Genesis 13:16 - Chol: I T’an Dios

¹⁶ Mi caj c p'ojlesan a p'olbal che' bajche' jini ts'ubejn am bʌ ti lum. Mi an majqui mi' tsic jini ts'ubejn mi mejlel i tsic a p'olbal ja'el.

Chol de Tumbalá Bible

¹⁶ Mi caj c p'ojlesan a p'olbal che' bajche' jini ts'ubejn am bʌ ti lum. Mi an majqui mi' tsic jini ts'ubejn mi mejlel i tsic a p'olbal ja'el.

Jiñi Tsiji' bʌ Wen T'añ cha'añ Estudio

¹⁶ Mi caj c p'ojlesan a p'olbal che' bajche' i ts'u'bejñal lum. Mi añ majqui mi' mejlel i tsic i ts'u'bejñal lum, mi caj i mejlel i tsic a p'olbal ja'el.

Genesis 13:16 Iomraidhean Croise

Genesis 15:5

Lac Yum tsi' pʌyʌ loq'uel Abram ti jumpat. Tsi' yʌlʌ: Q'uele jini panchan. Tsiqui jini ec' mi tsa' mejli a tsic. Che'ʌch mi' caj ti p'ojlel a p'olbal, che'en lac Yum.

Genesis 17:16

Mi caj cʌq'uen Sara i yutslel c t'an. Mi caj cʌq'ueñet yic'ot Sara ch'iton bʌ la' walobil. Isujm mi caj cʌq'uen Sara i yutslel c t'an. Mi caj i pejcʌntel ti' ña' winicob ti cabʌl lum. An mu' bʌ caj i yochelob ti rey. Che' tsi' yʌlʌ Dios.

Genesis 17:2

Mi caj c wa'chocon xuc'ul bʌ c t'an a wic'ot. Mi caj cʌq'ueñet cabʌl a p'olbal. Mi caj a wochel ti' tat winicob x'ixicob ti mojt ti mojt ti cabʌl lum, che'en Dios. Abram tsi' pʌcchoco i bʌ.

Genesis 17:20

Jixcu Ismael, awilan, mi caj cʌq'uen i yutslel c t'an che' bajche' tsa' c'ajtibeyon. Mi caj c p'ojlesʌben i yalobil. Cabʌl mi' caj ti p'ojlel i yalobilob. Mi caj cʌq'uen lajchʌntiquil i yalobilob. Laj yumʌlob ti pejtelel. Jujuntiquil mi caj i sujtel ti colem tejclum yilal.

Genesis 17:6

Mi caj cʌq'ueñet cabʌl a p'olbal. Mi caj c p'ojlesan a p'olbal ti cabʌl lum. An mu' bʌ caj i yochelob ti rey.

Genesis 18:18

Come isujm mi caj i p'ojlel i yalobilob Abraham. Wen ñuc mi caj i yajñelob, wen p'ʌtʌlob ja'el. Pejtel winicob x'ixicob año' bʌ ti pañimil mi caj i tajob i yutslel c t'an ti Abraham.

Genesis 21:13

Mi caj c p'ojlesan i yalobil jini criada ja'el, come a p'olbalʌch, che'en.

Genesis 22:17

Mi caj c wen aq'ueñet cutslel. Mi caj c wen p'ojlesʌbeñet a p'olbal jinto lajal ti tsicol che' bajche' ec' am bʌ ti panchan, che' bajche' ji' am bʌ ti' ti' colem ñajb. Mi caj i cha'leñob yumʌl ti' tojlel i contrajob.

Genesis 26:4

Mi caj c p'ojlesan a p'olbal che' bajche' jini ec' ti panchan. Mi caj cʌq'uen a p'olbal pejtel ili lum. Ti' tojlel a p'olbal mi caj i yʌq'uentelob i yutslel c t'an winicob x'ixicob ti pejtelel pañimil

Genesis 28:14

Lajal ti tsicol mi caj i yajñel a p'olbal che' bajche' ts'ubejn. Mi caj i pam pujquelob ba' mi' bʌjlel q'uin yic'ot ba' mi' pasel q'uin, yic'ot ti norte yic'ot ti sur. Cha'añet yic'ot cha'an a p'olbal mi caj i yʌq'uentelob i yutslel c t'an winicob x'ixicob ti jujunmojt.

Genesis 28:3

La' i yʌq'ueñet i yutslel i t'an Dios, jini Mach Bʌ Anic i P'isol i P'ʌtʌlel. La' i yʌq'ueñet cabʌl a walobilob. La' i p'olbeñet a walobilob ti mojt ti mojt.

Genesis 32:12

Jatet tsa' subeyon: “Isujm mi caj cʌq'ueñet chuqui uts'at. Mi caj c p'ojlesan a walobilob che' bajche' jini ji' am bʌ ti colem ñajb mach bʌ mejlic ti tsicol”. Che' tsa' subeyon, che'en Jacob.

Genesis 32:13

Jacob tsi' ñusa ac'ʌlel ya'i. Tsi' tempʌbe i majtan Esaú loq'uem bʌ ti' chubʌ'an: Lujunc'al i ña'al chivo, yic'ot junc'al tat chivo, lujunc'al ña' tiñʌme' yic'ot junc'al tat tiñʌme', lujuncojt i cha'c'al camello yic'ot i yal, cha'c'al wacax yic'ot lujuncojt i tat, junc'al i ña'al burro yic'ot lujuncojt i yal.

