Genesis 13:8 - Chol: I T’an Dios

⁸ Abram tsi' sube Lot: Mach yomic mi lac cha'len leto come lac pi'ʌl lac bʌ. Mach i cha'leñob leto xcʌnta wacaxob lac cha'an.

Chol de Tumbalá Bible

⁸ Abram tsi' sube Lot: Mach yomic mi lac cha'len leto come lac pi'ʌl lac bʌ. Mach i cha'leñob leto xcʌnta wacaxob lac cha'an.

Jiñi Tsiji' bʌ Wen T'añ cha'añ Estudio

⁸ Jiñi cha'añ Abram tsi' su'be Lot: “Mach yomic mi lac cha'len leto, mi jiñic jax xcʌnta tʌñʌme' lac cha'añ yom mi' cha'leñob leto, come la queran lac bʌ.

Genesis 13:8 Iomraidhean Croise

Genesis 13:9

¿Mach ba jocholic pejtel ili lum ti' tojel a wut? Yom ma' tʌts' a bʌ ba' añon. Yajcan chuqui a wom. Mi a wom jini am bʌ ti lac ts'ej, mux c majlel ti lac ñoj. Mi a wom jini am bʌ ti lac ñoj, mux c majlel ti lac ts'ej, che'en Abram.

Genesis 14:14

Che' bʌ tsi' yubi Abram chucbilix majlel i yalobil i yʌscun, tsi' pʌyʌ majlel i winicob chajpʌbilo' bʌ i cha'an, tsa' bʌ i yilayob pañimil ti' yotot. Jo'lujunc'al yic'ot waxʌclujuntiquilob (318). Tsi' yajñesayob majlel i contrajob c'ʌlʌl ti Dan.

Genesis 45:24

Che' jini José tsi' choco majlel i yʌscuñob. Tsa' majliyob. Tsi' subeyob: Tsajiletmela ame mi la' mich'len la' bʌ ti bij, che'en José.

Genesis 46:34

mi caj la' wʌl: “A winicon lojon, xcʌntayajon lojon cha'an alʌc'ʌl c'ʌlʌl che' ch'itoñon to lojon, joñon lojon quic'ot c tat lojon”. Che'ʌch yom mi la' suben cha'an mi mejlel la' chumtʌl ti' lumal Gosén. Come ts'a'lebilob pejtelel xcʌnta alʌc'ʌl cha'an egiptojob, che'en.

Salmos 133:1

Uts'atax che' tijicña mi' tem ajñelob hermanojob.

Exodo 2:13

Che' ti yijc'ʌlal tsa' cha' loq'ui ti xʌmbal. Awilan, woli' jats'ob i bʌ cha'tiquil hebreojob. Moisés tsi' sube jini am bʌ i mul: ¿Chucoch wola' jats' a pi'ʌl? che'en.

Proverbios 15:1

Jini uts bʌ t'an mi' lajmesʌben i mich'ajel winic. Jini tsʌts bʌ t'an mi' yutsi techben i mich'ajel.

Proverbios 15:18

Jini mich' bʌ i pusic'al mi' tech leto, pero jini mach bʌ orajic mi' mich'an mi' lajmesan leto.

Proverbios 20:3

Ñucʌch jini winic mach bʌ yujilic a'leya. Tonto jini mu' bʌ i yotsan i bʌ ba' woliyob ti a'leya.

Mateo 5:9

Tijicñayob jini mu' bʌ i ñʌch'chocoñob xleto, come mi caj i sujbelob ti' yalobil Dios.

Hechos 7:26

Ti yijc'ʌlal Moisés tsi' pʌsʌ i bʌ ba'an i pi'ʌlob che' woliyob ti leto. Yom i lajmesan leto. Tsi' yʌlʌ: “Winicob, la' pi'ʌl la' bʌ. ¿Chucoch mi la' tic'lan la' bʌ?” che'en.

Romanos 12:10

C'uxbin la' bʌ come la' pi'ʌl la' bʌ, i yijts'iñetla Cristo. Yom ñumen ñuc mi la' q'uel la' pi'ʌlob bajche' mi la' bajñel q'uel la' bʌ.

Filipenses 2:14

Melela ti pejtelel la' pusic'al. Mach yomic mi la' cha'len wulwul t'an mi a'leya.

1 Tesalonicenses 4:9

Mach wersajic mic ts'ijbubeñetla bajche' yom mi la' c'uxbin la' bʌ, come cʌntesʌbiletla i cha'an Dios cha'an mi la' c'uxbin la' bʌ.

Hebreos 12:14

Chʌn cha'lenla wersa cha'an mi la' wajñel ti ñʌch'ʌl yic'ot pejtelel winicob x'ixicob. Ñopola ajñel ti ch'ujul, come jini mach bʌ ch'ujulic ma'anic mi caj i q'uel lac Yum.

Hebreos 13:1

Chʌn c'uxbin la' bʌ, come hermanojetla ti Cristo.

1 Pedro 1:22

Tsa'ix la' sʌq'uesa la' pusic'al ti' jac'ol i sujmlel. Jini cha'an mi la' c'uxbin la' wermanojob ti isujm. Wen c'uxbin la' bʌ ti jump'ejl la' pusic'al.

1 Pedro 2:17

Q'uelela ti ñuc pejtelel winicob x'ixicob. C'uxbin la' wermanojob. Bʌc'ñanla Dios. Q'uelela ti ñuc jini yumʌlob.

1 Pedro 3:8

Ti pejteletla yom junlajal la' pusic'al mi la' cha'len p'untaya. C'uxbin la' bʌ che' bajche' la' wijts'in la' bʌ. Yom uts la' pusic'al. Yom mi la' mel la' bʌ ti pec'.

1 Pedro 4:8

Yom mi la' wen c'uxbin la' bʌ. Jiñʌch ñumen ñuc bʌ, come che' mi laj c'uxbin lac pi'ʌlob mi laj cuch cabʌl mulil.

2 Pedro 1:7

Che' mi la' tsictesan Dios yom mi la' p'untan la' pi'ʌlob. Che' mi la' p'untañob yom mi la' c'uxbiñob.

1 Juan 4:7

C'uxbibilet bʌ la, la' laj c'uxbin lac bʌ ti lac pejtelel, come ch'oyol ti Dios jini c'uxbiya. Majqui mi' cha'len c'uxbiya, tsa'ix i yila pañimil ti Dios, i cʌñʌyʌch Dios.

Juezob 9:26

Jini Gaal (i yalobil Ebed) tsa' tili ti chumtʌl ti Siquem yic'ot i yerañob. Jini año' bʌ ti Siquem tsi' q'ueleyob ti ñuc.