Genesis 16:7 - Chol: I T’an Dios

⁷ I yángel lac Yum tsi' taja Agar ba'an cuxul bʌ ja' ti jochol bʌ lum, jini cuxul bʌ ja' am bʌ ti' bijlel Shur.

Chol de Tumbalá Bible

⁷ I yángel lac Yum tsi' taja Agar ba'an cuxul bʌ ja' ti jochol bʌ lum, jini cuxul bʌ ja' am bʌ ti' bijlel Shur.

Jiñi Tsiji' bʌ Wen T'añ cha'añ Estudio

⁷ I yángel lac Yum tsi' taja Agar ba'añ cuxul bʌ ja' ti jochol bʌ lum, jiñi cuxul bʌ ja' am bʌ ti' bijlel Shur.

Genesis 16:7 Iomraidhean Croise

Genesis 20:1

Tsa' loq'ui Abraham ya'i. Tsa' majli c'ʌlʌ ti lum am bʌ ti sur. Tsa' poj chumle ti Gerar xinlʌpʌl ti ojlil Cades yic'ot Shur.

Genesis 21:17

Dios tsi' yubibe i t'an ch'iton. I yángel Dios ti panchan tsi' pejca Agar. Tsi' sube: ¿Chuqui wola' wubin? Mach a cha'len bʌq'uen, come Dios tsi' yubibe i t'an jini ch'iton ya' ba'an.

Genesis 21:18

La' teche ch'ojyel jini ch'iton. Tijicñesʌben i pusic'al, come mi caj c p'ojlesan cha'an mi' sujtel ti colem tejclum, che'en.

Genesis 21:19

Dios tsi' cambe i wut Agar. Tsi' q'uele pozo am bʌ i yʌ'bʌnlel. Tsa' majli. Tsi' but'u ja' ti pʌchi. Tsi' yʌq'ue i jap jini ch'iton.

Genesis 22:11

I yángel lac Yum am bʌ ti panchan tsi' pejca. Tsi' yʌlʌ: Abraham, Abraham, che'en. Tsi' jac'ʌ: Wʌ' añon, che'en.

Genesis 22:15

I yángel lac Yum tsi' pejca Abraham ti cha'yajlel. Tsa' loq'ui i t'an ti panchan.

Genesis 24:7

Lac Yum, jini Dios am bʌ ti panchan, tsa' bʌ i pʌyʌyon loq'uel ti' yotot c tat ya' tic lumal ba' tsa quila pañimil, jiñʌch tsa' bʌ i pejcayon, tsa' bʌ i yʌq'ueyon i t'an. Tsi' yʌlʌ: “Mi caj cʌq'uen a p'olbal ili lum”. Che' tsi' yʌlʌ Dios, che'en Abraham. Dios mi caj i choc majlel i yángel ti a tojel. Che' jini mux caj a c'ajtiben i yijñam calobil ya'i.

Genesis 25:18

Ya' chumulob i pi'ʌlob ti Havila c'ʌlʌl ti Shur am bʌ ti' tojel Egipto che' mi lac majlel ti Asiria. Ismael tsa' chumle ti' ts'ejtʌlel i pi'ʌlob ti' tojel i pasibal q'uin.

Genesis 31:11

I yángel Dios tsi' subeyon tic ñajal: “Jacob”, che'en. Tsa cʌlʌ: “Wʌ' añon”, cho'on.

Exodo 15:22

Moisés tsi' pʌyʌ majlel israelob. Tsi' cʌyʌyob jini Chʌchʌc bʌ Ñajb. Tsa' ochiyob ti colem bʌ i tiquiñal lum i c'aba' Shur. Uxp'ejl q'uin tsi' cha'leyob xʌmbal. Ma'anic tsi' tajayob ja'.

Exodo 3:2

I yAngel lac Yum tsi' pʌsʌ i bʌ ba'an Moisés ya' ba' woli ti lejmel c'ajc ba' wa'al alʌ te'. Tsi' q'uele woli ti lejmel jini alʌ te', pero ma'anic woli' jilel.

Proverbios 15:3

Lac Yum mi' pam q'uel pejtel ajñibʌl. Mi' q'uel jini jontolo' bʌ, mi' q'uel jini weño' bʌ.

1 Samuel 15:7

Saúl tsi' jisa majlel amalecob c'ʌlʌl ti Havila, c'ʌlʌl ti Shur, am bʌ ti' tojel Egipto ba' mi' pasel q'uin.