Genesis 12:13 - Chol: I T’an Dios

¹³ Yom ma' subeñob: “Jiñʌch cʌscun”, che'et. Che'ʌch yom cha'an uts'at mi cajñel a wic'ot, ame i tsʌñsañoñob cha'an mi' pʌyetob, che'en Abram.

Chol de Tumbalá Bible

¹³ Yom ma' subeñob: “Jiñʌch cʌscun”, che'et. Che'ʌch yom cha'an uts'at mi cajñel a wic'ot, ame i tsʌñsañoñob cha'an mi' pʌyetob, che'en Abram.

Jiñi Tsiji' bʌ Wen T'añ cha'añ Estudio

¹³ Jiñi cha'añ su'beñob cha'añ jatet querañet, cha'añ uts'at mi cajñel a wic'ot; che' jiñi cuxul mi caj cajñel cha'añ a coltaya.”

Genesis 12:13 Iomraidhean Croise

Genesis 11:29

Abram yic'ot Nacor tsi' pʌyʌyob i yijñam. I c'aba' i yijñam Abram jiñʌch Sarai. I c'aba' i yijñam Nacor jiñʌch Milca, xch'oc bʌ i yalobil Harán. Harán jiñʌch i tat Milca yic'ot Isca.

Genesis 12:14

Che'ʌch tsa' ujti. Che' bʌ tsa' ochi Abram ti Egipto jini egiptojob tsi' q'ueleyob i t'ojol jax jini x'ixic.

Genesis 20:2

Abraham tsi' yʌlʌ: Jiñʌch quijti'an jini Sara, che'en, anquese i yijñamʌch. Abimelec jini rey ti Gerar tsi' choco majlel i winic. Tsi' pʌyʌ Sara.

Genesis 20:5

¿Mach ba anic tsi' yʌlʌ jiñʌch i yijti'an? Jini x'ixic ja'el tsabi yʌlʌ cʌscuñʌch ili winic. Ti' yutslel c pusic'al tsac pʌyʌ. Ma'anic c mul yubil, che'en Abimelec.

Genesis 26:7

Jini winicob ya' bʌ chumulob tsi' c'ajtibeyob Isaac majqui jini xch'oc Rebeca. Isaac tsi' yʌlʌ: Jiñʌch quijti'an, che'en, come tsi' bʌc'ña jini winicob ya' bʌ chumulob. Jini cha'an ma'anic tsi' yʌlʌ mi i yijñam, ame i tsʌnsañob cha'an mi' pʌyob Rebeca. Che'ʌch tsi' lon ña'ta ti' pusic'al, come i t'ojol jax Rebeca.

Isaias 57:11

¿Chucoch mach chʌn xuc'uletix quic'ot? ¿Majqui wola' bʌc'ñan? ¿Chucoch ma'anix ma' p'ison ti wenta? ¿Cha'an ba uts mic pʌs c bʌ ti a tojlel?

Jeremias 38:17

Jini cha'an Jeremías tsi' sube: Lac Yum jiñʌch i Dios Panchan yic'ot Pañimil, i Dios Israel. Lac Yum woli' yʌl: “Mi a wom a jac'on, ac'ʌ a bʌ ti' wenta jini yumʌlob chocbilo' bʌ tilel i cha'an i rey Babilonia. Che' jini mi caj a cuxtʌyel. Che' jini mach muq'uic i pulel ti c'ajc ili tejclum. Cuxul mi caj a wajñel temel yic'ot a pi'ʌlob año' bʌ ti a wotot.

Jeremias 38:20

Pero Jeremías tsi' sube: Ma'anic mi caj a wʌjq'uel ti' wenta. Jac'beñon wʌle. Mij c'ajtibeñet ti wocol t'an, come jiñʌch i t'an lac Yum woli bʌ c subeñet. Muq'uic a jac', tijicñayet mi caj a cuxtiyel.

Ezequiel 18:4

Come c cha'añetla ti la' pejtelel. Tsa cʌq'ueyob i cuxtʌlel jini tatʌlob yic'ot i yalobilob. Jini cha'an jini mu' bʌ i cha'len mulil i bajñel mi' caj ti chʌmel.

Juan 8:44

Jatetla i cha'añetla xiba. Jiñʌch la' tat. La' wom la' mel chuqui yom la' tat. Stsʌnsayajʌch jini xiba c'ʌlʌl ti' cajibal. Ma'anic tsa' chʌn ajni ti' sujmlel Dios, come ma'anic chuqui isujm ti' pusic'al xiba. Che' mi' cha'len lot i tilelʌch come xlot. Ya' ch'oyol ti xiba pejtelel lot.

Romanos 6:23

An i tojol mulil. Jini mu' bʌ i cha'leñob mulil wersa mi' chʌmelob, jiñʌch i tojol. Pero lac majtan ch'oyol bʌ ti Dios jiñʌch laj cuxtilel mach bʌ anic mi' jilel ti lac Yum Cristo Jesús.

Colosenses 3:6

Jini cha'an tal i mich'ajel Dios ti' tojlel jini mu' bʌ i ñusañob mandar.