Genesis 12:18 - Chol: I T’an Dios

¹⁸ Faraón tsi' pʌyʌ tilel Abram. Tsi' yʌlʌ: Mach uts'atic bajche' tsa' melbeyon. ¿Chucoch ma'anic tsa' subeyon mi a wijñam jini x'ixic?

Chol de Tumbalá Bible

¹⁸ Faraón tsi' pʌyʌ tilel Abram. Tsi' yʌlʌ: Mach uts'atic bajche' tsa' melbeyon. ¿Chucoch ma'anic tsa' subeyon mi a wijñam jini x'ixic?

Jiñi Tsiji' bʌ Wen T'añ cha'añ Estudio

¹⁸ Jiñi cha'añ faraón tsi' pʌyʌ tilel Abram, tsi' su'be: “¿Chucoch tsa' melbeyon che' bajche' iliyi? ¿Chucoch ma'añic tsa' su'beyon mi a wijñam jiñi x'ixic?

Genesis 12:18 Iomraidhean Croise

Genesis 12:19

¿Chucoch tsa' wʌlʌ jiñʌch a wijts'in? Jini cha'an tsac pʌyʌ cha'an quijñam. Awilan, wʌ'an a wijñam. Pʌyʌ majlel. Cucu, che'en.

Genesis 20:3

Pero Dios tsi' sube Abimelec ti ñajal che' ti ac'ʌlel: Awilan, mi caj a chʌmel cha'an jini x'ixic tsa' bʌ a pʌyʌ, come i yijñamʌch winic.

Genesis 29:25

Ti sʌc'ajel Jacob tsi' q'uele jiñʌch Lea tsa' bʌ i pʌyʌ. Jacob tsi' sube Labán: ¿Chuqui tsa' melbeyon? Wucp'ejl jab tsac melbeyet a we'tel cha'an mic pʌy Raquel. ¿Chucoch tsa' lotiyon? che'en.

Genesis 3:13

Lac Yum Dios tsi' sube jini x'ixic: ¿Chuqui tsa' cha'le? che'en. Jini x'ixic tsi' yʌlʌ: Jini lucum tsi' lotiyon. Tsaj c'uxu, che'en.

Genesis 31:26

Labán tsi' sube Jacob: ¿Chucoch ma'anic tsa' subeyon che' bʌ tsa' loq'uiyet? ¿Chucoch tsa' puts'iyet yic'ot calobilob che' bajche' woli la' bʌc'ñan espada?

Genesis 4:10

Lac Yum tsi' yʌlʌ: ¿Chuqui tsa' cha'le? I ch'ich'el a wijts'in tsa' bʌ a tsʌnsa woli' c'ajtibeñon yubil cha'an mij q'uextʌbeñet a mul.

Genesis 44:15

José tsi' subeyob: ¿Chucoch tsa' la' xujch'ibeyon c taza? ¿Mach ba la' wujilic mi mejlel c ña'tan mucul tac bʌ come cabʌlʌch c pusic'al? che'en.

2 Samuel 3:24

Joab tsa' majli ba'an rey. Tsa' caji i yʌ'len: ¿Chuqui tsa' mele? Come wʌle tsa'ix tili Abner i pejcañet. ¿Chucoch tsa' wʌc'ʌ ti sujtel?

Exodo 32:21

Moisés tsi' sube Aarón: ¿Chuqui tsi' melbeyetob ili tejclum cha'an tsa' ch'ʌmʌ tilel ti' tojlelob ñuc bʌ mulil? che'en.

Proverbios 21:1

Jini Dios tsa' bʌ i melbe i bijlel ja' mi' ñijcʌben i pusic'al rey cha'an mi' mel chuqui yom Dios.

Josue 7:19

Che' jini Josué tsi' sube Acán: Calobil, suben i ñuclel lac Yum i Dios Israel. An a mul. Subeñon chuqui tsa' mele. Mach ma' muque'. Che' tsi' yʌlʌ Josué.

Juezob 2:2

Pero mach yomic mi la' laj la' t'an yic'ot chumulo' bʌ ti ili lum. Jembenla i yajñib i dioste', cho'on. Pero jatetla ma'anic tsa' la' jac'ʌ c t'an. ¿Chucoch tsa' la' cha'le bajche' iliyi?

1 Samuel 14:43

Saúl tsi' sube i yalobil: Subeñon chuqui tsa' mele, che'en. Jonatán tsi' tsictesa i bʌ: Isujm, tsa'ix c mula ts'ita' jini chab. Tsa cotsa ti quej i ni' te' chucbil bʌ c cha'an. Um ba' añon cha'an mic chʌmel, che'en.