Genesis 1:28 - Chol: I T’an Dios

²⁸ Dios tsi' yʌq'ueyob i yutslel i t'an. Dios tsi' subeyob: La' p'ojliquetla. But'ula jini pañimil. C'ʌñʌla. La' i yumañetla jini chʌy yic'ot jini mut yic'ot pejtel cuxul tac bʌ mu' bʌ ti xʌmbal ti pañimil, che'en.

Chol de Tumbalá Bible

²⁸ Dios tsi' yʌq'ueyob i yutslel i t'an. Dios tsi' subeyob: La' p'ojliquetla. But'ula jini pañimil. C'ʌñʌla. La' i yumañetla jini chʌy yic'ot jini mut yic'ot pejtel cuxul tac bʌ mu' bʌ ti xʌmbal ti pañimil, che'en.

Jiñi Tsiji' bʌ Wen T'añ cha'añ Estudio

²⁸ Dios tsi' yʌq'ueyob i yutslel i t'añ, tsi' su'beyob: “La' tilic la' p'olbal, la' p'ojliquetla yic'ot but'ula jiñi pañimil, c'ʌñʌla; la' i yumañetla jiñi chʌy tac am bʌ ti mar yic'ot jiñi xwejlel mut tac am bʌ ti panchan yic'ot pejtelel cuxul tac bʌ mu' bʌ ti xʌmbal ti pañimil.”

Genesis 1:28 Iomraidhean Croise

Genesis 1:22

Tsi' yʌc'ʌ i yutslel i t'an. Tsi' yʌlʌ: La' tilic la' p'olbal. La' p'ojliquetla. La' bujt'ic ti i chʌñil jini ja' am bʌ ti ñajb tac. La' p'ojlic te'lemut ti pañimil, che'en.

Genesis 17:16

Mi caj cʌq'uen Sara i yutslel c t'an. Mi caj cʌq'ueñet yic'ot Sara ch'iton bʌ la' walobil. Isujm mi caj cʌq'uen Sara i yutslel c t'an. Mi caj i pejcʌntel ti' ña' winicob ti cabʌl lum. An mu' bʌ caj i yochelob ti rey. Che' tsi' yʌlʌ Dios.

Genesis 17:20

Jixcu Ismael, awilan, mi caj cʌq'uen i yutslel c t'an che' bajche' tsa' c'ajtibeyon. Mi caj c p'ojlesʌben i yalobil. Cabʌl mi' caj ti p'ojlel i yalobilob. Mi caj cʌq'uen lajchʌntiquil i yalobilob. Laj yumʌlob ti pejtelel. Jujuntiquil mi caj i sujtel ti colem tejclum yilal.

Genesis 24:60

Tsi' yʌq'ueyob Rebeca i yutslel i t'an. Tsi' subeyob: La' ochiquet ti' ña' cabʌl winicob ti mil ti mil. La' yumʌnticob cha'an jini mu' bʌ i ts'a'leñob, che'ob.

Genesis 26:24

Lac Yum tsi' pʌsʌ i bʌ ba'an Isaac ti jini jach bʌ ac'ʌlel. Tsi' yʌlʌ: Joñon i Dioson Abraham a tat. Mach a cha'len bʌq'uen, come añon quic'otet. Mi caj cʌq'ueñet i yutslel c t'an. Mi caj c p'ojlesan a walobil che' bajche' tsac sube Abraham jini c winic, che'en.

Genesis 33:5

Esaú tsi' can q'uele pañimil. Tsi' q'uele x'ixicob yic'ot i yalobilob. Tsi' yʌlʌ: ¿Majquiyob? ¿A cha'año' ba? che'en. Jacob tsi' yʌlʌ: A winicon. Jiñobʌch calobilob tsa' bʌ i yʌq'ueyon Dios ti' yutslel i pusic'al, che'en.

Genesis 49:25

Jiñʌch i Dios a tat mu' bʌ caj i coltañet. Jiñʌch Mach bʌ Anic i P'isol i P'ʌtʌlel, mu' bʌ caj i yʌq'ueñet a wenlel. La' i yʌq'ueñet a wenlel tilem bʌ ti panchan yic'ot a wenlel tilem bʌ ti ja' loq'uem bʌ ti mal lum, yic'ot i wenlel a wijñam cha'an mi' tilel a p'olbal, yic'ot i ya'lel i chu' cha'an mi' tsu'san a walobilob.

