Genesis 15:16 - Chol: I T’an Dios

¹⁶ Jixcu a p'olbal jal mi caj i yajñelob ti yambʌ lum. Ti wi'il mi caj i cha' tilelob ilayi che' i yorajlelix mi cʌq'ueñob i toj i mul amorreojob che' cʌlʌxix, che'en lac Yum.

Chol de Tumbalá Bible

¹⁶ Jixcu a p'olbal jal mi caj i yajñelob ti yambʌ lum. Ti wi'il mi caj i cha' tilelob ilayi che' i yorajlelix mi cʌq'ueñob i toj i mul amorreojob che' cʌlʌxix, che'en lac Yum.

Jiñi Tsiji' bʌ Wen T'añ cha'añ Estudio

¹⁶ Che' ti' chʌnlajmlel a p'olbalob mi caj i cha' sujtelob tilel ilayi, jal mi caj i yajñelob ti yam bʌ lum, ti wi'il mi caj i cha' tilelob ilayi che' i yorajlelix mi cʌq'ueñob i toj i mul amorreojob che' cʌlʌxobix i jontolil.

Genesis 15:16 Iomraidhean Croise

Genesis 15:13

Lac Yum tsi' sube Abram: Yom ma' ña'tan muc'ʌch i yajñelob a p'olbal ti lum ba' mach i cha'añobic. Muc'ʌch i yochelob ti majtan e'tel ti' yum. Mi caj i yubiñob wocol jumbajc' jab.

Genesis 48:21

Israel tsi' sube José: I yorajlelix mic chʌmel. Dios mi caj i yajñel la' wic'ot. Mi caj i cha' pʌyetla majlel ti' lumal la' ñojte'elob.

Genesis 50:24

José tsi' sube i pi'ʌlob: I yorajlelix mic chʌmel. Isujm Dios mi caj i ña'tañetla cha'an mi' pʌyetla loq'uel ti ili lum. Mi caj i pʌyetla majlel ti lum tsa' bʌ i wersa subeyob Abraham yic'ot Isaac yic'ot Jacob cha'an mi caj i yʌq'ueñob, che'en José.

1 Reyob 21:26

Wen jontol bajche' tsi' mele. Tsi' ch'ujutesa jini dios tac che' bajche' tsi' meleyob jini amorreojob tsa' bʌ i jisayob lac Yum ti' tojlel israelob.

2 Reyob 21:11

Leco bajche' woli' mel Manasés jini rey ti Judá. Bi'iticax i melbal. Ñumen jontol bajche' jini amorreojob wʌ' bʌ chumulob ti ñaxan. Cabʌl tsi' yʌsa ti mulil jini año' bʌ ti Judá, come tsi' xiq'uiyob ti' c'uxbintel jini melbil tac bʌ diosob.

Salmos 105:43

Tsi' pʌyʌ loq'uel i cha'año' bʌ. Tijicñayob i pusic'al tsa' loq'uiyob. Jini yajcʌbilo' bʌ i cha'an tsi' cha'leyob c'ay.

Exodo 12:40

Jini israelob tsa' chumleyob ti Egipto jumbajc' yic'ot lujump'ejl i cha'c'al (430) jab.

Exodo 13:3

Moisés tsi' sube winicob x'ixicob: Ña'tanla jini q'uin che' bʌ tsa' loq'uiyetla ti Egipto ba' chucbiletla ti to'ol e'tel, come cha'an ti' p'ʌtʌlel lac Yum tsi' pʌyʌyetla loq'uel. Jini cha'an mach yomic mi la' c'ux waj am bʌ i levadurajlel che' ti jini q'uin.

Exodo 13:4

Jiñʌch jini q'uin ti marzo che' bʌ tsa' pʌjyiyetla loq'uel.

Daniel 8:23

Che' yomix jilel i yumʌntel ili yumʌlob, che' cabʌlix i jontolil winicob, mi caj i wa'chocontel juntiquil rey wen ch'ejl bʌ, wen p'ip' bʌ i jol.

Levitico 18:24

Mach yomic mi la' pʌc' la' bʌ ti jini mulil. Come che'ʌch mi' melob jini mach bʌ anic mi' cʌñob Dios. Jini cha'an mi caj c chocob loq'uel ti' lumal baqui mi caj la' wochel.

Deuteronomio 9:4

Che' bʌ tsa'ix i jisa jini winicob ti la' tojlel lac Yum, mach mi la' lon al ti la' pusic'al: “Cha'an weñonla jini cha'an tsi' pʌyʌyonla tilel lac Yum ilayi ti lum”. Mach che'ic yom mi la' lon al, come lac Yum Dios woli' choc loq'uel jini tejclumob cha'an wen jontolob.

Deuteronomio 9:5

Mach cha'anic tojetla mi cha'anic wen la' pusic'al mi caj la' wochel ti chumtʌl ti lum, pero cha'an jontolob. Jini cha'an lac Yum mi caj i chocob loq'uel ti la' tojlel cha'an mi' ts'ʌctiyel i t'an tsa' bʌ i wʌn subeyob la' ñojte'elob, Abraham yic'ot Isaac yic'ot Jacob.

1 Tesalonicenses 2:16

Jini judíojob woli' tic'on lojon ti subt'an ti' tojlel jini gentilob ame coltʌnticob. Tsa'ix ñumi ti p'is i mulob. Jini cha'an wolix i yubiñob i mich'ajel Dios mach bʌ yujilic lajmel.