Genesis 13:10 - Chol: I T’an Dios

¹⁰ Lot tsi' joy q'uele lum. Tsi' q'uele jini joctʌl i c'aba Jordán ba' tsa' ñumi colem ja' ya' ti' bijlel Zoar. Che'ʌch yilal bajche' i pʌc'ʌb lac Yum, che' bajche' jini lum ti Egipto, che' maxto anic tsi' jisa Sodoma yic'ot Gomorra jini lac Yum.

Chol de Tumbalá Bible

¹⁰ Lot tsi' joy q'uele lum. Tsi' q'uele jini joctʌl i c'aba Jordán ba' tsa' ñumi colem ja' ya' ti' bijlel Zoar. Che'ʌch yilal bajche' i pʌc'ʌb lac Yum, che' bajche' jini lum ti Egipto, che' maxto anic tsi' jisa Sodoma yic'ot Gomorra jini lac Yum.

Jiñi Tsiji' bʌ Wen T'añ cha'añ Estudio

¹⁰ Lot tsi' joy q'uele jiñi lum, tsi' q'uele jiñi joctʌl am bʌ ti Jordán ja', wen uts'atax c'ʌlʌl ti Zoar, come mi' bajñel ach'esan i bʌ yilal jiñi lum, che'ʌch yilal bajche' i pʌc'ʌb lac Yum am bʌ ti Edén, yic'ot che' bajche' jiñi lum am bʌ ti Egipto, che'ʌch añ che' maxto añic tsi' jisa lac Yum Sodoma yic'ot Gomorra.

Genesis 13:10 Iomraidhean Croise

Genesis 11:27

Jiñʌch i p'olbal Taré. Taré i tatʌch Abram yic'ot Nacor yic'ot Harán. Harán i tatʌch Lot.

Genesis 13:11

Lot tsi' yajca pejtel jini lum ti Jordán. Tsa' majli ti' tojel i pasibal q'uin. Tsi' cʌyʌyob i bʌ jini cha'tiquil.

Genesis 13:9

¿Mach ba jocholic pejtel ili lum ti' tojel a wut? Yom ma' tʌts' a bʌ ba' añon. Yajcan chuqui a wom. Mi a wom jini am bʌ ti lac ts'ej, mux c majlel ti lac ñoj. Mi a wom jini am bʌ ti lac ñoj, mux c majlel ti lac ts'ej, che'en Abram.

Genesis 14:8

Tsa' loq'ui i rey Sodoma yic'ot i rey Gomorra yic'ot i rey Adma yic'ot i rey Zeboim yic'ot i rey Bela, jiñʌch Zoar. Ya' ti joctʌl i c'aba' Sidim tsa' caji' techob guerra ti' contra Quedorlaomer, i rey Elam yic'ot ti' contra Tidal, i rey Goim, yic'ot ti' contra Amrafel, i rey Sinar, yic'ot ti' contra Arioc, i rey Elasar. An chʌntiquil reyob ti' contra jo'tiquil reyob.

Genesis 3:6

Tsi' q'uele jini x'ixic uts'at i wut jini te' cha'an mi' c'ux, i t'ojol jax. Tsi' q'uele an i c'ʌjñibal cha'an mi' yʌq'uen i ña'tʌbal. Tsi' tuc'u i wut. Tsi' c'uxu. Tsi' yʌq'ue i ñoxi'al. Tsi' c'uxu ja'el.

Genesis 6:2

Jini sajtemo' bʌ i yalobilob Dios tsi' q'ueleyob xch'oc bʌ i yalobilob winicob. I t'ojol jax tsi' q'ueleyob. Tsi' pʌyʌyob i yijñam che' bajche' jaytiquil tsi' mulayob.

Job 40:23

Che' mi' bujt'el ja' mach yujilic bʌq'uen, come wen ajñel mi' majlel. Mi tsi' wets'e jini Jordán ja' ti' tojel i wut, xuc'ul i pusic'al.

Salmos 107:34

Mi' sutq'uin ti pujch'em bʌ lum jini wen bʌ lum, Cha'an i jontolil jini ya' bʌ chumulob.

