Genesis 12:2 - Chol: I T’an Dios

² Mi caj cʌq'ueñet cabʌl a p'olbal ti ñuc bʌ lum. Mi caj cʌq'ueñet a wenlel. Mi caj cʌc' ti cʌjñel a c'aba'. Mi caj i tajob i wenlel winicob x'ixicob ti pejtelel pañimil cha'añet.

Chol de Tumbalá Bible

² Mi caj cʌq'ueñet cabʌl a p'olbal ti ñuc bʌ lum. Mi caj cʌq'ueñet a wenlel. Mi caj cʌc' ti cʌjñel a c'aba'. Mi caj i tajob i wenlel winicob x'ixicob ti pejtelel pañimil cha'añet.

Jiñi Tsiji' bʌ Wen T'añ cha'añ Estudio

² Mi caj cʌq'ueñet ca'bʌl a p'olbal, mi caj cʌq'ueñet a wenlel, mi caj cʌc' ti cʌjñel a c'aba', yic'ot mi caj i tajob i wenlel wiñicob x'ixicob ti pejtelel pañimil cha'añet.

Genesis 12:2 Iomraidhean Croise

Genesis 13:16

Mi caj c p'ojlesan a p'olbal che' bajche' jini ts'ubejn am bʌ ti lum. Mi an majqui mi' tsic jini ts'ubejn mi mejlel i tsic a p'olbal ja'el.

Genesis 15:5

Lac Yum tsi' pʌyʌ loq'uel Abram ti jumpat. Tsi' yʌlʌ: Q'uele jini panchan. Tsiqui jini ec' mi tsa' mejli a tsic. Che'ʌch mi' caj ti p'ojlel a p'olbal, che'en lac Yum.

Genesis 17:20

Jixcu Ismael, awilan, mi caj cʌq'uen i yutslel c t'an che' bajche' tsa' c'ajtibeyon. Mi caj c p'ojlesʌben i yalobil. Cabʌl mi' caj ti p'ojlel i yalobilob. Mi caj cʌq'uen lajchʌntiquil i yalobilob. Laj yumʌlob ti pejtelel. Jujuntiquil mi caj i sujtel ti colem tejclum yilal.

Genesis 18:18

Come isujm mi caj i p'ojlel i yalobilob Abraham. Wen ñuc mi caj i yajñelob, wen p'ʌtʌlob ja'el. Pejtel winicob x'ixicob año' bʌ ti pañimil mi caj i tajob i yutslel c t'an ti Abraham.

Genesis 18:19

Cujilix Abraham mi caj i yʌq'ueñob mandar i yalobilob yic'ot pejtel año' ti' yotot yic'ot jini mu' bʌ caj i tilelob ti' yotot, cha'an mi' cha'leñob xʌmbal ti' bijlel i Yum, cha'an mi' melob chuqui tac uts'at yic'ot chuqui tac toj. Che' jini mux caj ti ts'ʌctiyel c t'an tsa' bʌ cʌlʌ ti' tojlel Abraham. Che' tsi' yʌlʌ lac Yum.

Genesis 19:29

Dios tsi' ña'ta Abraham che' bʌ tsi' jisa jini tejclum tac ti joctʌl. Tsi' choco loq'uel Lot ti yojlil ba' tsa' ñumi c'ajc che' bʌ tsi' jisa jini tejclum tac.

Genesis 24:1

Ñoxix Abraham. Cabʌl i jabilel. Lac Yum tsi' yʌq'ue i yutslel i t'an ti pejtelel chuqui tac tsi' mele.

Genesis 24:35

Lac Yum tsi' wen aq'ue Abraham i yutslel i t'an. Cabʌlix i ñuclel. Lac Yum tsi' yʌq'ue cabʌl tiñʌme', yic'ot wacax, yic'ot plata, yic'ot oro, yic'ot x'e'telob, yic'ot criadajob, yic'ot camello, yic'ot burro.

Genesis 25:11

Che' chʌmenix Abraham, Dios tsi' yʌq'ue i yutslel i t'an Isaac i yalobil Abraham. Tsa' caji ti chumtʌl Isaac ba'an jini pozo i c'aba' Jini Cuxul Bʌ Mu' bʌ i Q'uelon.

Genesis 26:3

Yom ma' wajñel ti jini lum maxto bʌ a cha'anic. Añon quic'otet. Mi caj cʌq'ueñet i yutslel c t'an. Mi caj cʌq'ueñet yic'ot a p'olbal pejtel ili lum. Mi caj c ts'ʌctesan jini t'an tsa' bʌ c sube Abraham a tat.

Genesis 26:4

Mi caj c p'ojlesan a p'olbal che' bajche' jini ec' ti panchan. Mi caj cʌq'uen a p'olbal pejtel ili lum. Ti' tojlel a p'olbal mi caj i yʌq'uentelob i yutslel c t'an winicob x'ixicob ti pejtelel pañimil

Genesis 27:29

La' i yumañetob winicob ti mojt ti mojt. La' i c'uchchocoñob i bʌ jini tejclumob ti a tojlel. La' i yumañet a pi'ʌlob. La' i c'uchchocoñob i bʌ a wijts'iñob ti a tojlel. La' chojquicob loq'uel pejtel mu' bʌ i p'ajet. La' i tajob i yutslel Dios pejtel mu' bʌ i yʌq'ueñet i yutslel i t'an, che'en.

