Genesis 12:3 - Chol: I T’an Dios

³ Mi caj c wen pejcan jini mu' bʌ i wen pejcañet. Mi caj c ts'a'len jini mu' bʌ i ts'a'leñet. Cha'añet mi caj i tajob i wenlel winicob x'ixicob ti jujunmojt ti pañimil, che'en lac Yum.

Chol de Tumbalá Bible

³ Mi caj c wen pejcan jini mu' bʌ i wen pejcañet. Mi caj c ts'a'len jini mu' bʌ i ts'a'leñet. Cha'añet mi caj i tajob i wenlel winicob x'ixicob ti jujunmojt ti pañimil, che'en lac Yum.

Jiñi Tsiji' bʌ Wen T'añ cha'añ Estudio

³ Mi caj cʌq'uen i wenlel jiñi mu' bʌ i yʌq'ueñet i yutslel i t'añ yic'ot jiñi mu' bʌ i ts'a'leñet, mi caj c ts'a'len; cha'añet mi caj i tajob i wenlel wiñicob x'ixicob ti jujunmojt ti pañimil.

Genesis 12:3 Iomraidhean Croise

Genesis 18:18

Come isujm mi caj i p'ojlel i yalobilob Abraham. Wen ñuc mi caj i yajñelob, wen p'ʌtʌlob ja'el. Pejtel winicob x'ixicob año' bʌ ti pañimil mi caj i tajob i yutslel c t'an ti Abraham.

Genesis 18:19

Cujilix Abraham mi caj i yʌq'ueñob mandar i yalobilob yic'ot pejtel año' ti' yotot yic'ot jini mu' bʌ caj i tilelob ti' yotot, cha'an mi' cha'leñob xʌmbal ti' bijlel i Yum, cha'an mi' melob chuqui tac uts'at yic'ot chuqui tac toj. Che' jini mux caj ti ts'ʌctiyel c t'an tsa' bʌ cʌlʌ ti' tojlel Abraham. Che' tsi' yʌlʌ lac Yum.

Genesis 22:18

Winicob x'ixicob ti pejtelel pañimil mi caj i yʌq'uentelob i wenlel c t'an ti' tojlel a p'olbal, cha'an tsa' jac'beyon c t'an, che'en lac Yum.

Genesis 24:35

Lac Yum tsi' wen aq'ue Abraham i yutslel i t'an. Cabʌlix i ñuclel. Lac Yum tsi' yʌq'ue cabʌl tiñʌme', yic'ot wacax, yic'ot plata, yic'ot oro, yic'ot x'e'telob, yic'ot criadajob, yic'ot camello, yic'ot burro.

Genesis 25:11

Che' chʌmenix Abraham, Dios tsi' yʌq'ue i yutslel i t'an Isaac i yalobil Abraham. Tsa' caji ti chumtʌl Isaac ba'an jini pozo i c'aba' Jini Cuxul Bʌ Mu' bʌ i Q'uelon.

Genesis 26:29

cha'an ma'anic ma' tic'lañon lojon, come ma'anic tsac tic'layet lojon ja'el. Uts'at pejtel tsa' bʌ c melbeyet. Ti' ñʌch'tʌlel a pusic'al tsac chocoyet lojon majlel. Wolix i yʌq'ueñet lac Yum i yutslel i t'an, che'en Abimelec.

Genesis 26:4

Mi caj c p'ojlesan a p'olbal che' bajche' jini ec' ti panchan. Mi caj cʌq'uen a p'olbal pejtel ili lum. Ti' tojlel a p'olbal mi caj i yʌq'uentelob i yutslel c t'an winicob x'ixicob ti pejtelel pañimil

Genesis 27:29

La' i yumañetob winicob ti mojt ti mojt. La' i c'uchchocoñob i bʌ jini tejclumob ti a tojlel. La' i yumañet a pi'ʌlob. La' i c'uchchocoñob i bʌ a wijts'iñob ti a tojlel. La' chojquicob loq'uel pejtel mu' bʌ i p'ajet. La' i tajob i yutslel Dios pejtel mu' bʌ i yʌq'ueñet i yutslel i t'an, che'en.

Genesis 28:14

Lajal ti tsicol mi caj i yajñel a p'olbal che' bajche' ts'ubejn. Mi caj i pam pujquelob ba' mi' bʌjlel q'uin yic'ot ba' mi' pasel q'uin, yic'ot ti norte yic'ot ti sur. Cha'añet yic'ot cha'an a p'olbal mi caj i yʌq'uentelob i yutslel c t'an winicob x'ixicob ti jujunmojt.

Genesis 30:27

Labán tsi' sube: Awocolic pʌsbeñon i yutslel a pusic'al. Mach a cʌyon come cujil wolix i yʌq'ueñon c wenlel lac Yum cha'an wola' coltañon, che'en.

Genesis 30:30

Come ts'ita jach a chubʌ'an che' bʌ tsa' juliyon. Wʌle wen p'ojlemix. Lac Yum tsi' yʌc'ʌ ti p'ojlel a chubʌ'an cha'an ti' caj que'tel. Wʌle yomix mic tajbeñob i chubʌ'an jini año' bʌ ti cotot, che'en.

