Genesis 13:1 - Chol: I T’an Dios

¹ Abram tsa' loq'ui ti Egipto. Tsa' tili ti jini lum am bʌ ti sur, yic'ot i yijñam, yic'ot pejtel i chubʌ'an, yic'ot Lot.

Chol de Tumbalá Bible

¹ Abram tsa' loq'ui ti Egipto. Tsa' tili ti jini lum am bʌ ti sur, yic'ot i yijñam, yic'ot pejtel i chubʌ'an, yic'ot Lot.

Jiñi Tsiji' bʌ Wen T'añ cha'añ Estudio

¹ Abram tsa' loq'ui ti Egipto, tsa' tili ti jiñi lum am bʌ ti Neguev, yic'ot i yijñam, yic'ot pejtelel i chu'bʌañ, yic'ot Lot.

Genesis 13:1 Iomraidhean Croise

Genesis 20:1

Tsa' loq'ui Abraham ya'i. Tsa' majli c'ʌlʌ ti lum am bʌ ti sur. Tsa' poj chumle ti Gerar xinlʌpʌl ti ojlil Cades yic'ot Shur.

Genesis 21:33

Abraham tsi' pʌc'ʌ cipreste' ya' ti Beerseba. Tsi' pejca lac Yum ti' c'aba', jiñʌch Dios Am bʌ ti Pejtelel Ora.

2 Samuel 24:7

Tsa' majliyob ti Tiro jini ts'ajquibil bʌ tejclum. Tsa' ñumiyob ba'an pejtelel i lumalob jini heveojob yic'ot jini cananeojob. Che' jini tsa' c'otiyob c'ʌlʌl ti Neguev ti Judá c'ʌlʌl ti Beerseba.

Numeros 13:17

Che' bʌ tsi' chocoyob majlel cha'an mi' q'uelob bajche' yilal jini lum Canaán, Moisés tsi' subeyob: Cucula ti' bijlel Neguev ba' mi la' letsel ti wits.

Josue 10:40

Che' bajche' iliyi Josué tsi' jisa pejtelel año' bʌ ti wits tac yic'ot ti Neguev, yic'ot ti joctʌl, yic'ot ti bujtʌl. Tsi' tsʌnsa pejtelel jini yumʌlob c'ʌlʌl jinto ma'anix majqui tsa' cʌle. Tsi' jisayob pejtelel jini cuxulo' bʌ, come che'ʌch tsi' yʌc'ʌ mandar lac Yum i Dios Israel.

Josue 18:5

Mi caj i t'oxob jini lum ti wucpejt. Judá mi caj i cʌytʌl ti' tojel jini sur. José mi caj i cʌytʌl ti' tojel jini norte.

1 Samuel 27:10

Che' bʌ tsi' c'ajtibe Aquis: ¿Baqui tsa' cha'le guerra sajmʌl? David tsi' jac'be: Ya' ti Neguev ti Judá, yic'ot ya' ti Neguev Jerameel, yic'ot ya' ti Neguev ba'an ceneojob, che'en.