Genesis 14:7 - Chol: I T’an Dios

⁷ Tsa' sujtiyob. Tsa' c'otiyob ti Enmispat, jiñʌch Cades. Tsi' jisayob majlel i lumal amalecob yic'ot amorreojob chumulo' bʌ ti Hazezón Tamar.

Chol de Tumbalá Bible

⁷ Tsa' sujtiyob. Tsa' c'otiyob ti Enmispat, jiñʌch Cades. Tsi' jisayob majlel i lumal amalecob yic'ot amorreojob chumulo' bʌ ti Hazezón Tamar.

Jiñi Tsiji' bʌ Wen T'añ cha'añ Estudio

⁷ Ti wi'il tsa' sujtiyob, tsa' c'otiyob ti En-mispat, mu' bʌ i pejcʌntel ti Cades ja'el. Tsi' jisayob majlel i lumal amalecob yic'ot amorreojob chumulo' bʌ ti Hazezon-tamar.

Genesis 14:7 Iomraidhean Croise

Genesis 16:14

Jini cha'an tsi' yotsʌbe i c'aba' jini pozo Jini Cuxul Bʌ Mu' bʌ i Q'uelon. Xinlʌpʌl an ti ojlil Cades yic'ot Bered.

Genesis 20:1

Tsa' loq'ui Abraham ya'i. Tsa' majli c'ʌlʌ ti lum am bʌ ti sur. Tsa' poj chumle ti Gerar xinlʌpʌl ti ojlil Cades yic'ot Shur.

2 Cronicas 20:2

An majqui tsa' c'oti i suben Josafat: Ix tilelob cabʌl soldadojob ti a contra ch'oyolo' bʌ ti Siria. Awilan ya' añob ti junwejl ja' ya' ti Hazezon Tamar (am bʌ i cha'p'ejlel i c'aba' Engadi), che'en.

Ezequiel 47:10

Jini xchuc chʌyob mi caj i wa'tʌlob ti' ti' Chʌmen bʌ Ñajb ya' ti Engadi c'ʌlʌl ti Eneglaim. Mi caj i tiquesañob chimo' chʌy ti' ti' ja'. Cabʌl chʌy ti chajp ti chajp mi caj i yajñel ti Chʌmen bʌ Ñajb che' bajche' ti ñajb i c'aba' Mediterráneo.

Ezequiel 48:28

I cayajonlel Gad am bʌ ti sur mi' tejchel ya' ti Tamar, mi' majlel ti ja' i c'aba' Cades. Che' jini mi' tsajcan jini ñoj ja' i c'aba' Egipto c'ʌlʌl ti ñajb i c'aba' Mediterráneo.

Numeros 13:26

Tsa' cha' c'otiyob ti Cades am bʌ ya' ti colem bʌ i tiquiñal pañimil i c'aba' Parán. Tsi' subeyob Moisés yic'ot Aarón yic'ot pejtelel israelob bajche' yilal i lumal Canaán. Tsi' pʌsbeyob ja'el i wut jini pʌc'ʌbʌl tsa' bʌ i tajayob.

Numeros 14:43

Mi caj i jisañetla ti espada jini amalecob yic'ot cananeojob ya' ba' woli la' lon ña'tan majlel, cha'an tsa' la' cʌyʌ la' ñop lac Yum. Jini cha'an lac Yum tsa'ix i cʌyʌyetla. Che' tsi' yʌlʌ Moisés.

Numeros 14:45

Tsa' jubiyob tilel jini amalecob yic'ot jini cananeojob chumulo' bʌ ti wits. Tsi' contrajiyob. Tsi' yajñesayob c'ʌlʌl ti Horma.

Numeros 20:1

Tsa' c'otiyob pejtelel jini israelob ya' ti' tiquiñal pañimil i c'aba' Zin, jiñʌch ti abril che' bʌ tsa' cajiyob ti chumtʌl ti Cades. Ya' tsa' chʌmi Miriam. Ya'ix tsi' mucuyob.

Numeros 24:20

Balaam tsi' q'uele ja'el Amalec. Tsa' caji i sub: Jiñʌch tsa' bʌ lac ñaxan taja ti lac bijlel, pero mi caj i jisʌntel ti jini tal to bʌ q'uin, che'en. Tsi' q'uele ja'el ceneo. Tsa' caji i sub ja'el: Wen p'ʌtʌletla ya' ba' chumuletla. Wa'chocobil la' wotot ti xajlel.

Deuteronomio 1:19

Che' jini tsa' loq'uiyonla ti Horeb. Tsa' lac pam xʌñʌ jini bʌbʌq'uen bʌ i tiquiñal pañimil tsa' bʌ la' q'uele ya' ti bijlel amorreojob. Lac Yum tsi' chocoyonla majlel c'ʌlʌl tsa' c'otiyonla ti Cades Barnea.

Deuteronomio 1:46

Jini cha'an cabʌl ora tsa' cʌleyetla ti Cades.