Isaias 15:5

Wen ch'ijiyem mi cubin cha'an i wocol jini año' bʌ ti Moab. Mi' puts'elob majlel c'ʌlʌl ti Zoar yic'ot ti Eglat. We'ecñayob mi' letselob majlel ya' ti' witsilel Luhit. Tsiquil i yuq'uel ti' i bijlel Horonaim, come talob jini yujilo' bʌ jisaya.

Isaias 51:3

Isujm mi caj c cha' aq'ueñob i tijicñʌyel i pusic'al jini israelob. Mi caj c cha' mel ti uts'at pejtel jini jejmenix bʌ ti' tojlel. Mi caj c sutq'uin jini tiquin bʌ lum ti wen bʌ lum cha'an uts'at mi' yʌc' i wut che' bajche' Edén i pʌc'ʌb la' Yum. Tijicñayob jini ya' bʌ añob. Mi caj i subeñoñob wocolix cʌlʌ. Cabʌl mi caj i cha'leñob c'ay.

Jeremias 48:34

Mi' cha'leñob c'am bʌ t'an ya' ti Hesbón yic'ot Eleale. C'ʌlʌl ti Jahaza woli' yubintel, ya' ti Zoar c'ʌlʌl ti Horonaim yic'ot ti Eglet ja'el. Woliyob ti uq'uel, come mi caj i tiquin i ya'lel jini colem ja' Nimrim.

Ezequiel 16:46

Jini ñaxan bʌ a chich jiñʌch Samaria ya' bʌ chumul yic'ot xch'oc bʌ i yalobilob ti' tojel norte. Jixcu la' wijts'in jiñʌch Sodoma yic'ot i yalobilob ya' bʌ chumulob ti' tojel sur.

Ezequiel 16:49

Awilan jiñʌch i mul a wijts'in ti Sodoma. Tsi' chañ'esa i bʌ, tsi' ñaj'esa i bʌ yic'ot cabʌl i bʌl ñʌc'ʌl. Ma'anix tsi' chʌn ñopo i mel chuqui uts'at, junlajal xch'oc bʌ i yalobilob. Ma'anic tsi' coltayob jini p'ump'uño' bʌ. Ma'anic tsi' p'ʌtesayob jini año' bʌ i wocol.

Ezequiel 28:13

Tsa' ajniyet ti Edén ya' ti' pʌc'ʌb lac Yum. Tsa' ch'ʌlʌ a bʌ yic'ot uts'at tac bʌ xajlel: jini cornerina, topacio, jaspe, crisólito, berilo, ónice, zafiro, carbunclo, esmeralda, chucbil bʌ ti oro. Tsa' laj aq'uentiyet che' bʌ tsa' mejliyet.

Ezequiel 31:8

Ñumen chan che' bajche' jini ch'ujte' tsa' bʌ i pʌc'ʌ Dios. Ma'anic yambʌ te' lajal bʌ i yopol yic'ot i c'ʌb. Mi junchajpic jini te' am bʌ ti' pʌc'ʌb Dios tsa' mejli i taj i t'ojlʌwel.

Ezequiel 31:9

Cha'an ti' caj i t'ojlʌwel tsʌytsʌyña i pusic'al pejtel jini te' tac ya' ti Edén pʌc'bil bʌ i cha'an Dios.

Ezequiel 47:18

I cayajonlel ba' mi' pasel q'uin mi' tejchel ya' ti Hazarenán. Mi' majlel ti wits i c'aba' Haurán ya' ti sur lʌc'ʌl ti ñajb i c'aba' Galilea. Ya'i mi' lux i bʌ cha'an mi' majlel c'ʌlʌl ti Jordán ja' ti' tojel i bʌjlibal q'uin. Mi' tsajcan i ti' jini Jordán ja' ba' jaxʌl Israel yic'ot Galaad. Mi' ñumel ba'an jini Chʌmen bʌ Ñajb c'ʌlʌl mi' c'otel ti Tamar.

Joel 2:3

Woli' ñumel c'ajc ya' ti' tojel i wutob. Woli ti lejmel c'ajc ya' ti' patob. Ya' ti jujunwejl i t'ojol jax jini lum che' bajche' jini pʌc'ʌbʌl ti Edén, pero mi caj i jisañob. Ma'anic chuqui mi caj i wis cʌytʌl.

Deuteronomio 34:3

yic'ot jini Neguev, yic'ot jini joctʌl Jordán, yic'ot Jericó ba'an cabʌl bonxan te', yic'ot i lum Zoar.