Genesis 1:1 - Chol: I T’an Dios

¹ Che' ti' cajibal tsi' mele Dios jini panchan yic'ot pañimil.

Chol de Tumbalá Bible

¹ Che' ti' cajibal tsi' mele Dios jini panchan yic'ot pañimil.

Jiñi Tsiji' bʌ Wen T'añ cha'añ Estudio

¹ Che' ti' cajibal, Dios tsi' mele panchan yic'ot pañimil.

Genesis 1:1 Iomraidhean Croise

2 Reyob 19:15

Che' jini tsa' caji ti oración Ezequías. Tsi' yʌlʌ: C Yum i Dioset bʌ Israel, mu' bʌ a yumʌntel ti tojlel ángelob, jatet jach i Dioset jini reyob ti pejtelel pañimil. Jatet tsa' mele panchan yic'ot pañimil.

1 Cronicas 16:26

Come dioste' jach pejtelel i dios tac winicob x'ixicob mach bʌ anic mi' cʌñob Dios. Pero lac Yum tsi' mele panchan.

2 Cronicas 2:11

Ti ora jach jini rey Hiram am bʌ ti Tiro tsi' chocbe majlel jun Salomón. Tsi' yʌlʌ: Tsiquil wen c'uxbibilob jini israelob ti Dios. Jini cha'an lac Yum tsi' yotsayet ti rey ti' tojlelob.

Nehemias 9:6

Esdras tsi' yʌlʌ: Jatet jach Yumʌlet, c Yum lojon. Tsa' mele panchan, jini ñuc bʌ panchan ya' ba' chumulet. Tsa' mele ja'el pejtel jini chumulo' bʌ ti panchan. Tsa' mele pañimil yic'ot pejtel am bʌ ti pañimil. Tsa' mele ñajb yic'ot pejtel am bʌ ti ñajb. Ma' cʌntan ti pejtelel. Mi' ch'ujutesañetob jini chumulo' bʌ ti panchan.

Job 26:13

Cha'an ti' yiq'uilel i yej mi' yʌc' ti jajmel pañimil. I c'ʌb mi' yʌc' ti jilel p'ʌtʌl bʌ lucum am bʌ ti ja'.

Job 38:4

¿Baqui añet che' bʌ tsa' caji c wa'chocon pañimil? Subeñon mi awujil, mi ña'tibil a cha'an.

Job 9:8

I bajñel tsi' lich'i panchan. Tsi' xʌñʌ majlel colem ja'.

Salmos 102:25

Ti oñiyi tsa' wa'choco jini pañimil, Jini panchan i melbalʌch a c'ʌb.

Salmos 104:24

C Yum, cabʌl jax a melbal. Ti a ña'tʌbal tsa'ix a mele ti pejtelel. Ti pejtelel pañimil tsiquil jini wen tac bʌ tsa' bʌ a melbeyon lojon.

Salmos 104:30

Che' ma' choc tilel a wEspíritu, mi' p'ojlelob yan tac bʌ. Ma' wʌc' ti p'ojlel jini cuxul tac bʌ ti pañimil.

Salmos 115:15

Lac Yum tsa' bʌ i mele panchan yic'ot pañimil woli' yʌq'ueñetla i yutslel i t'an.

Salmos 121:2

Ya' tilem j coltʌntel ti lac Yum Tsa' bʌ i mele panchan yic'ot pañimil.

Salmos 124:8

Ya' tilem laj coltʌntel ti' c'aba' lac Yum Tsa' bʌ i mele panchan yic'ot pañimil.

Salmos 134:3

La' i yʌq'ueñet la' wenlel lac Yum ya' ti Sion, jini ch'ujul bʌ i tejclum lac Yum. Jiñʌch tsa' bʌ i mele panchan yic'ot pañimil.

Salmos 136:5

Jini tsa' bʌ i mele panchan cha'an cabʌl i ña'tʌbal, Come ti pejtelel ora an i yutslel i pusic'al.

Salmos 146:6

Jiñʌch tsa' bʌ i mele panchan yic'ot pañimil Yic'ot colem ñajb yic'ot pejtel i bʌl.

Salmos 33:6

Tsa' mejli jini panchan cha'an ti' t'an lac Yum, Tsa' mejli pejtel ec' tac cha'an i yiq'uilel i yej.

