Genesis 17:10 - Chol: I T’an Dios

¹⁰ Jiñʌch trato bʌ c t'an quic'otet yic'ot pejtel a p'olbal mu' bʌ caj i tilel. Wersa mi caj la' jac'. Mi caj i tsepbentel i pʌchʌlel jujuntiquil ch'iton ti la' tojlel.

Chol de Tumbalá Bible

¹⁰ Jiñʌch trato bʌ c t'an quic'otet yic'ot pejtel a p'olbal mu' bʌ caj i tilel. Wersa mi caj la' jac'. Mi caj i tsepbentel i pʌchʌlel jujuntiquil ch'iton ti la' tojlel.

Jiñi Tsiji' bʌ Wen T'añ cha'añ Estudio

¹⁰ Jiñʌch xuc'ul bʌ c t'añ quic'otet yic'ot pejtelel a p'olbal mu' bʌ caj i tilel: Pejtelel ch'itoñ bʌ la' walobilob mi caj i tsepbentel i pʌchʌlel.

Genesis 17:10 Iomraidhean Croise

Genesis 17:11

Mi caj i tsepbentel la' pʌchʌlel. I yejtalʌch xuc'ul bʌ c t'an tsa' bʌ c wa'choco quic'otet.

Genesis 17:23

Abraham tsi' pʌyʌ Ismael i yalobil yic'ot pejtel x'e'telob i cha'an tsa' bʌ i yilayob pañimil ti' yotot yic'ot jini mʌmbilo' bʌ ti' taq'uin, pejtelel winicob ti' yotot Abraham. Tsi' tsepbeyob i pʌchʌlel i bʌc'tal ti jini jach bʌ q'uin, che' bajche' Dios tsi' sube.

Genesis 17:27

Tsa' tsepbenti i pʌchʌlel i bʌc'tal pejtel jini winicob año' bʌ ti' yotot Abraham, jini tsa' bʌ i yilayob pañimil ti' yotot yic'ot mʌmbilo' bʌ ti taq'uin ch'oyolo' bʌ ti yambʌ lum.

Genesis 21:4

Abraham tsi' tsepbe i pʌchʌlel Isaac che' waxʌcp'ejlix q'uin i yalobil, che' bajche' tsi' yʌq'ue mandar Dios.

Genesis 34:15

Cojach mic sijin lojon mi tsa' ajniyetla bajche' joñon lojon, mi tsa' tsepbenti i pʌchʌlel pejtelel winicob ti a lumal.

Genesis 34:22

Yom jach mi' tsejpel lac pʌchʌlel ti jujuntiquilonla che' bajche' tsepbilob i pʌchʌlel ajñel. Che' jini mux i jac'ob lac t'an jini winicob, mux i chumtʌlob la quic'ot. Junmojt jach mi lac tem ajñel la quic'otob.

Exodo 12:48

Che' an juntiquil ch'oyol bʌ ti ñajtʌl mi yom mi' melbeñon jini Pascua, la' tsepbentic i pʌchʌlel yic'ot winic bʌ i pi'ʌlob. Che' jini mi mejlel i mel jini q'uiñijel temel la' wic'ot. Lajal mi caj i yajñel che' bajche'etla. Pero mach mejlic i c'ux jini mach bʌ tsepbilic i pʌchʌlel.

Exodo 4:25

Pero Séfora tsi' ch'ʌmʌ jay bʌ xajlel. Tsi' bʌc' tsepbe i pʌchʌlel jini ch'iton bʌ i yalobil. Tsi' choco ya' ti' yoc Moisés. Tsi' yʌlʌ: Jontol c ñoxi'al cha'an tsa' bejq'ui i ch'ich'el calobil, che'en.

Jeremias 4:4

Sʌq'uesan la' pusic'al, mach jinic jach la' bʌc'tal. Ñopox la' Yum ti jump'ejl la' pusic'al, winicob ti Judá yic'ot ti Jerusalén, ame cajic c choc tilel c'ajc mach bʌ yujilic yajpel cha'an ti' caj la' jontolil, che'en.

