Genesis 14:5 - Chol: I T’an Dios

⁵ Ti' chʌnlujump'ejlel (14) jab Quedorlaomer yic'ot jini uxtiquil reyob tsi' tempayob i bʌ ti guerra. Tsa' mʌjli i cha'añob ti' contra jini refajob ti Astarot Karnaim yic'ot jini zuzajob ti Ham yic'ot jini emijob ti Save Quiriataim,

Chol de Tumbalá Bible

⁵ Ti' chʌnlujump'ejlel (14) jab Quedorlaomer yic'ot jini uxtiquil reyob tsi' tempayob i bʌ ti guerra. Tsa' mʌjli i cha'añob ti' contra jini refajob ti Astarot Karnaim yic'ot jini zuzajob ti Ham yic'ot jini emijob ti Save Quiriataim,

Jiñi Tsiji' bʌ Wen T'añ cha'añ Estudio

⁵ Che' ti' chʌnlujump'ejlel (14) ja'b tsa' tili Quedorlaomer yic'ot jiñi uxtiquil reyob tsi' tempayob i bʌ ti guerra. Tsa' mʌjli i cha'añob ti' contra jiñi refaítajob am bʌ ti Astarot Karnaim yic'ot ti' contra zuzitajob am bʌ ti Ham, yic'ot ti' contra emitajob am bʌ ti Save-quiriataim,

Genesis 14:5 Iomraidhean Croise

Genesis 14:4

Mach chʌn yomobix i yumañob Quedorlaomer. Lajchʌmp'ejl (12) jab tsi' yumayob. Ti yuxlujump'ejlel (13) jab tsi' cʌyʌ i yumañob.

2 Samuel 23:13

Añob lujuntiquil i cha'c'al jini ñuco' bʌ i ye'tel. Che' ti' yorajlel c'ajbal tsa' tiliyob uxtiquil ba'an David ya' ti ch'en i c'aba' Adulam am bʌ ti joctʌl i c'aba' Refaim.

2 Samuel 5:18

Tsa' tiliyob jini filisteojob. Tsa' pam jijliyob ti joctʌl i c'aba' Refaim.

2 Samuel 5:22

Pero tsa' cha' tiliyob ti guerra jini filisteojob. Tsa' cha' ochiyob ti joctʌl i c'aba' Refaim.

1 Cronicas 11:15

Ti yambʌ ora uxtiquil loq'uemo' bʌ ti jini Lujuntiquil i Cha'c'al (30) winicob tsa' majliyob ba'an David che' ya'an ti puts'el ti jini ch'en am bʌ ti Adulam. Jini filisteojob woli' jijlelob ya' ti joctʌl cha'an Refaim.

1 Cronicas 14:9

Jini filisteojob woli' jisañob ñumel jini joctʌl bʌ lum i c'aba' Refaim.

1 Cronicas 4:40

Tsi' tajayob jini wen c'oc tac bʌ jamil baqui ñʌch'ʌl pañimil, pero jini lum tac i cha'añʌch i p'olbalob Cam. Jini cha'an che' ti' yorajlel jini rey Ezequías am bʌ ti Judá, jini yumʌlob tsi' wersa chilbeyob i p'olbalob Cam jini lum tac. Tsi' jisa tac i yotot. Tsi' tsʌnsayob jini ya' bʌ chumulob. Tsa' ochiyob ti' wenta.

Salmos 105:23

Tsa' c'oti Israel ya' ti Egipto. Tsa' chumle Jacob ti' lumal Cam.

Salmos 105:27

Tsi' pʌsʌyob i yejtal i p'ʌtʌlel lac Yum, yic'ot ñuc tac bʌ i p'ʌtʌlel lac Yum ya' ti' lumal Egipto.

Salmos 106:22

Tsi' pʌsʌ cabʌl i yejtal i p'ʌtʌlel ya' ti' lumal Cam, Yic'ot bʌbʌq'uen tac bʌ ya' ti Chʌchʌc bʌ Ñajb.

Salmos 78:51

Tsi' tsʌnsa pejtelel jini ascuñʌlo' bʌ ti jujump'ejl xchumtʌl am bʌ ti' lumal Egipto.

