Genesis 16:3 - Chol: I T’an Dios

³ Lujump'ejlix jab ya' chumul Abram ti' lumal Canaán. Sarai, i yijñam Abram, tsi' pʌyʌ Agar jini i criada ch'oyol bʌ ti Egipto. Sarai tsi' yʌq'ue Abram cha'an i pi'ʌl.

Chol de Tumbalá Bible

³ Lujump'ejlix jab ya' chumul Abram ti' lumal Canaán. Sarai, i yijñam Abram, tsi' pʌyʌ Agar jini i criada ch'oyol bʌ ti Egipto. Sarai tsi' yʌq'ue Abram cha'an i pi'ʌl.

Jiñi Tsiji' bʌ Wen T'añ cha'añ Estudio

³ Che' lujump'ejlix ja'b chumul Abram ti' lumal Canaán, Sarai i yijñam Abram, tsi' pʌyʌ Agar i criada ch'oyol bʌ ti Egipto, tsi' yʌq'ue Abram i ñoxi'al cha'añ mi' pi'len.

Genesis 16:3 Iomraidhean Croise

Genesis 16:16

Wʌcp'ejlix i jo'c'al (86) i jabil Abram che' bʌ tsi' yila pañimil Ismael i yalobil Abram yic'ot Agar.

Genesis 16:4

Abram tsi' pi'le Agar. Tsa' caji i cʌntan i yalobil. Che' bʌ tsi' ña'ta woli' cʌntan i yalobil, tsa' caji' ts'a'len jini Sarai i co'.

Genesis 16:5

Sarai tsi' sube Abram: La' ochic ti a wenta ili wocol woli bʌ cubin. Tsa cʌq'ueyet Agar jini criada cha'an ma' pi'len. Che' bʌ tsi' q'uele cʌntʌbilix i yalobil, tsa' caji' ts'a'leñon. La' i melonla lac Yum, che'en Sarai.

Genesis 25:6

Abraham tsi' yʌq'ueyob i majtan tac jini ch'iton bʌ i yalobilob i majan ijñamob. Che' cuxul to Abraham tsi' chocoyob loq'uel ti' tojlel Isaac, ti lum ya' ti' tojel i pasibal q'uin.

Genesis 28:9

tsa' majli Esaú ba'an Ismael. Tsi' pʌyʌ Mahalet i yalobil Ismael, i yalobil bʌ Abraham cha'an i yijñam. Che' añobix i yijñam, tsi' pʌyʌ yambʌ i c'aba' Mahalet i yijts'in Nebaiot.

Genesis 30:4

Jini cha'an Raquel tsi' yʌq'ue Jacob Bilha cha'an mi' pi'len. I criadajʌch Raquel. Jacob tsa' ajni yic'ot Bilha.

Genesis 30:9

Che' bʌ tsi' ña'ta Lea ma'anix woli' cʌntan i yalobil, tsi' pʌyʌ tilel Zilpa. Tsi' yʌq'ue Jacob cha'an i yijñam.

Genesis 32:22

Tsa' ch'ojyi Jacob ti ac'ʌlel. Tsi' pʌyʌ majlel jini cha'tiquil i yijñam yic'ot jini cha'tiquil x'ixic bʌ x'e'telob yic'ot junlujuntiquil ch'iton bʌ i yalobilob. Tsa' c'axiyob ti junwejl ja' i c'aba' Jaboc.

Genesis 35:22

Che' ya' chumul Israel ti ili lum, Rubén tsa' ñole yic'ot Bilha, yambʌ i yijñam i tat. Israel tsi' yubi chuqui tsi' mele. An lajchʌntiquil ch'iton bʌ i yalobilob Jacob.

2 Samuel 5:13

Che' bʌ tsa' loq'ui David ti Hebrón cha'an mi' chumtʌl ti Jerusalén, tsa' to i cha' pʌyʌ yan tac bʌ i yijñam David. Tsi' yila pañimil ch'iton bʌ yic'ot xch'oc bʌ i yalobilob.

1 Reyob 11:3

An jo'lujunc'al i cha'bajc' (700) i yijñam Salomón ti pejtelelob. Che' ja'el an jo'lujunc'al (300) i majan ijñam. I yijñamob Salomón tsa' caji i socbeñob i pusic'al cha'an mi' cʌy lac Yum.

Gálatas 4:25

Jini Agar i yejtalʌch wits ya' ti Arabia i c'aba' Sinaí yic'ot jini tejclum Jerusalén ba chuculob ti to'ol e'tel jini ya' bʌ chumulob mu' bʌ i ñopob i taj i coltʌntel ti' jac'ol mandar.