Juan 7:22

Isujm, Moisés tsi' yʌq'ueyetla tsep pʌchʌlel. Mach ch'oyolic ti Moisés, ch'oyol ti la' ñojte'el. Mi la' wʌc' tsep pʌchʌlel ti' q'uiñilel c'aj o.

Hechos 7:8

Dios tsi' yʌq'ue Abraham jini xuc'ul bʌ t'an cha'an tsep pʌchʌlel. I yalobil Abraham jiñʌch Isaac. Abraham tsi' tsepbe i pʌchʌlel che' waxʌcp'ejl jax to i q'uiñilel Isaac. I yalobil Isaac jiñʌch Jacob. I yalobilob Jacob jiñobʌch lajchʌntiquil lac ñojte'el.

Romanos 2:28

Come mach mero israelobic pejtel i p'olbal Israel. Jini mero tsep pʌchʌlel ja'el mach jinic am bʌ ti lac bʌc'tal.

Romanos 3:25

Come Dios tsi' wa'choco Cristo cha'an mi' tojbeñob i mul yic'ot i ch'ich'el, cha'an mi' lajmel i mich'ajel ti' tojlel pejtel mu' bʌ i ñopob. Che' jini tsiquil tojʌch Dios tsa' bʌ i to'ol q'uelbeyob i mul winicob x'ixicob ti yambʌ ora che' woli to i cuchbeñob i mul.

Romanos 3:28

Tsiquil che' jini, Dios mi' ñusan lac mul. Mi' yotsañonla ti' wenta cha'an tsa' lac ñopo Jesús, mach cha'anic i jac'ol mandar.

Romanos 3:30

Come juntiquil jach Dios. Mi caj i yotsan ti' wenta pejtel mu' bʌ i ñopob, jini tsepbil bʌ i pʌchʌlel yic'ot ja'el jini mach bʌ tsepbilic i pʌchʌlel.

Gálatas 3:28

Mi judíojet, mi griegojet, mi añet ti a yum, mi to'ol che' jach añet, mi winiquet, mi x'ixiquet, ma'anic chuqui mi' cha'len, come juntiquilet jach la ti Cristo Jesús.

Gálatas 6:12

Pejtelel yomo' bʌ q'uejlel ti ñuc mi' wersa xic'beñetla cha'an mi la' ch'ʌm tsep pʌchʌlel, come mach yomobic i yubin wocol cha'an i cruz Cristo.

Efesios 2:11

Ña'tanla bajche' añetla ti yambʌ ora gentilet bʌ la. Jini tsepbilo' bʌ i pʌchʌlel tsi' bajñel subuyob i bʌ ti ñuc cha'an tsepbil i pʌchʌlel ti c'ʌb winicob. Tsi' ts'a'leyetla cha'an mach tsepbilic la' pʌchʌlel.

Deuteronomio 10:16

Yom mi la' sʌq'uesan la' pusic'al i yejtal bʌ tsep pʌchʌlel. Mach la' chʌn ac' ti tsʌts'an la' pusic'al.

Deuteronomio 30:6

Lac Yum Dios mi caj i sʌq'uesan a pusic'al yic'ot i pusic'al a walobilob i wentajʌch tsep pʌchʌlel, che' ma' c'uxbin lac Yum Dios ti pejtelel a pusic'al, yic'ot ti pejtelel a ña'tʌbal, cha'an ma' taj a cuxtilel.

Filipenses 3:3

Tsepbil lac pʌchʌlel ti isujm, joñonla mu' bʌ lac ch'ujutesan Dios ti Espíritu. Mi' ñuc'an lac pusic'al ti Cristo Jesús. La cujil mach mejlic lac bajñel coltan lac bʌ.

Josue 5:2

Ti jim bʌ ora lac Yum tsi' sube Josué: Yom ma' mel cuchillo wen jay bʌ. Cha' tsepben i pʌchʌlel jini israelob.

Josue 5:4

Jini cha'an Josué tsi' tsepbeyob i pʌchʌlel, come tsa' chʌmiyob pejtel jini winicob tsa' bʌ loq'uiyob ti Egipto yujilo' bʌ guerra. Tsa' chʌmiyob ya' ti jochol bʌ lum che' añob ti bij, che' loq'uemobix ti Egipto.