Genesis 1:24 - Chol: I T’an Dios

²⁴ Dios tsi' yʌlʌ: La' ajnic i chʌnil pañimil ti jujunchajp. La' ajnic alʌc'ʌl yic'ot lucum yic'ot bʌte'el ti chajp ti chajp, che'en. Che'ʌch tsa' ujti.

Chol de Tumbalá Bible

²⁴ Dios tsi' yʌlʌ: La' ajnic i chʌnil pañimil ti jujunchajp. La' ajnic alʌc'ʌl yic'ot lucum yic'ot bʌte'el ti chajp ti chajp, che'en. Che'ʌch tsa' ujti.

Jiñi Tsiji' bʌ Wen T'añ cha'añ Estudio

²⁴ Dios tsi' yʌlʌ: “La' ajñic i chʌñil pañimil ti jujunchajp. La' ajñic alʌc'ʌl yic'ot lucum yic'ot bʌte'el tac ti' chajp ti' chajp.” Che'ʌch tsa' ujti.

Genesis 1:24 Iomraidhean Croise

Genesis 1:23

Tsa' ochi ic'ajel. Tsa' sʌc'a. Jiñʌch i jo'p'ejlel q'uin.

Genesis 2:19

Lac Yum Dios tsi' c'ʌñʌ lum cha'an mi' mel pejtel bʌte'el yic'ot alʌc'ʌl yic'ot mut ti chajp ti chajp. Tsi' laj pʌyʌ tilel ba'an jini winic cha'an mi' yotsʌben i c'aba', pero ma'anic tsa' tajle i pi'ʌl jini winic cha'an mi' yajñel yic'ot.

Genesis 7:14

Tsa' ochi ja'el ti chajp ti chajp pejtel bʌte'el, yic'ot pejtel alʌc'ʌl, yic'ot pejtel jʌlʌcña bʌ mi' majlel, yic'ot pejtel mut ti jujunchajp. Tsa' ochiyob ti barco ba'an Noé ti ñujp ti ñujp.

Genesis 8:19

Pejtelel bʌte'el yic'ot pejtelel jʌlʌcña bʌ mi' majlel ti lum, yic'ot pejtelel mut, yic'ot yan tac bʌ mu' bʌ ti xʌmbal ti pañimil, tsa' loq'ui tac ti barco ti jujunchajp.

Job 39:1

¿Awujil ba che' mi' tojp'el jini chivo am bʌ ti wits? ¿Tsa' ba a q'uele ña' me' ti bajq'uel?

Job 39:19

¿Mu' ba a wʌq'uen i p'ʌtʌlel jini caballo yujil bʌ guerra? ¿Mu' ba a wʌq'uen i tijcan i tsutsel i bic'?

Job 39:5

¿Majqui tsi' cʌntesa jini burro mach bʌ anic i yum? Yilol jach mi' ñumel baqui jach yom.

Job 39:9

¿Yom ba i coltañet jini jontol bʌ wacax? ¿Mu' ba i jal'an jump'ejl ac'ʌlel mi tsa' pʌsbe i bʌl i ñʌc' ti buc'ujib?

Job 40:15

Q'uele jini colem bʌte'el am bʌ ti ja'. C melbalʌch che' bajche' jatet. Mi' c'ux pimel lajal bajche' wacax.

Salmos 104:18

Jini mate'el chivo mi' yajñel ti chan tac bʌ wits. Jini te'lal mi' yajñel ti xajlelol.

Salmos 104:23

Jini winicob mi' loq'uelob majlel ti e'tel. Mi' cʌyob i ye'tel che' wolix ti bʌjlel q'uin.

Salmos 148:10

I bʌte'el ja'el yic'ot pejtel alʌc'ʌl, Yic'ot jʌlʌcña bʌ mi' majlel ti lum, yic'ot te'lemut.