Genesis 5:2

Tsi' mele winic yic'ot x'ixic. Tsi' yʌq'ueyob i yutslel i t'an. Tsi' yotsʌbeyob i c'aba' Adán ti jini q'uin che' bʌ tsi meleyob.

Genesis 6:1

Che' bʌ tsa' cajiyob ti p'ojlel winicob ti pañimil, tsi' yilayob pañimil ja'el xch'oc bʌ i yalobilob.

Genesis 8:17

Wets'ex loq'uel pejtelel cuxul tac bʌ ya' bʌ an a wic'ot, jini mut yic'ot bʌte'el yic'ot pejtel jʌlʌcña bʌ mi' majlel ti lum. La' pujquic majlel ti pejtelel lum. La' cha' p'ojlic, che'en.

Genesis 9:1

Dios tsi' yʌq'ue i yutslel i t'an Noé yic'ot i yalobilob. Tsi' subeyob: Yom tilic cabʌl la' p'olbal. Yom mi la' p'ojlel. But'ula jini pañimil.

Genesis 9:7

Yom mi la' p'ojlel jatetla. La' p'ojlic la' walobilob. La' bujt'ic pañimil ti winicob, che'en.

1 Cronicas 4:10

Jini Jabes tsi' pejca i Dios Israel ti oración: Awocolic aq'ueñon i yutslel a pusic'al. Coltañon ti que'tel. Yom ma' wajñel quic'ot ti pejtelel chuqui mic mel. Coltañon cha'an ma'anic mi' tajon mulil mi wocol. Che'ʌch tsi' c'ajtibe Jabes. Che' jini lac Yum tsi' yʌq'ue jini tsa' bʌ i c'ajtibe.

Job 39:11

¿Ñuc ba ti a pusic'al cha'an cabʌl i p'ʌtʌlel? ¿Mu' ba caj a pijtan jinto mi' ch'ʌmbeñet tilel a c'ajbal?

Job 42:12

Lac Yum ñumen tsi' yʌq'ue i yutslel che' ñoxix. Tsi' cha' taja i wenlel che' bajche' ti yambʌ ora che' ch'iton to. Tsa' p'ojli i yʌlac' c'ʌlʌl añʌchix i cha'an chʌnlujump'ejl mil (14,000) tiñʌme' yic'ot wʌcp'ejl mil camello, yic'ot cha'p'ejl mil wacax, yic'ot jump'ejl mil burro.

Salmos 107:38

Mi' p'ojlelob cha'an ti' yutslel i t'an lac Yum. Ma'anic mi' to'ol chʌmel i wacax.

Salmos 115:16

Lac Yum i yumʌch panchan. Pero tsi' yotsa pañimil ti' wenta winicob x'ixicob.

Salmos 69:34

La' i subob i ñuclel Dios pejtelel año' bʌ ti panchan yic'ot pañimil. La' i pʌs i ñuclel Dios jini ñajb yic'ot pejtel i bʌl.

Salmos 8:6

Tsa' wʌq'ueyob i yumʌntel ti' tojlel pejtel a melbal. Tsa'ix a wʌc'ʌ ti' wenta pejtel chuqui tac an:

Salmos 8:7

Pejtel tiñʌme' yic'ot tat wacax yic'ot bʌte'el,

Isaias 45:18

Lac Yum, jiñʌch Dios. Tsi' mele panchan yic'ot pañimil, yic'ot pejtelel chuqui tac an. Mach lolomic tsi' mele pañimil. Tsi' mele cha'an i chumlib winicob. Tsi' yʌlʌ: Joñon Yumʌlon, ma'anic yambʌ.

Levitico 26:9

Come mi caj j cʌntañetla. Mi caj c p'ojlesañetla. Mi caj c ts'ʌctesan jini c t'an ti la' tojlel.

1 Timoteo 4:3

Mi' lon tic'ob ñujpuñijel yic'ot ja'el i c'uxol we'elʌl tsa' bʌ i mele Dios cha'an mi' c'uxob jini xñopt'añob mu' bʌ i cʌñob i sujmlel, mu' bʌ i subeñob Dios wocolix i yʌlʌ.