Genesis 1:3 - Chol: I T’an Dios

³ Dios tsi' yʌlʌ: La' tsictiyic i sʌclel pañimil, che'en. Tsa' tsictiyi i sʌclel pañimil.

Chol de Tumbalá Bible

³ Dios tsi' yʌlʌ: La' tsictiyic i sʌclel pañimil, che'en. Tsa' tsictiyi i sʌclel pañimil.

Jiñi Tsiji' bʌ Wen T'añ cha'añ Estudio

³ Dios tsi' yʌlʌ: “La' tsictiyic i sʌclel pañimil.” Tsa' tsictiyi i sʌclel pañimil.

Genesis 1:3 Iomraidhean Croise

Genesis 2:4

Lac Yum Dios tsi' mele panchan yic'ot pañimil. Che'ʌch tsa' mejli.

Job 36:30

Awilan, mi' pʌs i c'ʌc'al chajc am bʌ ti' joytilel. Mi' tsictesan i jol wits.

Job 38:19

Subeñon mi awujil pejtel jini. ¿Baqui ch'oyol i sʌclel pañimil? Pʌsbeñon i bijlel. Subeñon baqui tilem jini ic'yoch'an bʌ.

Salmos 104:2

Jini a pislel jiñʌch i c'ʌc'al pañimil. Jini panchan tsʌye'el a cha'an che' bajche' pisil.

Salmos 118:27

Jiñʌch Dios lac Yum. Tsi' yʌc'ʌ i sʌclel pañimil ti lac pusic'al. Cʌchʌla jini tsʌnsʌbil bʌ i majtan ti ch'ajan wʌ' ti' xulub pulʌntib.

Salmos 148:5

La' i pʌs i ñuclel i c'aba' lac Yum, Come tsi' yʌc'ʌ i t'an, tsa' mejli tac.

Salmos 33:6

Tsa' mejli jini panchan cha'an ti' t'an lac Yum, Tsa' mejli pejtel ec' tac cha'an i yiq'uilel i yej.

Salmos 33:9

Che' bʌ tsi' cha'le t'an, tsa' mejli chuqui tsi' yʌlʌ. Tsi' cha'le mandar, xuc'ulʌch tsa' cʌle.

Salmos 97:11

Mi' sʌc'an majlel i bijlel jini toj bʌ. Mi' yʌq'uentel i tijicñʌyel jini toj bʌ i pusic'al.

Isaias 45:7

Joñon mic melben i sʌclel q'uin yic'ot ac'ʌlel. Mi cʌq'ueñob i wenlel winicob yic'ot jini bʌbʌq'uen bʌ. Yumʌlon. Mic mel pejtelel iliyi.

Isaias 60:19

Ma'anix i ye'tel q'uin ti la' tojlel. Ma'anix i ye'tel uw. Come añʌch la' c'ʌc'al ti q'uiñil yic'ot ti ac'ʌlel, jiñʌch la' Yum Dios mu' bʌ caj i chʌn lejmel i wenta c'ajc ti la' tojlel. Jini mi caj i yʌq'ueñetla la' ñuclel ti pejtelel ora.

Mateo 8:3

Jesús tsi' sʌts'ʌ i c'ʌb. Tsi' tʌlʌ. Tsi' yʌlʌ: Com cu. La' lajmiquet, che'en. Tsa' bʌc' lajmi leco bʌ i tsoy.

Juan 1:5

I sʌclel pañimil mi' pʌs i bʌ ti ic'ch'ipan bʌ pañimil. Jini ic'ch'ipan bʌ pañimil ma'anic tsi' yʌpbe i sʌclel.

Juan 1:9

I sʌclel pañimil jiñʌch Cristo ti isujm. Tsa' tili ti pañimil i yʌq'ueñob i sʌclel pañimil pejtelel winicob x'ixicob.

Juan 11:43

Che' bʌ tsa'ix ujti i sub, c'am tsi' cha'le t'an Jesús: Lázaro, la' ti loq'uel, che'en.

Juan 3:19

Jiñʌch i mul winicob. Tsa' tili i sʌclel pañimil pero winicob tsi' c'uxbiyob ic'ch'ipan bʌ pañimil. Ma'anic tsi' c'uxbiyob i sʌclel pañimil, come jontol i melbalob.

2 Corintios 4:6

Come Dios tsa' bʌ i yʌc'ʌ mandar cha'an mi' tsictiyel i sʌclel pañimil ti ic'ch'ipan bʌ tsi' yʌc'ʌ ti tsictiyel i sʌclel ti lac pusic'al cha'an mi lac ch'ʌmben isujm woli' pʌs i ñuclel Cristo.

Efesios 5:14

Jini cha'an albilix: “Caña a wut woliyet bʌ ti wʌyel. Ch'ojyen loq'uel ti ic'ch'ipan bʌ pañimil ba'an chʌmeño' bʌ. Cristo mi caj i yʌq'uet ti ajñel ti' sʌclel pañimil”.

Efesios 5:8

Ti yambʌ ora añetla ti ic'ch'ipan bʌ pañimil. Wʌle añetla ti' sʌclel pañimil yic'ot lac Yum. Ajñenla che' bajche' jini año' bʌ ti' sʌclel pañimil.

1 Timoteo 6:16

jini cojach bʌ mach bʌ anic mi' chʌmel, jini chumul bʌ ti' sʌclel ba' mach mejlic lac lʌc'tesan lac bʌ, jini mach bʌ q'uelbilic i cha'an winicob mi juntiquilic, mach bʌ mejlic laj q'uel ja'el. La' q'uejlic ti ñuc. La' yumʌntic ti pejtelel ora. Amén.

1 Juan 1:5

Jiñʌch tsa' bʌ cubi lojon ti' tojlel Jesús woli bʌ c subeñet lojon: Dios i sʌclelʌch pañimil. Ma'anic i yi'ic'lel mi ts'ita'ic.

1 Juan 2:8

Anquese oñiyix pero tsijibʌch jini mandar woli bʌ c ts'ijbubeñetla. Tsiquil i sujmlel ti Jesús yic'ot ti jatetla. Come wolix ti ñumel ic'yoch'an bʌ pañimil. Wolix ti wen tsictiyel i sʌclel pañimil, jini isujm bʌ.