Genesis 28:14

Lajal ti tsicol mi caj i yajñel a p'olbal che' bajche' ts'ubejn. Mi caj i pam pujquelob ba' mi' bʌjlel q'uin yic'ot ba' mi' pasel q'uin, yic'ot ti norte yic'ot ti sur. Cha'añet yic'ot cha'an a p'olbal mi caj i yʌq'uentelob i yutslel c t'an winicob x'ixicob ti jujunmojt.

Genesis 35:11

Dios tsi' sube: Joñon Dioson Mach bʌ Anic i P'isol c P'ʌtʌlel. La' p'ojlic a walobilob, la' wen ñuc'aquet. Mi caj i tilel ti jatet junmojt winicob x'ixicob. Mi caj i p'ojlelob ti mojt ti mojt. Mi caj i tejchelob reyob tilemo' bʌ ti a p'olbal.

Genesis 46:3

Tsi' yʌlʌ: Joñon Dioson, i Dioson a tat. Mach a bʌc'ñan majlel ti Egipto, come ya'i mi caj c wen p'ojlesan a walobilob.

2 Samuel 7:9

Tsa'ix ajniyon quic'otet baqui jach tsa' ñumiyet. Tsa'ix c jisa pejtelel winicob tsa' bʌ tiliyob ti a contra. Mi caj cʌc' ti cʌjñel a c'aba' ti' tojlel ñuc bʌ winicob ti pañimil.

Job 35:8

Pero mi an a mul ma' bajñel ac' a bʌ ti wocol cha'an a mul. Mi tojet ma' coltan winicob.

Salmos 107:38

Mi' p'ojlelob cha'an ti' yutslel i t'an lac Yum. Ma'anic mi' to'ol chʌmel i wacax.

Exodo 1:7

Tsa' wen p'ojliyob jini israelob. Wen cabʌlob. Wen p'ʌtʌlob. Ma'anix jochol bʌ lum ba'añob.

Exodo 32:10

Wʌle, la' to c pʌsbeñob c mich'ajel. La' quisañob. Mi caj c mel ñuc bʌ c tejclum ti a tojlel, che'en lac Yum Dios.

Ezequiel 34:26

Mi caj cʌq'ueñob cabʌl i yutslel c pusic'al ya' ba' chumulob ti' joytʌlel c wits. Mi caj cʌq'ueñob ja'al che' ti' yorajlel. Mi caj c choc tilel cabʌl i yutslel c pusic'al che' bajche' ja'al.

Miqueas 7:20

Mi caj a wʌq'ueñon lojon i yutslel a t'an che' bajche' tsa' sube Jacob ti wajali. Mi caj a c'uxbiñon lojon che' bajche' tsa' sube Abraham yic'ot yambʌ c ñojte'el lojon.

Zacarias 8:13

Ti yambʌ ora pam pujquemob i p'olbal Judá yic'ot Israel ti' tojlel yan tac bʌ tejclum tsa' bʌ i p'ajayetla. P'ump'uñetla. Pero wʌle mach chʌn che'ix. Mi caj j coltañetla cha'an mi la' taj pejtel chuqui yom. Jini cha'an mach la' chʌn cha'len bʌq'uen. Chʌn melela jini Templo, che'en lac Yum.

Numeros 14:12

Jini cha'an mi caj c jisañob ti c'amʌjel tac. Mi caj c chilbeñob i lum. Pero mi caj c wa'chocoñet ti' tojlel yaño' bʌ utso' bʌ i pusic'al. Mi caj c p'ojlesañet cha'an mi' tilel yambʌ tejclum ñumen cabʌl bʌ che' bajche' iliyi, che'en lac Yum.

Numeros 22:12

Lac Yum tsi' sube: Mach yomic ma' majlel a wic'otob. Mach a p'aj c winicob come tsa'ix cʌq'ueyob i yutslel c t'an, che'en lac Yum Dios.

Numeros 23:20

Awilan tsi' yʌq'ueyon tic wenta cha'an mi cʌq'ueñob i yutslel c t'an jini israelob. Come lac Yum tsa'ix i yʌq'ueyon i yutslel i t'an. Mach mejlic j q'uextan.

Romanos 4:11

Ti wi'il tsa' tsepbenti i pʌchʌlel Abraham cha'an i yejtal yic'ot i sellojlel toj bʌ i pusic'al tsa' bʌ aq'uenti cha'an tsi' ñopo Dios che' maxto tsepbilic i pʌchʌlel. Jini cha'an tsa' ochi Abraham ti' tat pejtelelob mu' bʌ i ñopob Dios anquese mach tsepbilobic i pʌchʌlel, cha'an mi' q'uejlelob ti toj ja'el.

Gálatas 3:14

Che'ʌch tsa' ujti cha'an mi' tajob i wenlel gentilob ja'el ti Cristo Jesús, che' bajche' Dios tsi' wʌn sube Abraham, cha'an mi lac laj aq'uentel jini Espíritu che' mi lac ñop.

Gálatas 3:7

Ña'tanla che' jini, pejtel mu' bʌ i ñopob Dios i yalobilobʌch Abraham.

Deuteronomio 26:5

Che' jini yom ma' sub a bʌ ti' tojlel lac Yum Dios: “Jini c tat jiñʌch arameo tsa' bʌ jubi majlel ti Egipto, yic'ot winico' bʌ i yalobilob che' wi'ñayobix, che' ma'anic jaytiquilob. Tsa' chumleyob ya'i jinto tsa' wen p'ojliyob. Tsa' ajniyob ti colem tejclum.