Genesis 13:13 - Chol: I T’an Dios

¹³ Wen jontolob winicob ti Sodoma. An cabʌl i mul ti' wut lac Yum.

Chol de Tumbalá Bible

¹³ Wen jontolob winicob ti Sodoma. An cabʌl i mul ti' wut lac Yum.

Jiñi Tsiji' bʌ Wen T'añ cha'añ Estudio

¹³ Pero jiñi wiñicob x'ixicob año' bʌ ti Sodoma wen jontolob jax, tsi' cha'leyob ñuc tac bʌ mulil ti' contra lac Yum.

Genesis 13:13 Iomraidhean Croise

Genesis 10:9

Wen yujil ajñesa bʌte'el ti' tojlel lac Yum. Jini cha'an mi la cʌl: Che' bajche' Nimrod ñuc bʌ x'ajñesa bʌte'el ti' tojlel lac Yum, cho'onla.

Genesis 15:16

Jixcu a p'olbal jal mi caj i yajñelob ti yambʌ lum. Ti wi'il mi caj i cha' tilelob ilayi che' i yorajlelix mi cʌq'ueñob i toj i mul amorreojob che' cʌlʌxix, che'en lac Yum.

Genesis 18:20

Lac Yum tsi' sube: Junyajlel sojquem jini año' bʌ ti Sodoma yic'ot Gomorra. Cabʌlob i mul.

Genesis 19:13

Come mi caj c jisan lojon ili tejclum, come cabʌl jax i mul ili winicob ti Sodoma. Tsa' c'ʌlʌl c'oti i tuwel ti panchan. Lac Yum tsi' chocoyon lojon tilel cha'an mic jisan lojon ili tejclum, che'ob.

Genesis 38:7

Jontol ti' tojlel lac Yum jini Er. Lac Yum tsi' tsʌnsa.

Genesis 39:9

Ma'anic yambʌ ñuc bʌ ti' wenta c yum. Ma'anic chuqui tsi' loto ti' bajñel p'ʌtʌlel, cojach jatet, come i yijñamet. ¿Bajche' mi mejlel c cha'len jini ñuc bʌ mulil? ¿Bajche' mi mejlel c cha'len mulil ti' contra Dios? che'en.

Genesis 6:11

Jini año' bʌ ti pañimil tsi' socoyob i bʌ ti jontolil ti' wut Dios. Cabʌl tsa' p'ojli jontolil ti pañimil.

2 Reyob 21:6

Tsi' pulu juntiquil ch'iton bʌ i yalobil ti pulʌntib cha'an i majtan dioste'. Tsi' pejca xch'ʌcojelob. Tsi' wa'choco xwujtob yic'ot jini año' bʌ i ña'tʌbal tilem bʌ ti xiba. Tsi' yutsi mele chuqui tac leco ti' wut lac Yum. Tsi' techbe i mich'ajel lac Yum.

Isaias 1:9

Ts'ita jax tsa' cʌleyonla, mach oñonixla. Machic tsi' coltayonla i Yum Panchan yic'ot Pañimil, tsa' jisʌntiyonla che' bajche' Sodoma yic'ot Gomorra.

Jeremias 23:14

Pero ñumen cabʌl i jontolil jini x'alt'añob ti Jerusalén. Mi' cha'leñob ts'i'lel. Mi' mulañob lot. Mi' xic'ob ti mulil jini xmulilob cha'an mach mi' cʌyob i jontolil. Tsa' laj sujtiyob tic wut che' bajche' Sodoma yic'ot Gomorra. Jini cha'an ts'a' mij q'uelob.

Jeremias 23:24

¿Mach ba lu' q'uelelic c cha'an ti pejtelel pañimil? Ma'anic majqui mi mejlel i muc i bʌ ba' ma'anic mij q'uel, che'en lac Yum. Ma'anic ba' jochol panchan mi pañimil. Laj c chumlibʌch, che'en lac Yum.

Numeros 32:23

Pero mi mach che'ic tsa' la' mel, jiñʌch la' mul ti' contra lac Yum. Yom mi la' ña'tan che' jini, jini la' mul wersa mi caj i yʌq'uetla ti wocol.

Mateo 9:10

Che' buchul Jesús ti' t'ejl mesa ti otot, awilan, tsa' tiliyob cabʌl xch'ʌm tojoñelob yic'ot xmulilob. Tsa' buchleyob yic'ot Jesús yic'ot xcʌnt'añob i cha'an.

Mateo 9:13

Cucula. Ñopola i sujmlel jini t'an: “Com mi la' cha'len p'untaya, mach comic mi la' wʌq'ueñon c majtan”. Come ma'anic tsa' tili c pʌy jini tojo' bʌ i pusic'al. Tsa' tili c pʌy xmulilob cha'an mi' cʌyob i mul. Che' tsi' yʌlʌ Jesús.

Juan 9:24

Jini cha'an jini judíojob tsi' cha' pʌyʌyob tilel jini mach bʌ anic tsa' c'oti i wut ti yambʌ ora. Tsi' subeyob: Subu i ñuclel Dios. Cujil lojon xmulilʌch jini Jesús, che'ob.

Juan 9:31

La cujil ma'anic mi' yubiben i t'an xmulilob Dios. Mi an winic mu' bʌ i bʌc'nan Dios, mu' bʌ i cha'len chuqui yom Dios, Dios mi' yubiben i t'an jini winic.

Romanos 1:27

Che' ja'el winicob tsi' cʌyʌyob i c'ʌjñibal x'ixicob. Tsi' wʌlʌc pi'leyob i bʌ. Wo'ob jax ti' ts'i'lel. Quisintic jax bajche' tsi' meleyob laj bʌ winicob. Tsa' aq'uentiyob i tojol i mul che' bajche' an i jontolil.

Hebreos 4:13

Ma'anic mucul tac bʌ ti' wut Dios. Jamʌl ti' wut pejtel chuqui tac an. Wersa mi caj lac mel lac bʌ ti' tojlel jini mu' bʌ i lu' q'uel.

2 Pedro 2:10

Cojco jini mu' bʌ i jac'beñob i colosojlel i pusic'al yic'ot i bibi'lel, mu' bʌ i ts'a'leñob año' bʌ i ye'tel. Ch'ejl mi' melob i bʌ. Mi' melob bajche' jach yomob ti' bajñel pusic'al. Ma'anic mi' bʌc'ñañob i cha'len t'an ti' contra jini año' bʌ i ñuclel ti panchan.

Judas 1:7

Che' ja'el Sodoma yic'ot Gomorra, yic'ot yambʌ tejclum tac ti' joytʌlel, tsi' tajayob i yixic, tsi' wʌlʌc pejcayob i bʌ. Pero tsi' tojoyob i mul ti c'ajc mach bʌ anic mi' jilel. Jini cha'an yom mi lac chʌcʌ q'uel lac bʌ, come che'ʌch mi caj i jilelob mu' bʌ i socob i bʌ.

1 Samuel 15:18

Che' bʌ tsi' chocoyet majlel lac Yum, tsi' wersa subeyet cha'an ma' jac'ben i t'an. Tsi' subeyet: “Yom ma' laj jisan jini xmulilob ti' lumal Amalec jinto mi laj chʌmelob jini amalecob”.

1 Samuel 2:17

Wen ñuc i mul i yalobilob Elí ti' tojlel lac Yum come tsi' ts'a'lebeyob i majtan lac Yum.