Genesis 12:6 - Chol: I T’an Dios

⁶ Abram tsa' ñumi ti jini lum c'ʌlʌl ti Siquem ya' ba'an joctʌl i c'aba' More ba'an c'olol te'. Ya' chumulob i yalobilob Canaán.

Chol de Tumbalá Bible

⁶ Abram tsa' ñumi ti jini lum c'ʌlʌl ti Siquem ya' ba'an joctʌl i c'aba' More ba'an c'olol te'. Ya' chumulob i yalobilob Canaán.

Jiñi Tsiji' bʌ Wen T'añ cha'añ Estudio

⁶ Abram tsa' ñumi ti jiñi lum c'ʌlʌl tsa' c'oti ti Siquem ya' ba'añ colem te' am bʌ ti More. Ti jim bʌ ora ya' chumulob i yalobilob Canaán.

Genesis 12:6 Iomraidhean Croise

Genesis 10:15

Canaán jiñʌch i tat Sidón jini ñaxan bʌ i yalobil. I tatʌch Het ja'el, yic'ot jebuseojob, amorreojob, gergeseojob, heveojob, araceojob, sineojob, arvadiojob, zemareojob, hamateojob. Ti mojt ti mojt tsa' pam pujquiyob ti' lumal Canaán.

Genesis 13:7

Jini xcʌnta wacax i cha'an Abram tsi' cha'leyob leto yic'ot xcʌnta wacax i cha'an Lot. Ya'to chumulob jini cananeojob yic'ot ferezeojob.

Genesis 33:18

Uts'at tsa' c'oti Jacob ti tejclum i c'aba' Siquem ya' ti Canaán. Che' jini tsa' cha' juli tilel ti' lumal che' loq'uem ti Padanaram. Tsi' wa'choco pisil bʌ i yotot ya' ti' junwejl jini tejclum.

Genesis 34:2

Jini Siquem i yalobil Hamor, jini heveo, i yum jini lum, tsi' q'uele jini xch'oc. Tsi' pʌyʌ, tsa' ajni yic'ot, tsi' yʌc'ʌ ti quisin.

Genesis 34:30

Jacob tsi' sube Simeón yic'ot Leví: Cabʌlʌch c wocol cha'añetla. Tsa'ix la' wʌc'ʌyon ti ts'a'lentel ti' tojlel pejtel jini chumulo' bʌ ti ili lum, jini cananeojob yic'ot ferezeojob. Ma'anic jaytiquilonla. Wʌle mux caj i tempañob i bʌ tij contra cha'an mi' tsʌnsañonla. Mi caj i jats'onla. Che' jini mux caj lac jisʌntel, joñon quic'ot c pi'ʌlob, che'en.

Genesis 35:4

Tsi' yʌq'ueyob Jacob pejtelel i dioste' yic'ot i yuya' am bʌ ti' chiquin. Jacob tsi' mucu ti yebal c'olol lʌc'ʌl ti Siquem.

1 Reyob 12:1

Roboam tsa' majli ti Siquem ba' tsa' majliyob pejtelel israelob cha'an mi' wa'chocoñob ti rey.

1 Reyob 12:25

Jeroboam tsi' cha' wen mele jini ts'ajquibil bʌ tejclum Siquem am bʌ ti Efraín wits ya' ba' chumul. Ti wi'il tsi' cha' mele jini ts'ajquibil bʌ tejclum i c'aba' Penuel.

Salmos 60:6

Dios, tsa' wʌc'ʌ a t'an ti Ch'ujul bʌ Ajñibʌl: Mi' caj i mʌjlel c cha'an. Mi caj c t'oxe' Siquem. Mi caj c p'is jini joctʌl ya' ti Sucot.

Oseas 6:9

Mi' muchq'uiñob i bʌ cha'an mi' chijtañob winicob. Che'ʌch mi' melob motomajob ja'el ya' ti' bijlel Siquem. Wen yujilob tsʌnsa yic'ot xujch'.

Juan 4:5

Tsa' tili ti jump'ejl tejclum ti Samaria, i c'aba' Sicar, lʌc'ʌl ti' lum Jacob tsa' bʌ i yʌq'ue i yalobil, i c'aba' José.

Hechos 7:16

Tsa' q'uejchiyob majlel c'ʌlʌl ti Siquem ba' tsa' mujquiyob ti' yotlel ch'ujlelʌl mʌmbil bʌ i cha'an Abraham. Abraham tsi' tojbeyob ti taq'uin i yalobilob Hamor ya' ti Siquem.

Deuteronomio 11:30

Jiñʌch cha'p'ejl wits ti junwejl Jordán ba' mi' bʌjlel q'uin lʌc'ʌl ti Gilgal. An ti' t'ejl jini c'olol am bʌ ti More ya' ba' chumulob cananeojob año' bʌ ti Arabá.

Hebreos 11:9

Cha'an tsi' ñopo Dios, Abraham tsa' chumle ya' ti jini yajcʌbil bʌ lum che' bajche' tsi' sube lac Yum. Ya' tsa' chumle ti' lumal yambʌ yumʌlob. Tsa' chumle ti pisil bʌ otot che' bajche' Isaac yic'ot Jacob tsa' bʌ aq'uentiyob jini jach bʌ t'an albil bʌ cha'an Dios.

Josue 20:7

Tsi' yajcayob ili lum tac: Cedes am bʌ ti Galilea ya' ti wits i cha'an Neftalí, Siquem am bʌ ti wits i cha'an Efraín, Quiriat Arba (jiñʌch Hebrón) am bʌ ti wits i cha'an Judá.

Josue 24:32

I bʌquel José, tsa' bʌ i ch'ʌmʌyob loq'uel ti Egipto jini israelob, tsi' cha' mucuyob ya' ti Siquem. Tsi' mucuyob ti jini lum tsa' bʌ i mʌñʌ Jacob ti' tojlel i yalobilob Hamor. Hamor jiñʌch i tat Siquem. Jacob tsi' tojo ti jo'c'al tiñʌme'. Jini lum tsa' c'axi ti' wenta i p'olbal José.

Juezob 7:1

Che' ti yijc'ʌlal wen seb to tsa' ch'ojyi Jorobaal, jiñʌch Gedeón, yic'ot pejtelel jini winicob tsa' bʌ pʌjyiyob tilel. Tsa' majliyob c'ʌlʌl ti' loq'uib ja' ya' ti Harod. Ya' añob madiañob ti jini bujtʌl i c'aba' More.

Juezob 9:1

Jini Abimelec (i yalobil Jerobaal) tsajni ti Siquem ba'an i pi'ʌlob i ña'. Tsi' subeyob: