Genesis 16:2 - Chol: I T’an Dios

² Sarai tsi' sube Abram: Awilan, lac Yum tsi' yotsayon ti to'ol wa'al jach bʌ x'ixic. Yom ma' pi'len jini criada c cha'an. Tic'ʌl mi mejlel c taj calobil ti Agar. Che' tsi' yʌlʌ Sarai. Abram tsi' jac'be i t'an Sarai.

Chol de Tumbalá Bible

² Sarai tsi' sube Abram: Awilan, lac Yum tsi' yotsayon ti to'ol wa'al jach bʌ x'ixic. Yom ma' pi'len jini criada c cha'an. Tic'ʌl mi mejlel c taj calobil ti Agar. Che' tsi' yʌlʌ Sarai. Abram tsi' jac'be i t'an Sarai.

Jiñi Tsiji' bʌ Wen T'añ cha'añ Estudio

² Sarai tsi' su'be Abram: —Woli a q'uel cha'añ lac Yum Dios tsi' yotsayon ti to'ol wa'al jach bʌ x'ixic; jiñi cha'añ ti wocol t'añ mic su'beñet, yom ma' pi'len jiñi criada c cha'añ, tic'ʌl mi' mejlel c taj calobil ti Agar. Abram tsi' jac'be i t'añ Sarai.

Genesis 16:2 Iomraidhean Croise

Genesis 11:30

To'ol wa'al jach Sarai. Ma'anic i yalobil.

Genesis 17:16

Mi caj cʌq'uen Sara i yutslel c t'an. Mi caj cʌq'ueñet yic'ot Sara ch'iton bʌ la' walobil. Isujm mi caj cʌq'uen Sara i yutslel c t'an. Mi caj i pejcʌntel ti' ña' winicob ti cabʌl lum. An mu' bʌ caj i yochelob ti rey. Che' tsi' yʌlʌ Dios.

Genesis 18:10

Tsi' yʌlʌ: Isujm mi caj c cha' tilel che' mi' ts'ʌctiyel i yorajlel. Mi caj i yilan pañimil ch'iton bʌ i yalobil Sara a wijñam, che'en. Sara woli' ñich'tan ti' ti' otot ya' ti' pat.

Genesis 19:31

Jini chichʌl bʌ tsi' sube i yijts'in: Ñoxix lac tat. Ma'anix winic cha'an mi' pi'leñonla che' bajche' i tilel winicob ti pejtelel pañimil.

Genesis 20:18

Come lac Yum ma'anic tsi' yʌq'ueyob i cʌntan i yalobilob jini x'ixicob año bʌ ti' yotot Abimelec che' bʌ ya'to an Sara i yijñam Abraham.

Genesis 25:21

Isaac tsi' c'ajti i yalobil ti lac Yum, come ma'anic i yalobil. Lac Yum tsi' jac'ʌ. Tsa' caji i cʌntan i yalobil Rebeca i yijñam Isaac.

Genesis 3:12

Jini winic tsi' yʌlʌ: Jini x'ixic tsa' bʌ a wʌq'ueyon cha'an mi' yajñel quic'ot tsi' yʌq'ueyon i wut jini te'. Tsaj c'uxu, che'en.

Genesis 3:17

Dios tsi' sube Adán: Tsa' jac'be i t'an a wijñam. Tsa' c'uxu i wut jini te' tsa' bʌ c subeyet mach yomic ma' c'ux. Jini cha'an pujch'emix jini lum cha'añet. Wocol jax mi caj a taj i bʌl a nʌc' ti lum c'ʌlʌl ma' chʌmel.

Genesis 30:22

Dios tsi' ña'ta Raquel. Tsi' yʌq'ue i p'ʌtʌlel cha'an mi' cʌntan alʌl.

Genesis 30:6

Raquel tsi' yʌlʌ: Dios tsi' pʌsbeyon i yutslel. Tsi' jac'beyon c t'an. Tsi' yʌq'ueyon ch'iton bʌ calobil, che'en. Jini cha'an tsi' yotsʌbe i c'aba' Dan, “Mi' tsictesan lac tojel”.

Salmos 127:3

Awilan, la calobilob lac majtañʌch aq'uebilonla i cha'an lac Yum, Lac chobejtʌbalob tilemo' bʌ ti lac Yum.

Exodo 21:4

Mi tsi' taja i yijñam che' an ti' tojlel i yum, mi tsi' yila pañimil i yalobil, mi ch'iton mi xch'oc, mi caj i cʌytʌlob ti' tojlel i yum come i yum tsi' yʌq'ue i yijñam. I bajñel jach mi' loq'uel jini winic.

xRut 4:11

Pejtel ya' bʌ tempʌbilob ti' ti' tejclum yic'ot xñoxob año' bʌ i ye'tel tsi' subeyob: Testigojon lojon. La' i yʌq'uen lac Yum i p'olbal jini x'ixic woli bʌ a pʌy ti a wotot. La' ajñic che' bajche' Raquel yic'ot Lea, jini cha'tiquil tsa' bʌ i cosʌbeyob i yalobilob Israel. La' p'ojlic a chubʌ'an ti Efrata. La' tsictiyic a ñuclel ti Belén.