Salmos 33:9

Che' bʌ tsi' cha'le t'an, tsa' mejli chuqui tsi' yʌlʌ. Tsi' cha'le mandar, xuc'ulʌch tsa' cʌle.

Salmos 8:3

Che' mij q'uel a panchan, i melbal i yal a c'ʌb, Yic'ot jini uw yic'ot ec' tsa' bʌ a mele,

Salmos 8:4

Ma'anic mic ch'ʌmben isujm chucoch ma' p'untan winicob, come ma'anic i ñuclel.

Salmos 96:5

Come dioste' jach pejtelel i diosob winicob x'ixicob mach bʌ i cʌñʌyobic Dios. Pero lac Yum tsi' mele jini panchan.

Exodo 20:11

come ti wʌcp'ejl q'uin a Yum tsi' mele panchan yic'ot pañimil, jini ñajb, yic'ot pejtel i bʌl. Tsi' c'aja i yo che' ti wucp'ejlel q'uin. Jini cha'an a Yum tsi' yʌlʌ uts'at i q'uiñilel c'aj o. Tsi' q'uele ti ch'ujul.

Exodo 31:18

Che' bʌ lac Yum tsa' ujti i pejcan Moisés ya' ti wits i c'aba' Sinaí, tsi' yʌq'ue Moisés cha'q'uejl xajlel ba' ts'ijbubil i t'an ti' c'ʌb Dios.

Proverbios 16:4

Pejtel chuqui tac tsi' mele lac Yum an i c'ʌjñibal. Tsi' mele ja'el jini jontolo' bʌ cha'an i q'uiñilel wocol.

Proverbios 3:19

Lac Yum tsi' yʌc'ʌ i c'ʌclib pañimil ti cabʌl i ña'tʌbal. Tsi' mele panchan cha'an ti cabʌl i pusic'al.

Eclesiastes 12:1

Ña'tan Dios che' ch'itoñet to. C'uxbin wʌle che' jalto mi' tilel i yorajlel wocol.

Isaias 40:21

¿Mach ba anic a pusic'al? ¿Chucoch ma' mel lolom tac bʌ? ¿Mach ba ubibilic a cha'an i t'an Dios? ¿Mach ba subebiletic? ¿Mach ba wen tsiquilic i sujmlel Dios c'ʌlʌl ti' cajibal pañimil?

Isaias 40:26

Letsan a wut cha'an ma' wen q'uel chuqui an. ¿Majqui i melbal jini ec' tac? Dios mi' yʌc'ob ti ajñel ti jujump'ejl. Mi' pejcañob ti' c'aba'. Ma'anic mi' wis cʌy i bʌ mi jump'ejlic ec', come i Yum mi' pʌyob majlel ti cabʌl bʌ i p'ʌtʌlel yic'ot i ñuclel. Mi' laj cʌntan ec'.

Isaias 40:28

¿Maxto ba anic tsa' la' ña'ta? Jiñʌch lac Yum Dios tsa' bʌ i mele pejtel pañimil. ¿Mach ba anic ubibil la' cha'an? Ma'anic mi' c'uñ'an. Mach yujilic lujban. Mach lu' cʌmbilic lac cha'an i ña'tʌbal.

Isaias 42:5

Joñon a Yumon jini cojach bʌ Dios. Tsac mele panchan. Tsac lich'choco. Tsac mele jini pañimil yic'ot pejtel i bʌl. Mi cʌq'uen i c'uxtʌlel jini año' bʌ ti pañimil.

Isaias 44:24

Che'ʌch woli' yʌl lac Yum, jini a Waj Coltaya tsa' bʌ i meleyet che' cʌntʌbilet to. Joñon a Yumon tsa' bʌ c mele pejtel chuqui tac an. Tic bajñel tsac lich'i jini panchan. Tic bajñel tsac mele pañimil yic'ot pejtelel i bʌl.

Isaias 45:18

Lac Yum, jiñʌch Dios. Tsi' mele panchan yic'ot pañimil, yic'ot pejtelel chuqui tac an. Mach lolomic tsi' mele pañimil. Tsi' mele cha'an i chumlib winicob. Tsi' yʌlʌ: Joñon Yumʌlon, ma'anic yambʌ.

