Genesis 17:16 - Chol: I T’an Dios

¹⁶ Mi caj cʌq'uen Sara i yutslel c t'an. Mi caj cʌq'ueñet yic'ot Sara ch'iton bʌ la' walobil. Isujm mi caj cʌq'uen Sara i yutslel c t'an. Mi caj i pejcʌntel ti' ña' winicob ti cabʌl lum. An mu' bʌ caj i yochelob ti rey. Che' tsi' yʌlʌ Dios.

Chol de Tumbalá Bible

¹⁶ Mi caj cʌq'uen Sara i yutslel c t'an. Mi caj cʌq'ueñet yic'ot Sara ch'iton bʌ la' walobil. Isujm mi caj cʌq'uen Sara i yutslel c t'an. Mi caj i pejcʌntel ti' ña' winicob ti cabʌl lum. An mu' bʌ caj i yochelob ti rey. Che' tsi' yʌlʌ Dios.

Jiñi Tsiji' bʌ Wen T'añ cha'añ Estudio

¹⁶ Mi caj cʌq'uen Sara i yutslel c t'añ yic'ot mi caj i yʌq'ueñet Sara juntiquil ch'itoñ bʌ a walobil. Isujmʌch, mi caj cʌq'uen Sara i yutslel c t'añ, yic'ot mi caj i pejcʌntel ti' ña' wiñicob x'ixicob ti ca'bʌl lum; mi caj i yilan pañimil reyob ti' tojlel.

Genesis 17:16 Iomraidhean Croise

Genesis 1:28

Dios tsi' yʌq'ueyob i yutslel i t'an. Dios tsi' subeyob: La' p'ojliquetla. But'ula jini pañimil. C'ʌñʌla. La' i yumañetla jini chʌy yic'ot jini mut yic'ot pejtel cuxul tac bʌ mu' bʌ ti xʌmbal ti pañimil, che'en.

Genesis 12:2

Mi caj cʌq'ueñet cabʌl a p'olbal ti ñuc bʌ lum. Mi caj cʌq'ueñet a wenlel. Mi caj cʌc' ti cʌjñel a c'aba'. Mi caj i tajob i wenlel winicob x'ixicob ti pejtelel pañimil cha'añet.

Genesis 15:4

Lac Yum tsi' sube: Ma'anic mi caj i ch'ʌm a chubʌ'an ili winic. Mi caj i ch'ʌm a chubʌ'an ch'iton bʌ a walobil, che'en lac Yum.

Genesis 17:15

Dios tsi' sube: Jixcu Sarai a wijñam, ma'anix mi caj a pejcan ti Sarai. I c'aba'ʌch Sara, “I yixic'al rey”.

Genesis 17:19

Dios tsi' yʌlʌ: Mach jinic i yalobil a wijñam. Sara a wijñam mi caj i yʌq'ueñet ch'iton bʌ a walobil. Mi caj a wotsʌben i c'aba' Isaac. Mi caj c wa'chocon xuc'ul bʌ c t'an yic'ot Isaac, yic'ot i p'olbal Isaac ti pejtelel ora.

Genesis 17:6

Mi caj cʌq'ueñet cabʌl a p'olbal. Mi caj c p'ojlesan a p'olbal ti cabʌl lum. An mu' bʌ caj i yochelob ti rey.

Genesis 21:1

Lac Yum tsi' ña'ta Sara. Tsi' yʌq'ue che' bajche' tsi' wʌn sube. Sara tsa' caji' cʌntan i yalobil. Tsi' yʌq'ue Abraham ch'iton bʌ i yalobil che' ñoxix Abraham che' bajche' tsi' wʌn sube lac Yum.

Genesis 24:60

Tsi' yʌq'ueyob Rebeca i yutslel i t'an. Tsi' subeyob: La' ochiquet ti' ña' cabʌl winicob ti mil ti mil. La' yumʌnticob cha'an jini mu' bʌ i ts'a'leñob, che'ob.

Genesis 25:23

Lac Yum tsi' sube: Loj jini a walobilob am bʌ ti a ñʌc'. Mi caj i yochelob ti cha'mojt ñuc bʌ tejclum. Ñumen mi caj i taj i p'ʌtʌlel jump'ejl tejclum bajche' yambʌ. Jini ascuñʌl bʌ mi caj i yuman jini ijts'iñʌl bʌ, che'en.

Genesis 35:11

Dios tsi' sube: Joñon Dioson Mach bʌ Anic i P'isol c P'ʌtʌlel. La' p'ojlic a walobilob, la' wen ñuc'aquet. Mi caj i tilel ti jatet junmojt winicob x'ixicob. Mi caj i p'ojlelob ti mojt ti mojt. Mi caj i tejchelob reyob tilemo' bʌ ti a p'olbal.

Genesis 36:31

An ja'el reyob año' bʌ i ye'tel ti' lumal Edom che' maxto anic i yumob i yalobilob Israel:

Isaias 49:23

Jini año' bʌ i ye'tel ti pañimil, reyob yic'ot i yijñamob, mi caj i cosañob che' bajche' i tatob. Mi caj i we'sañob. Mi caj i c'uchchocoñob i bʌ ti lum ti a tojlel. Mi caj i tijcañob i ts'ubeñal a woc. Che' jini mux caj a ña'tan Yumʌlon. Majqui jach mi' ñopon ma'anic mi' cajel ti quisin.

Romanos 9:9

Come jiñʌch jini t'an tsa' bʌ subenti Abraham: “Ti yambʌ jab cha' talon. Mi caj i yʌc' ti pañimil ch'iton bʌ i yalobil Sara”, che'en.

Gálatas 4:23

I yalobil jini criada tsi' yila pañimil che' bajche' i tilel mi' yilañob pañimil alʌlob. I yalobil jini mero i yijñam bʌ tsa' tili cha'an albil bʌ i t'an Dios.

1 Pedro 3:6

Che'ʌch tsi' mele Sara. Tsi' ch'ujbibe i t'an Abraham, tsi' pejca ti' yum. Jatetla i yalobiletla Sara, mi toj mi la' mel, mi ma'anic mi la' bʌc'ñan chuqui mi' yujtel.