Genesis 39:5

Ti jini ora che' bʌ tsa' aq'uenti i ye'tel ti xq'uel e'tel cha'an pejtel i chubʌ'an, tsa' caji ti p'ojlel i chubʌ'an jini egipto ti' yotot yic'ot ti' lum. Lac Yum tsi' yʌc'ʌ ti p'ojlel cha'an xuc'ul José.

Salmos 72:17

Chʌn an i p'ʌtʌlel i c'aba' ti pejtelel ora. Mux i sujbel i ñuclel che' anto q'uin. Mux i tajob i wenlel winicob x'ixicob ti pejtelel pañimil cha'an jini Rey. Mux caj i yʌlob uts'at i pusic'al.

Exodo 23:22

Mi uts'at mi la' jac'ben i t'an, cha'an mi la' mel che' bajche' tsi' subeyetla, mi caj j contrajin la' contrajob. Mi caj c tic'lan jini mu' bʌ i tic'lañetla.

Numeros 24:9

Mi' cha'leñob wʌyel che' bajche' bajlum. Bʌbʌq'uen che' mi' ñijcʌntel ch'ojyel i ña' bajlum. Tijicñayob pejtelel mu' bʌ i coltañob israelob, pero mux caj i tajob wocol jini mu' bʌ i p'ajob. Che' tsi' cha'le t'an Balaam.

Mateo 25:40

Jini Rey mi caj i subeñob: “Isujm mic subeñetla, che' bʌ tsa' la' colta juntiquil quermano, anquese mach ñuquic, tsa' la' coltayon ja'el”, che'en.

Mateo 25:45

Che' jini, mi caj i subeñob: “Isujm mic subeñetla, che' bʌ ma'anic tsa' la' colta juntiquil c cha'an bʌ anquese mach ñuquic, ma'anic tsa' la' coltayon”, che'en.

Lucas 24:27

Jesús tsa' caji i subeñob i sujmlel pejtelel i Ts'ijbujel Dios ba' tsa' tajle ti t'an c'ʌlʌl ti' jun Moisés c'ʌlʌl ti' jun pejtelel x'alt'añob.

Romanos 4:11

Ti wi'il tsa' tsepbenti i pʌchʌlel Abraham cha'an i yejtal yic'ot i sellojlel toj bʌ i pusic'al tsa' bʌ aq'uenti cha'an tsi' ñopo Dios che' maxto tsepbilic i pʌchʌlel. Jini cha'an tsa' ochi Abraham ti' tat pejtelelob mu' bʌ i ñopob Dios anquese mach tsepbilobic i pʌchʌlel, cha'an mi' q'uejlelob ti toj ja'el.

1 Corintios 1:30

Come Dios tsi' yʌq'ueyetla la' wajñel ti Cristo Jesús. Dios tsi' yʌq'ueyonla Cristo. Jiñʌch lac ña'tʌbal tilem bʌ ti Dios. Jiñʌch tsa' bʌ i yʌc'ʌyonla ti' wenta Dios, tsa' bʌ i q'ueleyonla ti toj. Jiñʌch tsa' bʌ i yʌc'onla ti libre.

Gálatas 3:16

Dios tsi' yʌq'ue Abraham yic'ot juntiquil i p'olbal jini albil bʌ t'an. Ma'anic tsi' yʌlʌ i p'olbalob, pero i p'olbal, come juntiquil jach, jiñʌch Cristo.

Gálatas 3:28

Mi judíojet, mi griegojet, mi añet ti a yum, mi to'ol che' jach añet, mi winiquet, mi x'ixiquet, ma'anic chuqui mi' cha'len, come juntiquilet jach la ti Cristo Jesús.

Gálatas 3:8

Wʌn ts'ijbubil ti' t'an Dios, mi caj i ñusʌbeñob i mul. Mi caj i yotsañob jini gentilob ti' wenta che' mi' ñopob Dios. Jini cha'an tsa' wʌn subenti Abraham jini wen t'an: “Ti a tojlel mi caj i tajob i wenlel pejtel tejclumob”.

Efesios 1:3

La' sujbic i ñuclel Dios, i Tat lac Yum Jesucristo tsa' bʌ i yʌq'ueyonla ti lac majtan ya' ti panchan pejtel chuqui uts'at ti Cristo.

Colosenses 3:11

Ti Cristo mach jelchojquic mi' q'uejlelob winicob x'ixicob mi griego, mi judío, mi tsepbil i pʌchʌlel, mi mach tsepbilic i pʌchʌlel, mi ñajt ch'oyolob, mi mach yujilic jun, mi an ti' yum, o mi ma'anic i yum, pero Cristo i Yumʌch pejtelel winicob yic'ot pejtelel chuqui tac an.

Apocalipsis 7:9

Awilan, ti wi'il tsaj q'uele motocñayob winicob x'ixicob. Ma'anic majqui tsa' mejli i tsicob. Ch'oyolob ti pejtelel tejclum tac, ti jujunmojt winicob, ti pejtelel lum yic'ot ti pejtelel t'an tac. Wa'alob ti' tojel i buchlib Dios, ti' tojlel jini Tiñʌme', lʌpʌl i cha'añob pʌl bʌ i bujc sʌsʌc bʌ. An i yopol xan ti' c'ʌb.