Genesis 17:1 - Chol: I T’an Dios

¹ Che' lujump'ejlix yic'ot bolomp'ejl i jo'c'al (99) i jabilel Abram, lac Yum tsi' pʌsbe i bʌ Abram. Tsi' sube: Joñon P'ʌtʌl bʌ Dioson. Yom ma' wajñel tic tojlel. Ts'ʌcʌl yom i wenlel a pusic'al ti pejtelel ora. Ts'ʌcʌl yom i yuts'atlel a pusic'al.

Chol de Tumbalá Bible

¹ Che' lujump'ejlix yic'ot bolomp'ejl i jo'c'al (99) i jabilel Abram, lac Yum tsi' pʌsbe i bʌ Abram. Tsi' sube: Joñon P'ʌtʌl bʌ Dioson. Yom ma' wajñel tic tojlel. Ts'ʌcʌl yom i wenlel a pusic'al ti pejtelel ora. Ts'ʌcʌl yom i yuts'atlel a pusic'al.

Jiñi Tsiji' bʌ Wen T'añ cha'añ Estudio

¹ Che' bolomlujump'ejlix i jo'c'al (99) i ja'bilel Abram, lac Yum tsi' pʌsbe i bʌ Abram, tsi' su'be: —Joñon jiñi Dios Mach Bʌ Añic i P'isol i P'ʌtʌlel. Yom ma' wajñel tic tojlel yic'ot yom wen uts'at ma' wajñel.

Genesis 17:1 Iomraidhean Croise

Genesis 12:1

Lac Yum tsi sube Abram: Loq'uen ti a lumal. Loq'uen ti' yotot a tat ba'an a pi'ʌlob. Cucu ya' ti jini lum mu' bʌ caj c pʌsbeñet.

Genesis 12:7

Tsa' tsictiyi lac Yum ti' wut Abram. Tsi' sube: Mi caj cʌq'uen a p'olbal ili lum, che'en. Abram tsi' wa'chocobe i pulʌntib i majtan lac Yum ya' ba' tsi' pʌsʌ i bʌ lac Yum ti' wut Abram.

Genesis 16:16

Wʌcp'ejlix i jo'c'al (86) i jabil Abram che' bʌ tsi' yila pañimil Ismael i yalobil Abram yic'ot Agar.

Genesis 18:1

Tsi' pʌsʌ i bʌ lac Yum ti' tojlel Abraham ba'an jini c'olol te' ya' ti Mamre. Ya' buchul Abraham ti' ti' pisil bʌ i yotot che' c'uxix q'uin.

Genesis 18:14

¿Mach ba mejlic c mel pejtel chuqui tac wocol? Cha' talon che' i yorajlelix mic ts'ʌctesan c t'an. Mi caj i yilan pañimil i yalobil Sara, che'en.

Genesis 24:40

C yum tsi' subeyon: “Jini lac Yum woli bʌ i cʌntañon majlel mi caj i choc tilel i yángel i pi'leñet majlel cha'an mi' coltañet. Mi caj a sʌclʌben i yijñam calobil ti' tojlel c pi'ʌlob ti' yotot c tat.

Genesis 26:2

Lac Yum tsi' pʌsʌ i bʌ ba'an Isaac. Tsi' yʌlʌ: Mach ma' majlel ti Egipto. Wʌ jach yom ma' chumtʌl ti jini lum ba' mic subeñet.

Genesis 28:3

La' i yʌq'ueñet i yutslel i t'an Dios, jini Mach Bʌ Anic i P'isol i P'ʌtʌlel. La' i yʌq'ueñet cabʌl a walobilob. La' i p'olbeñet a walobilob ti mojt ti mojt.

Genesis 35:11

Dios tsi' sube: Joñon Dioson Mach bʌ Anic i P'isol c P'ʌtʌlel. La' p'ojlic a walobilob, la' wen ñuc'aquet. Mi caj i tilel ti jatet junmojt winicob x'ixicob. Mi caj i p'ojlelob ti mojt ti mojt. Mi caj i tejchelob reyob tilemo' bʌ ti a p'olbal.

Genesis 43:14

Che' ya' añetla ti' tojlel jini winic, la' i p'untañetla Dios jini Mach bʌ Anic i P'isol i P'ʌtʌlel. La' i cha' colbeñet la' weran yic'ot Benjamín. Pero mi tsa' chʌmiyob calobilob, che' jini meba'onix cha'an calobilob, che'en.

Genesis 46:3

Tsi' yʌlʌ: Joñon Dioson, i Dioson a tat. Mach a bʌc'ñan majlel ti Egipto, come ya'i mi caj c wen p'ojlesan a walobilob.