Genesis 35:11

Dios tsi' sube: Joñon Dioson Mach bʌ Anic i P'isol c P'ʌtʌlel. La' p'ojlic a walobilob, la' wen ñuc'aquet. Mi caj i tilel ti jatet junmojt winicob x'ixicob. Mi caj i p'ojlelob ti mojt ti mojt. Mi caj i tejchelob reyob tilemo' bʌ ti a p'olbal.

Genesis 46:3

Tsi' yʌlʌ: Joñon Dioson, i Dioson a tat. Mach a bʌc'ñan majlel ti Egipto, come ya'i mi caj c wen p'ojlesan a walobilob.

1 Reyob 3:8

Wʌ' añon ti' tojlel a cha'año' bʌ yajcʌbilo' bʌ a cha'an. Wen cabʌlob. Mach mejlicob ti tsijquel cha'an cabʌlob.

1 Reyob 4:20

Ti ili ora cabʌlob jini winicob x'ixicob ti Israel yic'ot ti Judá. Cabʌl i chubʌ'an ja'el. Wen tijicñayob jax.

2 Reyob 13:23

Pero lac Yum tsi' pʌsbeyob i yutslel i pusic'al jini israelob. Ma'anic tsa' laj jiliyob. Tsi' p'untayob Dios come tsi' q'uele ti ñuc jini xuc'ul bʌ i t'an yic'ot i tatob. Tsi' chʌn ña'ta Abraham yic'ot Isaac yic'ot Jacob. Jini cha'an ma'anic tsi' junyajlel cʌyʌyob c'ʌlʌl wʌle.

1 Cronicas 21:5

Tsa' tajleyob ti Israel jump'ejl millón yic'ot jo'c'al mil (1,100,000) winicob mu' bʌ i mejlel ti majlel ti guerra. Ti Judá añob jumbajc' yic'ot lujump'ejl i chʌnc'al mil (470,000) mu' bʌ i majlelob ti guerra.

1 Cronicas 27:23

Pero David ma'anic tsi' ch'ʌmʌ ti tsic jini maxto bʌ anic junc'al i jabilel, come lac Yum Dios tsi' wʌn sube cha'an mi caj i p'ojlesan jini israelob che' bajche' ec' ti panchan.

2 Cronicas 1:9

Jini cha'an, c Yum Dios, ts'ʌctesan a t'an tsa' bʌ a sube c tat David, come tsa' wotsayon ti yumʌl ti' tojlel bajc'ʌl winicob x'ixicob lajal bʌ i yonlel bajche' ts'ubejn.

Job 5:25

Mi caj i q'uejlelob ti ñuc a walobilob. Mi caj i p'ojlelob che' bajche' jam.

Exodo 1:7

Tsa' wen p'ojliyob jini israelob. Wen cabʌlob. Wen p'ʌtʌlob. Ma'anix jochol bʌ lum ba'añob.

Exodo 32:13

Ña'tan Abraham yic'ot Isaac yic'ot Israel. Jiñʌch a winicob tsa bʌ a wʌq'ueyob a t'an che' bʌ tsa' wʌlʌ: “Joñon mi caj c p'ojlesan a p'olbal, che' lajal bajche ec' ti panchan. Mi caj cʌq'ueñob la' p'olbal ili lum baqui tsa' cʌlʌ. Mi caj i ch'ʌmob ti' wenta ti pejtelel ora”. Che' tsa' wʌlʌ, che'en Moisés.

Jeremias 33:22

Mi caj c p'ojlesʌben i p'olbal David, c winic, yic'ot jini levíob mu' bʌ i melob que'tel, cha'an lajal mi' yajñelob che' bajche' jini ec' ti panchan mach bʌ tsicbilic, yic'ot i ji'il ñajb mach bʌ p'isbilic, che'en.

Numeros 23:10

¿Majqui mi mejlel i tsicben i p'olbal Jacob? Lajalob bajche' i ts'ubeñal lum mach bʌ mejlic ti tsicol. Che' bajche' mi' chʌmelob jini tojo' bʌ, la' chʌmicon. Tijicñayon che' muq'uic c jilel che' bajche'ob. Che' tsi' yʌlʌ Balaam.

Deuteronomio 1:10

Come lac Yum Dios tsa'ix i wen p'ojlesayetla. Jini cha'an cabʌletixla che' bajche' jini ec' ti panchan.

Hebreos 11:12

Jini cha'an anquese wen ñoxix Abraham, tsa' ochi ti' tat cabʌl i p'olbal che' bajche' jini ec' am bʌ ti panchan, yic'ot i ji'il i ti' colem ñajb mach bʌ mejlic ti tsijquel.

Apocalipsis 7:9

Awilan, ti wi'il tsaj q'uele motocñayob winicob x'ixicob. Ma'anic majqui tsa' mejli i tsicob. Ch'oyolob ti pejtelel tejclum tac, ti jujunmojt winicob, ti pejtelel lum yic'ot ti pejtelel t'an tac. Wa'alob ti' tojel i buchlib Dios, ti' tojlel jini Tiñʌme', lʌpʌl i cha'añob pʌl bʌ i bujc sʌsʌc bʌ. An i yopol xan ti' c'ʌb.

Juezob 6:3

Che' bʌ tsi' cha'leyob pac', tsa' tiliyob madiañob yic'ot amalecob, yic'ot yaño' bʌ ch'oyolo' bʌ ti' pasibal q'uin cha'an mi' contrajiñob.

Juezob 6:5

Come motocña tsa' tiliyob yic'ot i wacax yic'ot pisil bʌ otot tac yic'ot camello. Jomocñayob che' bajche' sajc'. Tsa' tili i ch'ʌmob pejtelel chubʌ'añʌl ti jini lum.