Genesis 10:5 - Chol: I T’an Dios

⁵ Jiñobʌch i ñojte'elob jini winicob x'ixicob tsa' bʌ pam pujquiyob ti lum tac ba'an colem ñajb. Tsa' pujquiyob ti jujump'ejl lum. Ti chajp ti chajp i t'an ti mojt ti mojt.

Chol de Tumbalá Bible

⁵ Jiñobʌch i ñojte'elob jini winicob x'ixicob tsa' bʌ pam pujquiyob ti lum tac ba'an colem ñajb. Tsa' pujquiyob ti jujump'ejl lum. Ti chajp ti chajp i t'an ti mojt ti mojt.

Jiñi Tsiji' bʌ Wen T'añ cha'añ Estudio

⁵ pejtelel iliyob, jiñobʌch wiñicob x'ixicob tsa' bʌ chumleyob ya' ti ti' tac mar, tsa' pujquiyob majlel ti' chajp ti' chajp yic'ot tsa' majliyob ti' mojt ti' mojt che' bajche' jay chajp mi cha'leñob t'añ.

Genesis 10:5 Iomraidhean Croise

Genesis 10:20

Jiñobʌch winic bʌ i yalobilob Cam ti jujump'ejl i yotot ti jujunchajp i t'an ti jujump'ejl i lumal ba' tsa' majliyob.

Genesis 10:25

Heber jiñʌch i tat cha'tiquil winicob. Juntiquil i c'aba' Peleg, “T'oxbil”, come tsa' cajiyob ti ajñel winicob x'ixicob ti mojt ti mojt ti pañimil ti' yorajlel Peleg. An i yijts'in Joctán i c'aba' Peleg.

Genesis 10:32

Jiñobʌch i p'olbal winic bʌ i yalobilob Noé ti jujunmojt ti' lumal tac ba' tsa' majliyob. I tatobʌch pejtel winicob x'ixicob ti pañimil. Tsa' pam pujquiyob che' bʌ tsa' ñumi but'ja'.

Genesis 10:4

Jiñobʌch ch'iton bʌ i yalobilob Javán: Elisa, Tarsis, Quitim, Dodanim.

Genesis 10:6

Jiñobʌch ch'iton bʌ i yalobilob Cam: Cus, Mizraim, Fut, Canaán.

Genesis 9:19

Jiñobʌch i yalobilob Noé. Uxtiquil winicob. I ñojte'elobʌch pejtel winicob x'ixicob ti pañimil.

Ester 10:1

Jini rey Asuero tsi' ch'ʌmʌ tojoñel ti pejtelel lum c'ʌlʌl ti' ti' colem ja'.

Salmos 72:10

Jini reyob año' bʌ ti' ti' colem ñajb mi caj i yochelob ti' wenta. Jini reyob ti Tarsis, yic'ot ti Sabá, yic'ot ti Seba mi caj i ch'ʌmbeñob tilel i majtan.

Isaias 11:11

Ti jim bʌ ora lac Yum mi caj i cha' sʌts' i c'ʌb cha'an mi' pʌy tilel i cha'año' bʌ tsa' bʌ cʌleyob ti Asiria, yic'ot ti Egipto, yic'ot ti Patros, yic'ot ti Etiopía, yic'ot ti Elam, yic'ot ti Sinar, yic'ot ti Hamat, yic'ot ti lum tac joyol bʌ ti colem ja' ti' ñajtilel pañimil.

Isaias 24:15

Jini año' bʌ ba' mi' pasel q'uin mi caj i subob i ñuclel Dios. C'ʌlʌl ti ñajtʌl tsiquil i t'an i c'ay tac jini woli bʌ i c'ʌyiñob i ñuclel jini Toj Bʌ. Pero ch'ijiyemon, come anto jontolil yic'ot lot ti petol pañimil.

Isaias 40:15

Come lac Yum mi' q'uel pejtel winicob ti' petol pañimil che' bajche' junchʌjc' ja' mu' bʌ i yajlel ti yopom. Lajalob bajche' ts'ita' ts'ubejn ti balanza. Mi' ch'uy letsel jini lum joyol bʌ ti ja' che' bajche' ts'ubejn.

Isaias 41:5

Jini año' bʌ ti' ti'il colem ja' tsi' q'ueleyob jini bʌbʌq'uen bʌ. Tsi' wen bʌc'ñayob jini wocol woli bʌ i tilel ti' tojlelob. Jini ñajt bʌ ch'oyolob tsa' toj sajtiyob i pusic'al.

