Genesis 13:7 - Chol: I T’an Dios

⁷ Jini xcʌnta wacax i cha'an Abram tsi' cha'leyob leto yic'ot xcʌnta wacax i cha'an Lot. Ya'to chumulob jini cananeojob yic'ot ferezeojob.

Chol de Tumbalá Bible

⁷ Jini xcʌnta wacax i cha'an Abram tsi' cha'leyob leto yic'ot xcʌnta wacax i cha'an Lot. Ya'to chumulob jini cananeojob yic'ot ferezeojob.

Jiñi Tsiji' bʌ Wen T'añ cha'añ Estudio

⁷ Jiñi xcʌnta wacax i cha'añ Abram yic'ot xcʌnta wacax i cha'añ Lot tsa' cajiyob ti leto. (Ti jim bʌ ora ya' to chumulob jiñi cananeojob yic'ot ferezeojob ti jiñi lum.)

Genesis 13:7 Iomraidhean Croise

Genesis 10:19

I lumal cananeojob tsa' tejchi ti Sidón. Tsa' majli ti Gerar yic'ot ti Gaza yic'ot ti Sodoma, ti Gomorra, ti Adma, yic'ot ti Zeboim, c'ʌlʌ ti Lasa.

Genesis 12:6

Abram tsa' ñumi ti jini lum c'ʌlʌl ti Siquem ya' ba'an joctʌl i c'aba' More ba'an c'olol te'. Ya' chumulob i yalobilob Canaán.

Genesis 21:25

Abraham tsi' sube Abimelec: Mach uts'atic bajche' an a winicob come tsi' chilbeyoñob c pozo am bʌ i ya'lel, che'en.

Genesis 26:20

Jini xcʌnta wacax ch'oyolo' bʌ ti Gerar tsi' contrajiyob xcʌnta wacaxob i cha'an Isaac. Tsi' yʌlʌyob: C cha'añʌch lojon ili ja', che'ob. Isaac tsi' yotsʌbe i c'aba' ili pozo, Leto, come tsi' contrajiyob.

Genesis 34:30

Jacob tsi' sube Simeón yic'ot Leví: Cabʌlʌch c wocol cha'añetla. Tsa'ix la' wʌc'ʌyon ti ts'a'lentel ti' tojlel pejtel jini chumulo' bʌ ti ili lum, jini cananeojob yic'ot ferezeojob. Ma'anic jaytiquilonla. Wʌle mux caj i tempañob i bʌ tij contra cha'an mi' tsʌnsañonla. Mi caj i jats'onla. Che' jini mux caj lac jisʌntel, joñon quic'ot c pi'ʌlob, che'en.

Genesis 46:34

mi caj la' wʌl: “A winicon lojon, xcʌntayajon lojon cha'an alʌc'ʌl c'ʌlʌl che' ch'itoñon to lojon, joñon lojon quic'ot c tat lojon”. Che'ʌch yom mi la' suben cha'an mi mejlel la' chumtʌl ti' lumal Gosén. Come ts'a'lebilob pejtelel xcʌnta alʌc'ʌl cha'an egiptojob, che'en.

Nehemias 5:9

Tsac subeyob ja'el: Mach uts'atic chuqui woli la' mel. ¿Mach ba yomic mi la' mel chuqui uts'at cha'an mi la' bʌc'ñan Dios? Machiqui mi caj i ts'a'leñoñla laj contrajob ti yan tac bʌ lum.

Exodo 2:17

Tsa' tiliyob xcʌnta tiñʌme'ob. Tsa' caji' wets'ob jini xch'ocob. Pero Moisés tsi' colta jini xch'ocob. Tsi' yʌq'ueyob i jap ja' jini tiñʌme' i cha'añob.

Proverbios 20:3

Ñucʌch jini winic mach bʌ yujilic a'leya. Tonto jini mu' bʌ i yotsan i bʌ ba' woliyob ti a'leya.

Marcos 3:25

Mi tsi' t'oxoyob i bʌ ti leto jini chumulo' bʌ ti jump'ejl otot, mach mejlicob ti jalijel.

1 Corintios 3:3

Come woli to la' jac'ben i tsuculel la' pusic'al. Woli la' tsʌjyuben la' bʌ la' wenlel. Woliyetla ti leto. Woli la' t'ox la' bʌ ti t'an. Che' jini ¿mach ba wolic la' jac'ben i tsuculel la' pusic'al? ¿Mach ba lajalic woli la' cha'len che' bajche' i cha'año' bʌ pañimil?

Gálatas 5:20

Mi' ch'ujutesañob dios tac, mi' cha'leñob wujt, yujilob ts'a'leya yic'ot leto. Tsʌytsʌyña jax i pusic'al cha'an chubʌ'añʌl. Yujilob mich'ajel yic'ot a'leya. Mi' t'oxob i bʌ ti leto yic'ot ti yambʌ i ñopbal.

Colosenses 4:5

Ajñenla ti uts'at ti' tojlel jini mach bʌ ochemobic ti' t'an Dios. C'ʌñʌla ti ts'ʌcʌl jujump'ejl q'uin ti' tojlel Dios.

1 Tesalonicenses 4:12

cha'an toj mi la' wajñel ti' wut yaño' bʌ, cha'an ma'anic chuqui anto yom la' cha'an.

Tito 3:3

Come joñonla ja'el ti yambʌ ora ma'anic lac pusic'al, xñusa t'añonla, lotibilonla. Tsa' jach lac jac'be pejtelel i colosojlel lac pusic'al yic'ot yan tac bʌ yom bʌ lac pusic'al. Tsa' lac lon ñusa q'uin ti ts'a'leya yic'ot ti' tsʌytsʌyñʌyel lac pusic'al. Tsa' ts'a'lentiyonla. Tsa' lac ts'a'le lac bʌ.

Santiago 3:16

Ya' ba' tsʌytsʌyñayob i pusic'al winicob, ba' ñijcʌbilob i cha'an i ts'i'lel i wut, ya' mi' t'oxob i bʌ ti leto yic'ot jujunchajp jontolil.

Santiago 4:1

¿Chucoch woli la' t'ox la' bʌ ti a'leya? ¿Mach ba xic'bileticla cha'an i colosojlel la' pusic'al? Come mi' tejchel guerra ti la' pusic'al che' cha'p'ejl jax la' ña'tʌbal.

1 Pedro 2:12

Pʌsʌ la' bʌ ti uts'at ti' tojlel jini gentilob. Che' jini anquese mi' pʌq'uetla ti jontolil, mi caj i ña'tañob wen bʌ la' melbal che' mi' tsictiyel lac melbal ti lac pejtelel. Mi caj i subob i ñuclel Dios.