Genesis 1:11 - Chol: I T’an Dios

¹¹ Dios tsi' yʌlʌ: La' pasic ti lum jam yic'ot pimel mu' bʌ i yʌc' i wut. La' colic te' ti chajp ti chajp yujil bʌ wut cha'an pac', che'en. Che'ʌch tsa' ujti.

Chol de Tumbalá Bible

¹¹ Dios tsi' yʌlʌ: La' pasic ti lum jam yic'ot pimel mu' bʌ i yʌc' i wut. La' colic te' ti chajp ti chajp yujil bʌ wut cha'an pac', che'en. Che'ʌch tsa' ujti.

Jiñi Tsiji' bʌ Wen T'añ cha'añ Estudio

¹¹ Ti wi'il Dios tsi' yʌlʌ: “La' pasic ti lum yʌx bʌ pimel tac mu' bʌ i yʌc' i wut. La' colic te' ti pañimil ti' chajp ti' chajp yujil bʌ wut cha'añ pac'.” Che'ʌch tsa' ujti.

Genesis 1:11 Iomraidhean Croise

Genesis 1:12

Tsa' pasi ti lum jam yic'ot pimel mu' bʌ i yʌc' i wut ti jujunchajp yic'ot te' ti chajp ti chajp yujil bʌ wut cha'an pac'. Dios tsi' q'uele uts'atʌch.

Genesis 1:29

Dios tsi' yʌlʌ: Awilan, tsa cʌq'ueyetla pejtel pʌc'bil bʌ yujil bʌ wut am bʌ ti pejtelel pañimil, yic'ot pejtel te' am bʌ i wut yic'ot i bʌc'. La' cha'añʌch cha'an i bʌl la' ñʌc'.

Genesis 2:16

Lac Yum Dios tsi' yʌq'ue mandar jini winic. Tsi' yʌlʌ: Mi mejlel a c'ux i wut pejtelel te' am bʌ ti pʌc'ʌbʌl.

Genesis 2:5

Che' maxto pasemic jini mu' bʌ i colel ti pʌc'ʌbʌl, lac Yum Dios maxto anic tsi' choco tilel ja'al ti pañimil. Maxto anic majch tsi' cha'le e'tel ti lum.

Genesis 2:9

Lac Yum Dios tsi' yʌc'ʌ ti colel ti lum pejtelel i t'ojol bʌ te' yic'ot uts'at bʌ cha'an i bʌl ñʌc'ʌl. Tsi' yʌc'ʌ ti colel ja'el ya' ti' yojlil jini pʌc'ʌbʌl jini te' mu' bʌ i yʌc' laj cuxtʌlel yic'ot jini te' mu' bʌ i yʌc' ti cʌjñel chuqui uts'at yic'ot chuqui jontol.

Job 28:5

Jini lum mi' yʌq'ueñonla i bʌl lac ñʌc' cha'an ti la que'tel. Pero ti yebal lum an c'ajc.

Salmos 1:3

Lajalʌch jini winic bajche' te' pʌc'bil bʌ ti' ti' cuxul bʌ pa' mu' bʌ i yʌc' i wut che' ti' yorajlel. I yopol jini te' mach yujilic p'ajtel. Pejtel chuqui mi' mel jini winic uts'at mi' yujtel.

Salmos 147:8

Jiñʌch mu' bʌ i mos panchan ti tocal. Mi' choc jubel ja'al ti pañimil. Mi' yʌc' ti colel jam ti bujbujtʌl.

Isaias 61:11

Lac Yum mi caj i mel ti toj jini colem tejclum tac. Che' bajche' jini lum mi' yʌc' ti colel lac pʌc'bal, che' bajche' mi' pasel pimel yic'ot nichim, che' ja'el lac Yum Dios mi' yʌc' ti pasel chuqui tac toj ti' tojlel i tejclumob. Che' jini mi caj i c'ʌyibeñob i ñuclel Dios pejtelel tejclum tac.

Jeremias 17:8

Lajalʌch bajche' te' pʌc'bil bʌ ti' ti' ja', chucbil bʌ i wi' ti lum. Ma'anic mi' bʌc'ñan ticwal, come mach tiquic i yopol. Che' tal wocol, che' ma'anic ja'al, ma'anic mi' mel i pusic'al, come mi' chʌn ac' i wut.

Mateo 3:10

Wʌle ac'bil hacha ti' yebal te'. Mi' sejq'uel pejtelel jini te' mach bʌ anic mi' yʌc' wen bʌ i wut. Mi' chojquel ti c'ajc.

Mateo 6:30

I t'ojol jax mi' mel pimel Dios, jini pimel cuxul bʌ wʌle mu' bʌ i chojquel ti c'ajc ti yijc'ʌlal. Mi che'ʌch mi' mel, ¿mach ba muq'uic i yʌq'ueñetla chuqui mi la' xoj jatetla mach bʌ anic mi la' ñop ti pejtelel la' pusic'al?

Marcos 4:28

Come jini lum mi' yʌc' ti colel jini pac' ti' bajñel, ñaxan i yopol, wi'il i te'el, wi'il colem bʌ i wut ti' te'el.

1 Corintios 15:38

Dios mi' yʌq'uen i wut jini pac' bajche' yom. Ti jujunchajp pac' mi' yʌq'uentel i wut ti chajp ti chajp.

Hebreos 6:7

Dios mi' yʌq'uen i bendición jini lum mu' bʌ i chʌn jap ja'al che' mi' choc tilel. Mi' yʌc' ti colel uts'at tac bʌ lac pʌc'bal.

Santiago 3:12

Quermanojob, ¿mu' ba lac tuc' olivo ti higuera te'? ¿Mu' ba lac tuc' higo ti ac'? Che' ja'el, ma'anic i loq'uib ja' mu' bʌ i yʌc' yʌx bʌ ja' yic'ot tsaj bʌ.