Isaias 17:5

Mi caj i cʌytʌl Israel che' bajche' cholel che' lotbilix i wut, che' bajche' juntejc cha'tejc ixim ya' ti joctʌl i c'aba' Refaim che' ujtemix c'ajbal.

Jeremias 48:1

Jiñʌch i t'an i Yum Panchan yic'ot Pañimil, i Dios Israel, ti' contra Moab: Obol i bʌ Nebo, jejmenix i yotot tac. Woliyob ti quisin Quiriataim yic'ot Misgab. Tsa'ix jili i p'ʌtʌlel.

Jeremias 48:23

yic'ot Quiriataim, yic'ot Betgamul yic'ot Betmeón,

Numeros 32:37

I yalobilob Rubén tsi' meleyob jini tejclum tac: Hesbón, Eleale, Quiriataim, Nebo, Baalmeón yic'ot Sibma. Tsa' cajiyob ti chumtʌl ya'i. (Jini israelob tsi' cha' q'uextʌbeyob lamital i c'aba' tac.)

Deuteronomio 1:4

Ujtemix i jisan jini Sehón i rey jini amorreojob tsa' bʌ i cha'le yumʌl ti Hesbón, yic'ot ja'el Og i rey jini año' bʌ ti Basán chumul bʌ ti Astarot. Tsi jisayob Og ya' ti Edrei am bʌ ti' junwejlel Jordán ti' lumal Moab. Moisés tsa' caji i tsictesʌbeñob jini mandar tac. Tsi' yʌlʌ:

Deuteronomio 3:11

Che' bʌ tsa' chʌmi jini rey Og chumul bʌ ti Basán, ma'anix tsa' cʌle chan bʌ winicob refimob. Melbil i wʌyib Og ti tsucu taq'uin, lotol to ti Rabá ti' wenta jini amoñob. An chʌmp'ejl metro i tamlel yic'ot cha'p'ejl metro i xujc.

Deuteronomio 3:13

I colojbal lum am bʌ ti Galaad yic'ot pejtelel i lumal Basán ba' tsi' cha'le yumʌl Og tsa cʌq'ueyob lamital i p'olbal Manasés. Ti wajali tsa' ajli ti' lumal refimob pejtelel jini lum Argob i c'aba' Basán.

Deuteronomio 3:20

Che' bʌ tsa'ix i yʌq'ueyob lac Yum i lum la' pi'ʌlob ba' mi' c'ajob i yo ti junwejl ja' che' bajche' tsi' yʌq'ueyetla la' lum wʌ' ti' tojel Jordán ja', che' jini mi mejlel la' cha' sujtel tilel ti la' wotot”. Che' tsac subeyetla.

Deuteronomio 3:22

Mach yomic ma' bʌc'ñañob, come lac Yum Dios mi' majlel a wic'ot ti guerra, cho'on.

Josue 12:4

Og jini yumʌl am bʌ ti Basán, juntiquil refaím tsa' bʌ colobaji, chumul bʌ ti Astarot yic'ot ti Edrei.

Josue 13:12

yic'ot pejtelel i lumal Og ya' ti Basán, ya' ba' tsi' cha'le yumʌl ti Astarot yic'ot ti Edrei. Jini jach Og tsa' cʌle ti' tojlel i pi'ʌlob jini refaíjob. Moisés tsa' mʌjli i cha'an. Tsi' laj chocoyob loq'uel.

Josue 13:19

Quiriataim, Sibma, Zaretsahar am bʌ ti bujtʌl ti ojlil jini joctʌl,

Josue 13:31

Ojlil jini Galaad, yic'ot Astarot yic'ot Edrei, jiñʌch i tejclum tac Og, yumʌl ti Basán. Tsa' aq'uentiyob lamital i yalobilob Maquir (i yalobil bʌ Manasés) che' bajche' c'amel i yotot tac.

Josue 9:10

yic'ot pejtelel tsa' bʌ i tumbeyob i yum amorreojob ya' ti junwejl jini Jordán ja' ba' mi' pasel q'uin, Sehón i yum Hesbón yic'ot Og i yum Basán am bʌ ti Astarot.