Genesis 11:7 - Chol: I T’an Dios

⁷ Conla c socbeñob i t'an cha'an ma'anic mi' ch'ʌmbeñob isujm che' mi' pejcañob i bʌ, che'en lac Yum.

Chol de Tumbalá Bible

⁷ Conla c socbeñob i t'an cha'an ma'anic mi' ch'ʌmbeñob isujm che' mi' pejcañob i bʌ, che'en lac Yum.

Jiñi Tsiji' bʌ Wen T'añ cha'añ Estudio

⁷ Jiñi cha'añ conla ti ju'bel cha'añ mi lac socbeñob i t'añ cha'añ ma'añic mi' ch'ʌmbeñob isujm che' mi' pejcañob i pi'ʌlob.”

Genesis 11:7 Iomraidhean Croise

Genesis 1:26

Dios tsi' yʌlʌ: La' lac mel winic ti la quejtal, lajal bajche' joñonla. La' aq'uentic i p'ʌtʌlel jini winic cha'an mi' yum'an jini chʌy am bʌ ti ñajb, yic'ot jini mut mu' bʌ ti wejlel ñumel, yic'ot jini alʌc'ʌl ti pejtelel pañimil, yic'ot pejtelel jini jʌlʌcña bʌ mi' majlel ti lum, che'en.

Genesis 10:20

Jiñobʌch winic bʌ i yalobilob Cam ti jujump'ejl i yotot ti jujunchajp i t'an ti jujump'ejl i lumal ba' tsa' majliyob.

Genesis 10:32

Jiñobʌch i p'olbal winic bʌ i yalobilob Noé ti jujunmojt ti' lumal tac ba' tsa' majliyob. I tatobʌch pejtel winicob x'ixicob ti pañimil. Tsa' pam pujquiyob che' bʌ tsa' ñumi but'ja'.

Genesis 10:5

Jiñobʌch i ñojte'elob jini winicob x'ixicob tsa' bʌ pam pujquiyob ti lum tac ba'an colem ñajb. Tsa' pujquiyob ti jujump'ejl lum. Ti chajp ti chajp i t'an ti mojt ti mojt.

Genesis 11:5

Tsa' jubi tilel lac Yum i q'uel jini chan bʌ ts'ajc am bʌ ti tejclum tsa' bʌ i meleyob winicob.

Genesis 3:22

Lac Yum Dios tsi' yʌlʌ: Awilan, lajal jini winic che' bajche' joñonla. Cʌñʌl i cha'an chuqui tac uts'at yic'ot chuqui tac jontol. Wʌle bʌbʌq'uen mi' yotsan i c'ʌb i tuc'ben i wut jini te' mu' bʌ i yʌq'uen i cuxtilel, ame i c'ux cha'an mi' yajñel ti pejtelel ora, che'en.

Genesis 42:23

Tsi' lon ña'tayob ma'anic woli' ch'ʌmben isujm José, come ya'an i yaj ñusa t'an ti' tojlelob.

Job 12:20

Mi' chilbeñob i c'ʌjñibal jini wen yujilo' bʌ t'an. Mi' yʌc' ti asiyel i ña'tibal jini ñoxobix bʌ.

Salmos 2:4

Pero woli ti tse'ñal lac Yum ya' ti panchan. Woli' wajleñob.

Salmos 33:10

Lolom jach mi' temob i t'an jini gentilob, come lac Yum mi' contrajiñob. Lac Yum mi' yʌc' ti jilel chuqui mi' lon ña'tañob i mel winicob x'ixicob.

Salmos 55:9

Jisañob, c Yum. Socbeñob i t'an jini winicob cha'an mach mʌjlic i cha'añob. Come q'uelel c cha'an jini jontolil yic'ot jini leto am bʌ ti tejclum.

Exodo 4:11

Jini cha'an lac Yum tsi' sube: ¿Majqui tsi' melbe i yej winic? ¿Majqui mi' melben i yej x'uma' yic'ot i chiquin xcojc yic'ot i wut xpots'? ¿Mach ba joñonic a Yum?

Isaias 33:19

Pero ma'anix mi caj a chʌn q'uel jini xjontolilob parte bʌ i t'an tsa' bʌ i bʌc'tesayet. Ma'anic tsa' ch'ʌmbe isujm jini bes bʌ i t'añob.

Isaias 6:8

Che' jini tsa cubibe i t'an lac Yum woli bʌ i yʌl: ¿Majqui mi caj c choc majlel ba'an c cha'año' bʌ? ¿Majqui yom majlel i sub c t'an? che'en. Joñon tsac jac'ʌ: Um ba' añon c Yum. Chocoyon majlel, cho'on.

Jeremias 5:15

Awilan wolic pʌy tilel winicob ñajt bʌ chumulob. Talob i contrajiñet, Israel, che'en lac Yum. Añob i p'ʌtʌlel ti wajali c'ʌlʌl wʌle. Yambʌyʌch i t'an mach bʌ a wujilic. Ma'anic ma' ch'ʌmben isujm.

1 Corintios 14:23

Che' mi la' tempan la' bʌ xñopt'añet bʌ la, mi ti jujuntiquiletla mi la' cha'len t'an ti yan tac bʌ t'an, ¿chuqui mi caj i yʌlob jini mach bʌ cʌntesʌbilobic yic'ot jini mach bʌ anic mi' ñopob? ¿Mach ba muq'uic caj i yʌlob sojquem la' jol?

Deuteronomio 28:49

Lac Yum mi caj i pʌy tilel yambʌ tejclum wen ñajt bʌ chumul ti yambʌ lum. Lajal bajche' xiye' mi caj i tilel i xujch'iñet majlel. Yañʌch bʌ i t'an jini winicob.