Isaias 42:10

C'ʌyinla lac Yum ti tsiji' bʌ c'ay. La' ñuq'uesʌntic i c'aba' c'ʌlʌl ti ñajt bʌ pañimil. Ñuq'uesʌbenla i c'aba' lac Yum pejtel añet bʌ la ti colem ñajb, yic'ot ti' ti'il jini ñajb.

Isaias 42:4

Ma'anic mi' caj ti lujb'an. Anquese jal to mi' mel winicob pero mi caj i melob ti isujm. Toj mi caj i yujtel meloñel ti pañimil. Jini año' bʌ ti' t'ejl colem ñajb woli' pijtañob i mandar.

Isaias 49:1

Jini X'e'tel i cha'an Dios tsi' yʌlʌ: Ñich'tañon jini ñajt bʌ chumuletla ti pañimil, yic'ot jini año' bʌ ti lum tac joyol bʌ ti ja'. Lac Yum tsi' wʌn yajcayon che' cʌntʌbilon to. Tsi' pʌyʌyon c'ʌlʌl che' bʌ tsi' yʌc'ʌyon ti pañimil c ña. Tsi' yotsʌbeyon j c'aba'.

Isaias 51:5

Lʌc'ʌlix i yorajlel cha'an mi' mʌjlel c cha'an. Lʌc'ʌlix a coltʌntel, Israel. Mi caj c pʌy pejtel pañimil cha'an mi' melob i bʌ tic tojlel. Mi caj i pijtañoñob jini año' bʌ ti lum joyol bʌ ti ja'. Mi caj i ñopoñob.

Isaias 59:18

Mi caj i yʌq'ueñob i toj i mul i contrajob. Mi caj i yubiñob i mich'ajel lac Yum. Mi caj i tojob i mul pejtelel mu' bʌ i ts'a'leñob ya' ti ñajt tac bʌ i lumal.

Isaias 60:9

Ñaxan mi' c'otelob colem barco tac loq'uemo' bʌ ti Tarsis. Woli' pʌyob tilel la' walobilob loq'uemo' bʌ ti ñajt tac bʌ tejclum. Woli' cuchob tilel i chubʌ'añob yic'otob. Come jini Ch'ujul Bʌ ti Israel tsa'ix i yʌq'ueyetla la' ñuclel ti' wutob jini año' bʌ ti pañimil.

Jeremias 2:10

Cucuxla ti junwejl ja' ya' ba'an i lum Quitim joyol bʌ ti ja'. Chocola majlel winicob ti Cedar cha'an mi la' wen q'uel bajche' woli' melob. Sʌclanla ti yan tac bʌ lum.

Jeremias 25:22

yic'ot jini reyob ti Tiro, yic'ot ti Sidón, yic'ot ti' ti' colem ñajb

Ezequiel 26:15

Lac Yum Dios woli' suben Tiro: Jini ya' bʌ chumulob ti' ti' ñajb mi caj i toj sajtelob i pusic'al che' ma' jisʌntel. Mi' cajelob ti oñel jini xlojwelob che' woli' tsʌnsʌntelob.

Ezequiel 26:18

Mi caj i toj sajtelob i pusic'al jini chumulo' bʌ ti alʌ tejclum tac joyol bʌ ti ja' che' ma' jilel. Mi caj i cha'leñob bʌq'uen, che'ob.

Daniel 11:18

Che' ja'el mi caj i contrajin jini tejclum tac am bʌ ti' ti' colem ñajb. Mi caj i ch'ʌm lamital. Pero juntiquil yumʌl ti' tojlel soldadojob mi caj i mʌctan. Mi caj i yajñesan.

Sofonias 2:11

Mi caj cʌq'ueñob cabʌl wocol. Mi caj i junyajlel jisañob i diosob ti pejtelel pañimil. Ti jujumpejt lum ba' chumulob winicob mi caj i ch'ujutesañon. Che' tsi' yʌlʌ lac Yum.

Deuteronomio 32:8

Dios tsi' t'oxbeyob i lum pejtelel tejclum tac, Tsi' pucuyob pejtelel winicob x'ixicob, Tsi' yʌq'ueyob i cayajonlel tac ba' jaxʌl i lum i yalobilob Israel,