Genesis 17:13 - Chol: I T’an Dios

¹³ Jini mu' bʌ i q'uel pañimil ti a wotot yic'ot jini mu' bʌ a mʌn ti a taq'uin mi caj i tsepbentel i pʌchʌlel. Ya' ti la' bʌc'tal mi caj i tsictiyel xuc'ul bʌ c t'an ti pejtelel ora.

Chol de Tumbalá Bible

¹³ Jini mu' bʌ i q'uel pañimil ti a wotot yic'ot jini mu' bʌ a mʌn ti a taq'uin mi caj i tsepbentel i pʌchʌlel. Ya' ti la' bʌc'tal mi caj i tsictiyel xuc'ul bʌ c t'an ti pejtelel ora.

Jiñi Tsiji' bʌ Wen T'añ cha'añ Estudio

¹³ Yom mi' tsepbentel i pʌchʌlel jiñi mu' bʌ i yilan pañimil ti a wotot yic'ot jiñi mu' bʌ a mʌn ti a taq'uiñ, cha'añ che' jiñi mi' tsictiyel ti la' bʌc'tal i yejtal xuc'ul bʌ c t'añ ti pejtelel ora.

Genesis 17:13 Iomraidhean Croise

Genesis 14:14

Che' bʌ tsi' yubi Abram chucbilix majlel i yalobil i yʌscun, tsi' pʌyʌ majlel i winicob chajpʌbilo' bʌ i cha'an, tsa' bʌ i yilayob pañimil ti' yotot. Jo'lujunc'al yic'ot waxʌclujuntiquilob (318). Tsi' yajñesayob majlel i contrajob c'ʌlʌl ti Dan.

Genesis 17:7

Mi caj c wa'chocon xuc'ul bʌ c t'an quic'otet quic'ot a p'olbal ti pejtelel ora. Jiñʌch xuc'ul bʌ c t'an: Joñon a Dioson, i Dioson a p'olbalob.

Genesis 37:27

Conla. La' lac chombeñob ismaelob. Mach yomic mi lac tsʌnsan, come la quijts'iñʌch, come lac pi'ʌlʌch lac bʌ yic'ot, che'en. I pi'ʌlob tsi' jac'ʌyob.

Genesis 37:36

Jini madiañob tsi' choñoyob José ya' ti Egipto. Tsi' chombeyob Potifar am bʌ i ye'tel ti' tojlel Faraón. Jiñʌch i capitán xcʌntayajob.

Genesis 39:1

Tsa' pʌjyi majlel José ti Egipto. Tsa' ochi ti' wenta juntiquil egipto i c'aba' Potifar, i capitán xcʌntayajob am bʌ i ye'tel cha'an Faraón. Potifar tsi' mʌñʌ José. Jini ismaelob tsa' bʌ i cʌchʌyob majlel tsi' chombeyob.

Genesis 9:16

Mi caj i tilel t'oxja' ti tocal. Mi caj j q'uel joñon cha'an mic ña'tan xuc'ul bʌ c t'an tsa' bʌ cʌq'ueyob pejtelel cuxul tac bʌ am bʌ ti pañimil, che'en Dios.

Nehemias 5:5

Lajal c bʌc'tal lojon bajche' i bʌc'tal c pi'ʌlob. Lajal calobilob lojon che' bajche' i yalobilob. Woli cotsan lojon ch'iton bʌ calobilob yic'ot xch'oc bʌ calobilob ti majtan e'tel ti' yum. Lamital jini xch'oc bʌ calobilob tsa'ix ochiyob ti e'tel ti' yum. Ma'anic c p'ʌtʌlel lojon cha'an mij coltañob, come c lum lojon yic'ot c ts'usubil lojon añix ti' wenta yaño' bʌ winicob, che'ob.

Nehemias 5:8

Tsac subeyob: Tsac cha'le lojon wersa cha'an mic cha' mʌn loq'uel jini judíojob lac pi'ʌlob ba' pam pujquemob ti' wenta yumʌlob ti yan tac bʌ lum. ¿Yom ba mi la' cha' otsan la' pi'ʌlob ti to'ol e'tel cha'an mic cha' mʌñob lojon loq'uel? cho'on. Ñʌch'ʌlob jach. Ma'anic tsi' tajayob i t'an cha'an i mul.

Exodo 12:44

Pero la' mozojob tsa' bʌ la' mʌñʌ ti taq'uin mi mejlel i c'uxob che' bʌ tsa'ix la' tsepbeyob i pʌchʌlel.

Exodo 21:16

Majqui jach mi' xujch'in winic cha'an mi' chon, mi tsa' tajle yic'ot jini xujch'ibil bʌ winic, mi caj i tsʌnsʌntel.

Exodo 21:4

Mi tsi' taja i yijñam che' an ti' tojlel i yum, mi tsi' yila pañimil i yalobil, mi ch'iton mi xch'oc, mi caj i cʌytʌlob ti' tojlel i yum come i yum tsi' yʌq'ue i yijñam. I bajñel jach mi' loq'uel jini winic.

Levitico 22:11

Mi mʌmbil i cha'an jini motomaj juntiquil i yaj e'tel, che' jini, mi mejlel i c'ux'. Che' ja'el jini mu' bʌ i yilan pañimil ya' ti' yotot mi mejlel i c'ux chuqui tac mi' c'uxe' jini motomaj.

Mateo 18:25

Ma'anic tsa' mejli i toj i bet. Jini cha'an i yum tsi' yʌc'ʌ mandar cha'an mi' chojñel jini winic yic'ot i yijñam yic'ot i yalobilob yic'ot pejtelel i chubʌ'an cha'an mi' toj i bet.