Genesis 17:5 - Chol: I T’an Dios

⁵ Dios tsi' chʌn sube: Ma'anix mi caj a chʌn pejcʌntel ti Abram, “Ñuc bʌ tatʌl”. Mi caj a pejcʌntel ti Abraham, “I tat cabʌlob”, come tsa'ix cotsayet ti' tat winicob x'ixicob ti cabʌl lum.

Chol de Tumbalá Bible

⁵ Dios tsi' chʌn sube: Ma'anix mi caj a chʌn pejcʌntel ti Abram, “Ñuc bʌ tatʌl”. Mi caj a pejcʌntel ti Abraham, “I tat cabʌlob”, come tsa'ix cotsayet ti' tat winicob x'ixicob ti cabʌl lum.

Jiñi Tsiji' bʌ Wen T'añ cha'añ Estudio

⁵ Ma'añix mi caj a chʌn pejcʌntel ti Abram, wʌle mi caj a pejcʌntel ti Abraham, come woli c wa'chocoñet ti' tat bajc'ʌl wiñicob x'ixicob.

Genesis 17:5 Iomraidhean Croise

Genesis 17:15

Dios tsi' sube: Jixcu Sarai a wijñam, ma'anix mi caj a pejcan ti Sarai. I c'aba'ʌch Sara, “I yixic'al rey”.

Genesis 32:28

Jini winic tsi' yʌlʌ: Ma'anix mi caj a chʌn pejcʌntel ti Jacob. Mi caj a pejcʌntel ti Israel, come tsa' cha'le wersa. Tsa' mʌjli a cha'an ti' tojlel Dios, yic'ot ti' tojlel winicob, che'en.

Genesis 32:29

Jacob tsi' c'ajtibe: Awocolic subeñon a c'aba', che'en. Tsi' yʌlʌ: ¿Chucoch wola' c'ajtibeñon j c'aba'? che'en. Tsi' yʌq'ue i yutslel i t'an ya'i.

Genesis 35:10

Dios tsi' sube: A c'aba' Jacob. Ma'anix mi caj a pejcʌntel ti Jacob. Mi caj a pejcʌntel ti Israel, che'en. Che'i tsi' yotsʌbe i c'aba' Israel.

2 Samuel 12:25

Lac Yum tsi' cha' choco majlel jini x'alt'an Natán cha'an mi' yotsʌben i c'aba' Jedidías, cha'an c'ux tsi' yubi lac Yum.

Nehemias 9:7

C Yum lojon, i Diosetʌch Abram tsa' bʌ a yajca. Tsa' pʌyʌ loq'uel Abram ya' ti Ur ba'an jini caldeojob. Tsa' wotsʌbe i c'aba' Abraham.

Isaias 65:15

Mi caj i ña'tintel la' c'aba' che' bajche' p'ajoñel ti' tojlel jini yajcʌbilo' bʌ c cha'an, che'en. Lac Yum Dios mi caj i yʌq'uetla ti tsʌnsʌntel. Pero mi caj i yotsʌbeñob yambʌ i c'aba' jini x'e'telob i cha'an.

Jeremias 20:3

Jump'ejl q'uin yic'ot jump'ejl ac'ʌlel ya' chucul. Ti' yijc'ʌlal Pasur tsi' colo. Jeremías tsi' sube: Lac Yum ma'anix mi caj i chʌn pejcañet ti Pasur. Tsa'ix i yotsʌbeyet yambʌ a c'aba', jiñʌch Magor Misabib, come tal wocol i joy ñet'et.

Jeremias 23:6

Che' woli ti yumʌntel, mi caj i coltʌntel Judá. Mi' caj ti wen chumtʌl Israel. Mi caj i pejcʌntel ili rey ti lac Yum, jini Toj Bʌ mu' bʌ i yʌq'ueñonla lac tojel.

Numeros 13:16

Jiñʌch i c'aba'ob winicob tsa' bʌ i chocoyob majlel Moisés cha'an mi' tsajiñob jini lum. Moisés tsi' q'uextʌbe i c'aba' Oseas i yalobil Nun. Tsi' yotsʌbe i c'aba' Josué.

Juan 1:42

Andrés tsi' pʌyʌ tilel Simón ba'an Jesús. Che' bʌ tsi' q'uele Jesús, tsi' sube: Jatet, Simón, i yalobilet Juan. Mi caj a wotsʌbentel a c'aba' ti Cefas, che'en. (Mi' yʌl ti lac t'an, xajlel.)

Romanos 4:17

Che' bajche' ts'ijbubil: “Dios tsi' yotsa Abraham ti' tat winicob x'ixicob ti cabʌl lum tac”, che'en. Diosʌch mu' bʌ i yʌq'ueñob i cuxtilel chʌmeño' bʌ, mu' bʌ i mel ti' p'ʌtʌlel jach i t'an jini tsiquil tac bʌ mach bʌ anic ti yambʌ ora.

Apocalipsis 2:17

Jini am bʌ i chiquin la' i yubiben i t'an jini Espíritu mu' bʌ i suben xñopt'añob. Jini mu' bʌ i mʌjlel i cha'an mi caj cʌq'uen i c'ux mucul bʌ maná. Mi caj cʌq'uen jump'ejl sʌsʌc bʌ alʌ xajlel, ba' otsʌbil tsiji' bʌ i c'aba'. Ma'anic majch yujil chuqui otsʌbil, cojach jini mu' bʌ i ch'ʌm”.