caj i c'uxbiñoñob come i Dioson. Mi caj c cha'aniñob.

Juezob 2:1

I yAngel lac Yum tsa' loq'ui ti Gilgal. Tsa' letsi majlel ti Boquim. Tsi' yʌlʌ: Joñon tsac loc'sayet ti Egipto. Tsa cotsayet ti jini lum che' bajche' tsac sube a ñojte'elob. Wersa mi' ts'ʌctesan jini t'an tsa' bʌ c mele la' wic'ot.