Genesis 13:18 - Chol: I T’an Dios

¹⁸ Jini cha'an Abram tsi' ch'ʌmʌ majlel pisil bʌ i yotot ya' ba'an c'olol te' ti Mamre am bʌ ti Hebrón. Ya'i tsi' melbe i pulʌntib i majtan lac Yum.

Chol de Tumbalá Bible

¹⁸ Jini cha'an Abram tsi' ch'ʌmʌ majlel pisil bʌ i yotot ya' ba'an c'olol te' ti Mamre am bʌ ti Hebrón. Ya'i tsi' melbe i pulʌntib i majtan lac Yum.

Jiñi Tsiji' bʌ Wen T'añ cha'añ Estudio

¹⁸ Jiñi cha'añ Abram tsi' ch'ʌmʌ majlel pisil bʌ i yotot, tsa' majli ti chumtʌl ya' ba'añ alʌ te'el, ti' lum Mamre am bʌ ti Hebrón, ya'i tsi' melbe i pulʌntib i majtañ lac Yum.

Genesis 13:18 Iomraidhean Croise

Genesis 13:4

ya' ba' tsi' mele i pulʌntib i majtan Dios. Tsi' pejca lac Yum ti' c'aba'.

Genesis 14:13

Juntiquil tsa' bʌ puts'i tsa' tili i suben Abram chuqui tsa' ujti. Hebreojʌch Abram. Ya'ʌch chumul ba' cabʌl c'olol te' i cha'an Mamre. Amorreojʌch Mamre. I yijts'iñʌch Escol yic'ot Aner. Ti yuxticlel tsi' coltayob Abram.

Genesis 18:1

Tsi' pʌsʌ i bʌ lac Yum ti' tojlel Abraham ba'an jini c'olol te' ya' ti Mamre. Ya' buchul Abraham ti' ti' pisil bʌ i yotot che' c'uxix q'uin.

Genesis 22:9

Tsa' c'otiyob ya' ba' tsi' yʌlʌ Dios. Abraham tsi' mele pulʌntib ya'i. Tsi' yotsʌbe i si'il. Tsi' cʌchʌ Isaac i yalobil. Tsi' ñolchoco ti' pam pulʌntib, ya' ti pam si'.

Genesis 26:25

Isaac tsi' wa'choco i pulʌntib i majtan Dios ya'i. Tsi' pejca lac Yum ti' c'aba'. Ya'i tsi' wa'choco pisil bʌ i yotot. I winicob Isaac tsi' piquiyob yambʌ pozo.

Genesis 35:27

Jacob tsa' c'oti ba'an Isaac i tat ya' ti Mamre, ya' ti Arba, jiñʌch Hebrón, ya' ba' tsa' ajniyob Abraham yic'ot Isaac ti ñaxan.

Genesis 37:14

I tat tsi' sube José: Cucu ti ora. Q'uele mi uts'at añob a wʌscuñob yic'ot tiñʌme'. Yom ma' cha' tilel cha'an ma' subeñon, che'en. Ya' chumul i tat José ti joctʌl i c'aba' Hebrón. Tsi' choco majlel José. Tsa' c'oti José ti Siquem.

Genesis 8:20

Noé tsi' melbe i pulʌntib i majtan lac Yum. Tsi' yajca sʌc bʌ alʌc'ʌl yic'ot sʌc bʌ mut ti jujunchajp. Tsi' yʌq'ue Dios pulbil bʌ i majtan ya' ti pulʌntib.

2 Samuel 2:1

Che' bʌ ujtemix pejtel iliyi, David tsi' pejca lac Yum: ¿Yom ba mic letsel majlel ti jump'ejl i tejclum Judá? che'en. Lac Yum tsi' sube: Cucu ti letsel, che'en. David tsi' cha' c'ajti: ¿Baqui yom mic majlel? che'en. Lac Yum tsi' sube: Yom ma' majlel ti Hebrón, che'en.

Salmos 16:8

Mic ñatan c Yum ti pejtelel ora. An ti ñoj bʌ j c'ʌb. Ma'anic majqui mi mejlel i tʌts'on ti' bijlel.

Numeros 13:22

Che' bʌ tsa' ñumiyob ti Neguev tsa' c'ʌlʌ c'otiyob ti Hebrón, ba' tsi' q'ueleyob i p'olbalob Anac ti mojt ti mojt, Ahimán yic'ot Sesai yic'ot Talmai. Wa'chocobilix Hebrón ti oniyi che' wucp'ejl to jab yom cha'an mi' wa'chocontel Zoán am bʌ ti Egipto.

1 Timoteo 2:8

Com mi' melob oración winicob baqui jach añob. La' i letsañob i c'ʌb ti' xuc'tʌlel i pusic'al. Mach yomic mich'ajel mi leto.

Hebreos 11:9

Cha'an tsi' ñopo Dios, Abraham tsa' chumle ya' ti jini yajcʌbil bʌ lum che' bajche' tsi' sube lac Yum. Ya' tsa' chumle ti' lumal yambʌ yumʌlob. Tsa' chumle ti pisil bʌ otot che' bajche' Isaac yic'ot Jacob tsa' bʌ aq'uentiyob jini jach bʌ t'an albil bʌ cha'an Dios.

Josue 14:13

Josué tsi' yʌq'ue i yutslel i t'an Caleb. Tsi' yʌq'ue i ch'ʌm jini lum am bʌ ti Hebrón.

Josue 15:13

Tsa' aq'uenti lum jini Caleb i yalobil Jefone ti' tojlel jini año' bʌ ti Judá che' bajche' lac Yum tsi' sube Josué. Jiñʌch Hebrón ya' ti' lum Quiriat Arba. Jini Arba i tatʌch jini anaceojob.