Genesis 15:13 - Chol: I T’an Dios

¹³ Lac Yum tsi' sube Abram: Yom ma' ña'tan muc'ʌch i yajñelob a p'olbal ti lum ba' mach i cha'añobic. Muc'ʌch i yochelob ti majtan e'tel ti' yum. Mi caj i yubiñob wocol jumbajc' jab.

Chol de Tumbalá Bible

¹³ Lac Yum tsi' sube Abram: Yom ma' ña'tan muc'ʌch i yajñelob a p'olbal ti lum ba' mach i cha'añobic. Muc'ʌch i yochelob ti majtan e'tel ti' yum. Mi caj i yubiñob wocol jumbajc' jab.

Jiñi Tsiji' bʌ Wen T'añ cha'añ Estudio

¹³ Jiñi cha'añ lac Yum tsi' su'be: —Yom ma' ña'tan cha'añ a p'olbalob mi caj i yajñelob ti lum ba' mach i cha'añobic, mi caj i yochelob ti majtañ e'tel ti' yum, mi caj i yu'biñob wocol jumbajc' ja'b.

Genesis 15:13 Iomraidhean Croise

Genesis 15:16

Jixcu a p'olbal jal mi caj i yajñelob ti yambʌ lum. Ti wi'il mi caj i cha' tilelob ilayi che' i yorajlelix mi cʌq'ueñob i toj i mul amorreojob che' cʌlʌxix, che'en lac Yum.

Genesis 17:8

Mi caj cʌq'ueñet yic'ot a p'olbal pejtel i lumal Canaán ba' woliyet ti ñumel majlel. La' cha'añʌch ti pejtelel ora, come Dioson, che'en.

Genesis 47:4

Tsi' subeyob ja'el: Talon lojon ti poj chumtʌl lojon ti a lumal, come ma'anic lojon c jamil cha'an c tiñʌme' tac, come tsʌts jini wi'ñal ti' lumal Canaán. A winicon lojon. A wocolic la' chumlecon lojon ti' lumal Gosén, che'ob.

Salmos 105:42

Come tsi' ña'ta jini ch'ujul bʌ i t'an Tsa' bʌ i sube Abraham i winic.

Exodo 1:11

Jini cha'an tsi' wa'choco mayordomojob cha'an mi' tic'lañob ti al bʌ i cuch. Jini israelob tsi' melbeyob Faraón jini tejclum tac i c'aba' Pitón yic'ot Ramesés ba' mi' much'quiñob trigo.

Exodo 1:13

Tsi' tic'layob ti majtan e'tel, wen wocol bʌ.

Exodo 1:14

Tsi' yʌq'ueyob i ch'ijiyemlel i pusic'al cha'an tsʌts bʌ e'tel ti ladrillo yic'ot mezcla, yic'ot pejtel yambʌ e'tel ti cholel. Tsi' wersa ac'ʌyob ti wocol bʌ e'tel.

Exodo 2:24

Tsi' ña'ta jini xuc'ul bʌ t'an tsa' bʌ i yʌq'ue Abraham yic'ot Isaac yic'ot Jacob.

Exodo 22:21

Mach ma' lotin jini mach bʌ a pi'ʌlic ch'oyol bʌ ti yambʌ lum, come parte ba' ch'oyoletla che' bʌ ya' añetla ti Egipto.

Exodo 23:9

Mach yomic ma' tic'lan jini ch'oyol bʌ ti yambʌ lum. La' wujil bajche' yubil che' añetla ti yambʌ lum, come tsa' ajniyetla ti Egipto.

Exodo 3:10

La', mi caj c choquet majlel ba'an Faraón cha'an ma' pʌy loq'uel ti Egipto jini israelob, come c cha'añob, che'en.

Exodo 3:17

Mi cʌq'ueñetla c t'an. Mi caj c loc'sañetla ti Egipto ba' woliyetla ti wocol. Mi caj c pʌyetla ochel ti yambʌ lum, i lumal cananeojob yic'ot heteojob yic'ot amorreojob yic'ot ferezeojob yic'ot heveojob yic'ot jebuseojob, ba'an cabʌl lech yic'ot chab”, che'en. Che' yom ma' subeñob, che'en Dios.

Exodo 3:8

Tsa'ix jubiyon tilel cha'an mic loc'sañob ti jini lum cha'an mic pʌyob ochel ti wen bʌ lum ba'an cabʌl lech yic'ot chab. Jiñʌch i lumal cananeojob, yic'ot heteojob, yic'ot amorreojob, yic'ot ferezeojob, yic'ot heveojob yic'ot jebuseojob.

Levitico 19:34

Yom lajal mi la' q'uel jini ñajt bʌ tilem che' bajche' mero la' pi'ʌl. Yom c'ux mi la' wubin che' bajche' mi la' bajñel c'uxbin la' bʌ, come ti yambʌ ora ya' añetla ti Egipto ba' mach mero la' lumalic. Joñoñʌch la' Yumon la' Dioson.

Numeros 20:15

come tsa' jubiyob majlel c tat lojon ti Egipto. Cabʌl ora tsa' jal'ayob ya'i. Jini egiptojob p'ump'un tsi' tic'layob che' bajche' tsi' tic'layoñob lojon ja'el.

Hechos 7:17

Che' bʌ yomix c'otel i yorajlel cha'an mi' ts'ʌctiyel i t'an Dios che' bajche' tsi' sube Abraham, tsa' wen p'ojli i p'olbal Abraham ya' ti Egipto

Gálatas 3:17

Jiñʌch i sujmlel woli bʌ c sub: Dios tsi' wʌn subu cha'an mi caj i tilel Cristo. Che' ñumenix jumbajc' yic'ot lujump'ejl i cha'c'al (430) jab, tsi' yʌc'ʌ jini mandar. Jini mandar tsa' bʌ tili ti wi'il ma'anic tsi' jeme jini t'an tsa' bʌ i ñaxan alʌ.

Deuteronomio 10:19

Che'ʌch yom mi la' mel jatetla ja'el. Yom mi la' c'uxbin jini winicob parte bʌ i lumal, come ti yambʌ ora ya' chumuletla ti Egipto mach bʌ mero la' lumalic.

Deuteronomio 5:15

Yom ma' ña'tan mozojet ti yambʌ ora ti' lumal Egipto, pero lac Yum Dios tsi' loc'sayet yic'ot pejtelel i p'ʌtʌlel. Jini cha'an lac Yum Dios mi' wersa subeñet cha'an ma' c'aj a wo.