Isaias 51:13

Tsa'ix a ñajʌtesa a Yum tsa' bʌ i meleyet, tsa' bʌ i lich'choco panchan, tsa' bʌ i xuc'choco jini pañimil ti' yajñib. Jini cha'an tsiltsilñayet ti bʌq'uen ti' tojlel a contra mu' bʌ i mich'leñet, mu' bʌ i tilel i tsʌnsañet. ¿Yom ba ma' chʌn bʌc'ñan winicob ti jujump'ejl q'uin?

Isaias 51:16

Tsa'ix c lich'i panchan. Tsac xuc'choco jini pañimil ti' yajñib. Tsa'ix cotsa c t'an ti a wej cha'an ma' sub. Tsaj cʌntayet tic p'ʌtʌlel. Tsac sube Sion: “Jatet c tejclumet”. Che' tsi' yʌlʌ lac Yum.

Isaias 65:17

La' wilan wolic mel tsiji' bʌ panchan yic'ot tsiji' bʌ pañimil. Ma'anic mi caj i chʌn ña'tʌntel jini tsa'ix bʌ ñumi. Ma'anix majch mi caj i chʌn c'ajtesan.

Jeremias 10:12

Diosʌch tsa' bʌ i mele pañimil ti cabʌl i p'ʌtʌlel. Tsi' xuc'choco pañimil cha'an cabʌl i ña'tʌbal. Tsi' lich'i tac panchan jini wen yujil bʌ.

Jeremias 32:17

Obol c bʌ, c Yum Dios. Awilan a melbalʌch panchan yic'ot pañimil. Tsa' mele ti a c'ʌb ti ñuc bʌ a p'ʌtʌlel. Ma'anic ti pañimil chuqui wocol ti melol a cha'an.

Jeremias 51:15

Lac Yum jiñʌch tsa' bʌ i mele pañimil ti ñuc bʌ i p'ʌtʌlel. Tsi' xuc'choco pañimil cha'an cabʌl i ña'tʌbal. Tsi' lich'i panchan ja'el. Cabʌl i pusic'al.

Zacarias 12:1

Jiñʌch i t'an lac Yum ti' contra Israel. Jiñʌch lac Yum tsa' bʌ i mele panchan yic'ot pañimil, tsa' bʌ i yʌq'ueyob i cuxtilel winicob.

Mateo 11:25

Ti jim bʌ ora Jesús tsi yʌlʌ: Mic subeñet a ñuclel, c Tat, i Yumet Panchan yic'ot Pañimil. Come tsa' mucbeyob a t'an jini año' bʌ cabʌl i ña'tʌbal yic'ot jini p'ip'o' bʌ i pusic'al, pero tsa' wʌq'ueyob i ch'ʌmbeñob isujm alʌlob.

Marcos 13:19

Come ti jim bʌ ora mi caj i tilel cabʌl wocol, ñumen bajche' tsa' ñumi c'ʌlʌl ti' cajibal jini pañimil tsa' bʌ i mele Dios, c'ʌlʌl wʌle, c'ʌlʌl ti pejtelel ora.

Hechos 14:15

Tsi' yʌlʌyob: Winicob, ¿chucoch mi la' cha'len che' bajche' jini? Joñon lojon winicon lojon ja'el che' bajche'etla. Mic subeñetla yom mi la' cʌy jini lolom jach bʌ cha'an mi la' ñop jini cuxul bʌ Dios tsa' bʌ i mele panchan yic'ot pañimil yic'ot colem ñajb yic'ot pejtelel i bʌl.

Hechos 17:24

Jini Dios tsa' bʌ i mele pañimil yic'ot pejtelel i bʌl, jiñʌch i Yum Panchan yic'ot Pañimil. Ma'anic mi' chumtʌl ti templo tac melbil bʌ ti c'ʌbʌl.

Hechos 4:24

Che' bʌ tsa'ix ujti i yubiñob jini t'an, ti pejtelelob tsi' tem pejcayob Dios. Tsi' subeyob: C Yum, jatet Dioset tsa' bʌ a mele panchan yic'ot pañimil yic'ot colem ñajb yic'ot pejtelel i bʌl.

Romanos 11:36

Come ch'oyol ti Dios pejtelel chuqui tac an. Ti pejtelel cʌntʌbil i cha'an Dios. I cha'añʌch Dios ti pejtelel. La' sujbic i ñuclel Dios ti pejtelel ora. Amén.