Genesis 48:15

Israel tsi' yʌq'ue José i yutslel i t'an. Tsi' yʌlʌ: Dios jiñʌch tsa' bʌ i tsajcayob majlel c tatob, Abraham yic'ot Isaac. Jiñʌch tsa' bʌ i we'sayon che' bʌ tsaj q'uele pañimil c'ʌlʌl wʌle.

Genesis 48:3

Jacob tsi' sube José: Dios, Jini Mach bʌ Anic i P'isol i P'ʌtʌlel, tsi' yʌc'ʌ i bʌ ti cʌjñel tic tojlel ya' ti Luz, ti' lumal Canaán. Tsi' yʌq'ueyon i yutslel i t'an.

Genesis 5:24

Tsi' wen cha'le xʌmbal Enoc ti' bijlel Dios. Ma'anix tsiquil Enoc, come Dios tsi' pʌyʌ majlel.

Genesis 6:9

Jiñobʌch i p'olbal Noé. Toj jini Noé. Uts'at ti' wut Dios yic'ot ti' tojlel winicob x'ixicob. Uts'at tsi' cha'le xʌmbal ti' bijlel Dios.

1 Reyob 2:4

Mi che'ʌch ma' mel, lac Yum mi caj i ts'ʌctesan i t'an tsa' bʌ i subeyon. Mi xuc'ul mi' cha'leñob i ye'tel jini calobilob yic'ot c p'olbal ti pejtelel i pusic'al, ma'anic mi caj i chilbentel i ye'tel ti' tojlel israelob.

1 Reyob 3:6

Salomón tsi' jac'be: Cabʌl tsa' p'unta jini c tat David. A winicʌch. Che' wʌ'an ti pañimil tsi' chʌn tsajcayet ti isujm ti pejtelel i pusic'al. Toj i pusic'al yic'ot i melbal ti a tojlel. Jatet tsa' wen pʌsbe i yutslel a pusic'al che' bʌ tsa' wʌq'ue i yalobil cha'an mi' ch'ʌmben i ye'tel ti' q'uexol.

1 Reyob 8:25

Wʌle, c Yum i Dioset bʌ israelob, ts'ʌctesan ja'el yambʌ a t'an tsa' bʌ a sube c tat David, come tsa' sube: “Mi xuc'ul mi' chʌn jac'ob c mandar a walobilob mi caj cʌq'ueñet a q'uexol mu' bʌ caj i cha'len yumʌl ti pejtelel ora ti' tojlel israelob. Yom xuc'ul mi' ñopoñob che' bajche' tsa' ñopoyon”, che'et.

Job 1:1

Tsa' chumle ti lum i c'aba' Uz juntiquil winic uts'at bʌ i pusic'al, i c'aba' Job. Tsi' c'uxbi Dios. Tsi' cʌnta i bʌ cha'an ma'anic mi' taj mulil.

Job 11:7

Anquese ma' cha'len wersa a ñop chuqui woli' ña'tan i mel Dios, mach mejliquet. ¿Cabʌl ba a pusic'al cha'an ma' suben Dios bajche' yom mi' mel?

Salmos 115:3

Ya'ʌch an lac Dios ti panchan. Mi' mel chuqui jach yom i pusic'al.

Salmos 116:9

Mi caj cajñel ti' tojlel lac Yum che' cuxulon to wʌ' ti pañimil.

Salmos 25:14

Jini mu' bʌ i bʌc'ñañob lac Yum mi caj i yajñel yic'ot. Mux i pʌsbeñob jini xuc'ul bʌ i t'an.

Exodo 6:3

Tsac pʌsʌ c bʌ ti' tojlelob Abraham, yic'ot Isaac yic'ot Jacob. Tsac tsictesʌbeyob j C'aba' cha'an Dioson Mach bʌ anic i P'isol c P'ʌtʌlel. Ma'anic tsac tsictesʌbeyob mi i Yumon. Jiñʌch yambʌ j C'aba', Yumʌlon.

Proverbios 10:9

Jini mu' bʌ ti xʌmbal ti' xuc'tʌlel i pusic'al uts'at mi' majlel, pero mi caj i cʌmbentel i mul jini mu' bʌ i xoy i bijlel.

Jeremias 32:17

Obol c bʌ, c Yum Dios. Awilan a melbalʌch panchan yic'ot pañimil. Tsa' mele ti a c'ʌb ti ñuc bʌ a p'ʌtʌlel. Ma'anic ti pañimil chuqui wocol ti melol a cha'an.

