Genesis 16:5 - Chol: I T’an Dios

⁵ Sarai tsi' sube Abram: La' ochic ti a wenta ili wocol woli bʌ cubin. Tsa cʌq'ueyet Agar jini criada cha'an ma' pi'len. Che' bʌ tsi' q'uele cʌntʌbilix i yalobil, tsa' caji' ts'a'leñon. La' i melonla lac Yum, che'en Sarai.

Chol de Tumbalá Bible

⁵ Sarai tsi' sube Abram: La' ochic ti a wenta ili wocol woli bʌ cubin. Tsa cʌq'ueyet Agar jini criada cha'an ma' pi'len. Che' bʌ tsi' q'uele cʌntʌbilix i yalobil, tsa' caji' ts'a'leñon. La' i melonla lac Yum, che'en Sarai.

Jiñi Tsiji' bʌ Wen T'añ cha'añ Estudio

⁵ Jiñi cha'añ Sarai tsi' su'be Abram: —¡La' ochic ti a wenta ili wocol woli bʌ cu'bin! Tsa' cʌq'ueyet j criada Agar cha'añ ma' pi'len, pero che' bʌ tsi' q'uele cʌntʌbilix i yalobil, tsa' caji i ts'a'leñon. ¡La' i melonla lac Yum!

Genesis 16:5 Iomraidhean Croise

Genesis 16:4

Abram tsi' pi'le Agar. Tsa' caji i cʌntan i yalobil. Che' bʌ tsi' ña'ta woli' cʌntan i yalobil, tsa' caji' ts'a'len jini Sarai i co'.

Genesis 31:53

La' i melonla i Dios Abraham, i Dios c tat Nacor, i Dios lac ñojte'el, che'en Labán. Jacob tsi' wersa ac'ʌ i t'an ti' tojlel jini Dios tsa' bʌ i bʌc'ña i tat Isaac.

2 Cronicas 24:22

Che'ʌch tsa' ñajʌyi i cha'an jini rey Joás pejtel jini uts'at bʌ i melbal yic'ot i yutslel i pusic'al Joiada tsa' bʌ i cosa. Tsi' tsʌnsʌbe i yalobil. Che' woli ti chʌmel Zacarías tsi' yʌlʌ: C Yum, q'uelbeñob i mul, sutq'uibeñob, che'en.

Salmos 35:23

Wa'i' ti meloñel, C Dios, c Yum, tsictesañon ti toj.

Salmos 43:1

C Dios, meleyon. La' loq'uicon ti uts'at ti' tojlel jini mach bʌ anic mi' c'uxbiñet. Pʌyʌyon loq'uel ti' p'ʌtʌlel winicob yujilo' bʌ lot, jini yujilo' bʌ jontolil.

Salmos 7:8

Meleyon, c Yum, cha'an c melbal. Pʌsbeñob toj bʌ c pusic'al.

Exodo 5:21

Mich'ob jini caporalob. Tsi' yʌlʌyob: La' i meletla lac Yum come tsa'ix la' wʌc'ʌyon lojon ti ts'a'lentel ti' tojlel Faraón yic'ot ti' tojlel c pi'ʌlob lojon. Tsa'ix a techbe i mich'ajel Faraón cha'an mi' tsʌnsañon lojon, che'ob.

Jeremias 51:35

La' cha' sutq'uibentic che' bajche' tsi' melbeyonla ya' ti Jerusalén. La' i tojob i mul jini chumulo' bʌ ti Caldea, che'ob.

Juezob 11:27

Jini cha'an ma'anic c mul ti a tojlel, pero an a mul, come wolix a cha'len guerra tij contra lojon. Jini cha'an c Yum lojon jiñʌch mu' bʌ caj i melonla. La' i melonla bajche' yom, jini israelob, yic'ot ja'el jini amoñob”. Che' tsi' yʌlʌ Jefté, che'ob jini subonelob.

1 Samuel 24:16

Che' bʌ tsa' ujti ti t'an David, Saúl tsi' yʌlʌ: ¿Jim ba a t'an calobil David? che'en. Tsa' caji ti uq'uel.