Genesis 17:6 - Chol: I T’an Dios

⁶ Mi caj cʌq'ueñet cabʌl a p'olbal. Mi caj c p'ojlesan a p'olbal ti cabʌl lum. An mu' bʌ caj i yochelob ti rey.

Chol de Tumbalá Bible

⁶ Mi caj cʌq'ueñet cabʌl a p'olbal. Mi caj c p'ojlesan a p'olbal ti cabʌl lum. An mu' bʌ caj i yochelob ti rey.

Jiñi Tsiji' bʌ Wen T'añ cha'añ Estudio

⁶ Mi caj cʌq'ueñet ca'bʌl a p'olbal, ti a tojlel mi caj i loq'uel ca'bʌl tejclum tac yic'ot reyob.

Genesis 17:6 Iomraidhean Croise

Genesis 13:16

Mi caj c p'ojlesan a p'olbal che' bajche' jini ts'ubejn am bʌ ti lum. Mi an majqui mi' tsic jini ts'ubejn mi mejlel i tsic a p'olbal ja'el.

Genesis 17:16

Mi caj cʌq'uen Sara i yutslel c t'an. Mi caj cʌq'ueñet yic'ot Sara ch'iton bʌ la' walobil. Isujm mi caj cʌq'uen Sara i yutslel c t'an. Mi caj i pejcʌntel ti' ña' winicob ti cabʌl lum. An mu' bʌ caj i yochelob ti rey. Che' tsi' yʌlʌ Dios.

Genesis 17:20

Jixcu Ismael, awilan, mi caj cʌq'uen i yutslel c t'an che' bajche' tsa' c'ajtibeyon. Mi caj c p'ojlesʌben i yalobil. Cabʌl mi' caj ti p'ojlel i yalobilob. Mi caj cʌq'uen lajchʌntiquil i yalobilob. Laj yumʌlob ti pejtelel. Jujuntiquil mi caj i sujtel ti colem tejclum yilal.

Genesis 26:22

Tsa' loq'ui Isaac ya'i. Tsi' piqui yambʌ pozo. Ma'anix tsa' tili i contrajiñob cha'an mi' chilbeñob. Tsi' yotsʌbe i c'aba' Jasʌlonixla ti lac lum, come tsi' yʌlʌ: Tijicñayonix wʌle. Lac Yum tsi' yʌc'ʌyonla ti chumtʌl ba' ñʌch'ʌl pañimil. Wʌ' mi caj lac p'ojlel, che'en.

Genesis 28:3

La' i yʌq'ueñet i yutslel i t'an Dios, jini Mach Bʌ Anic i P'isol i P'ʌtʌlel. La' i yʌq'ueñet cabʌl a walobilob. La' i p'olbeñet a walobilob ti mojt ti mojt.

Genesis 35:11

Dios tsi' sube: Joñon Dioson Mach bʌ Anic i P'isol c P'ʌtʌlel. La' p'ojlic a walobilob, la' wen ñuc'aquet. Mi caj i tilel ti jatet junmojt winicob x'ixicob. Mi caj i p'ojlelob ti mojt ti mojt. Mi caj i tejchelob reyob tilemo' bʌ ti a p'olbal.

Genesis 41:52

José tsi' yotsʌbe i c'aba' jini ijts'inil bʌ Efraín, “Mi yʌc' ti p'ojlel”, come tsi' yʌlʌ: Dios tsi' yʌq'ueyon c chubʌ'an ti jini lum ba' tsa cubi wocol, che'en.

Genesis 47:27

Tsa' chumle Israel ti' lumal Egipto ya' ti lum i c'aba' Gosén. Tsi' tajayob i chubʌ'an ya'i. Tsa' p'ojliyob i yalobilob. Tsa' wen p'ojliyob.

Genesis 48:3

Jacob tsi' sube José: Dios, Jini Mach bʌ Anic i P'isol i P'ʌtʌlel, tsi' yʌc'ʌ i bʌ ti cʌjñel tic tojlel ya' ti Luz, ti' lumal Canaán. Tsi' yʌq'ueyon i yutslel i t'an.

Genesis 48:4

Tsi' subeyon: “Mi caj c p'ojlesañet. Mi caj c p'ojlesan a walobilob. Che' jini mi caj a wochel ti' tat cabʌl winicob x'ixicob ti mojt ti mojt. Mi caj cʌq'ueñob ili lum yic'ot ja'el a p'olbal maxto bʌ anic tsi' q'ueleyob pañimil. I cha'añobʌch mi caj i yajñel ti pejtelel ora”, che'en Dios.

Esdras 4:20

Che' ja'el ti wajali an i cha'añob ya' ti Jerusalén yumʌlob wen p'ʌtʌlo' bʌ tsa' bʌ i ñuq'uesʌbeyob majlel i yumʌntel c'ʌlʌl ti junwejl ja' i c'aba' Eufrates. Jini yumʌlob ti yan tac bʌ lum tsi' tojbeyob cabʌl tojoñel tac.

Levitico 26:9

Come mi caj j cʌntañetla. Mi caj c p'ojlesañetla. Mi caj c ts'ʌctesan jini c t'an ti la' tojlel.