Daniel 4:35

Pejtel winicob ti pañimil ma'anic i c'ʌjñibal ti' tojlel. Mi' mel che' bajche' yom ti' tojlel jini año' bʌ ti panchan yic'ot jini chumulo' bʌ ti pañimil. Ma'anic majch mi mejlel i mʌctʌben i p'ʌtʌlel. Ma'anic majch mi mejlel i suben: “¿Chuqui woli a mel?” Mach mejlic ti tijq'uel.

Miqueas 6:8

Tsa'ix i pʌsbeyet chuqui uts'at ti' wut. Jini jach woli' c'ajtibeñet. Mele chuqui tac toj. Pʌsʌ i yutslel a pusic'al yic'ot c'uxbiya. Peq'uesan a bʌ ti' tojlel a Dios.

Numeros 11:23

Lac Yum tsi' sube Moisés: ¿Tsa'ix ba jili c p'ʌtʌlel? Mu' to a q'uel mi ma'anic mi' ts'ʌctiyel c t'an, che'en lac Yum Dios.

Numeros 24:16

Tsac ñich'tʌbe i t'an Dios, tsaj q'uele chuqui tsi' pʌsbeyon Jini Mach bʌ Anic i P'isol i P'ʌtʌlel.

Mateo 19:26

Jesús tsi' q'ueleyob. Tsi' subeyob: Mach mejlicob winicob pero Dios mi mejlel i mel ti pejtelel, che'en.

Mateo 5:48

Jini cha'an yom ts'ʌcʌl i yutslel la' pusic'al che' bajche' ts'ʌcʌl i yutslel i pusic'al la' Tat am bʌ ti panchan.

Lucas 1:6

Tojob ti' tojlel Dios ti cha'ticlel. Ts'ʌcʌl tsi' jac'ʌyob pejtelel i subal lac Yum yic'ot i mandar.

Hechos 23:1

Pablo tsi' wen q'uele jini año bʌ i ye'tel. Tsi' yʌlʌ: Winicob, c pi'ʌlob, ti pejtelel chuqui tac tsac mele, Dios tsi' q'uele. C'ʌlʌl wʌle ma'anic mi' tejchel t'an tic pusic'al cha'an uts'at pejtelel chuqui tsac cha'le ti' wut Dios, che'en.

Hechos 24:16

Jini cha'an mic chʌn cha'len wersa c mel chuqui toj ti' wutob winicob yic'ot ti' wut Dios cha'an ma'anic mi' cajel ti t'an c pusic'al.

Efesios 3:20

Wen cabʌl i p'ʌtʌlel woli bʌ ti e'tel ti lac pusic'al cha'an mi' mel ñumen ñuc bʌ i ye'tel bajche' pejtelel chuqui mi laj c'ajtiben yic'ot pejtelel mu' bʌ lac ña'tan.

Deuteronomio 10:17

Come lac Yum Dios i Diosʌch jini diosob, i Yumʌch jini yumʌlob. Wen ñuc lac Yum, wen bʌc'ñʌbil. Mach jelchojquic mi' c'uxbin winicob x'ixicob. Mach yujilic i ch'ʌmol majtañʌl cha'an mi' ñusan jontolil.

Deuteronomio 18:13

Yom ch'ujul mi la' wajñel ti' tojlel lac Yum Dios ti pejtelel ora.

Deuteronomio 30:20

C'uxbin lac Yum Dios. Chʌn nich'tʌben i t'an, chʌn tsajcan. Come jiñʌch a cuxtʌlel yic'ot i ñajtesʌntel a jabilel. Che' jini xuc'ul mi caj a chumtʌl ya' ti lum mu' bʌ i yʌq'ueñet lac Yum che' bajche' tsi' sube a ñojte'elob, Abraham, yic'ot Isaac, yic'ot Jacob, che'en Moisés.

Filipenses 4:13

Ti Cristo mu' bʌ i p'ʌtesañon mi mejlel c mel pejtelel chuqui yom.

Hebreos 12:28

La' lac chʌn suben Dios wocolix i yʌlʌ cha'an woli la cochel ti' yumʌntel mach bʌ yujilic ñijcʌyel. La' lac ch'ujutesan Dios ti uts'at yic'ot pejtel lac pusic'al yic'ot bʌq'uen.

Hebreos 7:25

Jini cha'an mi mejlel i junyajlel coltan pejtel mu' bʌ i lʌc'tesañob i bʌ ba'an Dios ti' tojlel Jesús. Come chʌn cuxul ti pejtelel ora. Woli' chʌn tajob ti oración ti' tojlel Dios.