1 Corintios 8:6

pero ti lac tojlel an juntiquil jach Dios, jiñʌch lac Tat. Ya' ch'oyol pejtelel chuqui tac an. Tsi' meleyonla cha'an mi lac ñuq'uesan. An juntiquil jach lac Yum, jiñʌch Jesucristo. Ti' p'ʌtʌlel tsa' mejli pejtel chuqui tac an. Joñonla ja'el añonla cha'an Cristo.

Efesios 3:9

Mic tsictesʌbeñob pejtelel winicob x'ixicob jini mach bʌ tsictiyemic c'ʌlʌl ti' cajibal pañimil che' bʌ tsi' mele Dios pejtelel chuqui tac an.

Hebreos 1:10

Tsi' yʌlʌ ja'el: “Jatet yumʌlet, ti' cajibal tsa' wa'choco jini pañimil. Jini cha'an i melbalʌch a c'ʌb.

Hebreos 1:2

Wʌle, ti ili cojix bʌ q'uin tac tsa'ix i c'ʌñʌ i Yalobil i pejcañonla. Tsi' wa'choco cha'an mi' yʌq'uentel pejtelel chuqui tac an. Tsi' c'ʌñʌ ti' melol pejtel chuqui tac an.

Hebreos 11:3

Cha'an tsa'ix lac ñopo Dios, la cujil tsa' mejli pañimil ti' p'ʌtʌlel jach i t'an Dios. Dios ma'anic tsi' c'ʌñʌ chuqui tac tsiquil cha'an mi' mel jini pañimil woli bʌ laj q'uel.

Hebreos 3:4

Ti jujump'ejl otot añʌch majqui tsi' mele. Pero jini tsa' bʌ i mele pejtelel chuqui tac an, jiñʌch Dios.

2 Pedro 3:5

Mach yomobic i p'is ti' wenta bajche' tsa' ajni panchan ti wajali. Ti' t'an jach Dios tsi' mele pañimil. Jini lum tsa' loq'ui ti ja', joyolʌch ti ja'.

1 Juan 1:1

Jini t'an am bʌ ti' cajibal jiñʌch tsa' bʌ cubi lojon, tsa' bʌ j q'uele lojon, jini tsajibil bʌ c cha'an lojon, jini tʌlʌl bʌ c cha'an lojon. Jiñʌch jini t'an am bʌ i cuxtʌlel.

Apocalipsis 10:6

Tsi' subu t'an ti' c'aba' jini cuxul bʌ ti pejtelel ora, tsa' bʌ i mele panchan yic'ot i bʌl, yic'ot pañimil yic'ot i bʌl, yic'ot colem ñajb yic'ot i bʌl. Tsi' yʌlʌ mach chʌn jalix mi caj i jilel pañimil.

Apocalipsis 14:7

C'am tsi' cha'le t'an. Tsi' yʌlʌ: Bʌc'ñanla Dios. Subenla i ñuclel. Tsa'ix tili i yorajlel cha'an mi' cha'len meloñel. Ch'ujutesanla jini tsa' bʌ i mele panchan yic'ot pañimil, yic'ot colem ñajb, yic'ot i loq'uib ja' tac, che'en.

Apocalipsis 21:6

Tsi' subeyon: Ts'ʌctiyemix ti pejtelel. Joñon tsa' cʌq'ue i tejchibal pejtelel chuqui tac an. Mi cʌq'uen i jilibal. Añon ti' tejchibal. Añon ti' jilibal. Jini am bʌ i tiquin ti', ti' majtan jach mi caj cʌq'uen ja' loq'uem bʌ ti' loq'uib ja' i yejtal bʌ i cuxtʌlel.

Apocalipsis 22:13

Joñon tsa cʌq'ue i tejchibal pejtelel chuqui tac an. Mi cʌq'uen i jilibal. Añon ti ñaxan. Añon ti' yujtibal. Añon ti' tejchibal. Añon ti' jilibal, che'en.

Apocalipsis 3:14

Ts'ijbuben jini xcʌntaya i cha'an xñopt'añob mu' bʌ i tempañob i bʌ ya' ti Laodicea: “Awilan, jini Amén bʌ, jini isujm bʌ, jini xuc'ul bʌ Testigo mu' bʌ i cha'len yumʌl ti' tojlel pejtel i melbal Dios, jiñʌch mu' bʌ i yʌl ili t'an:

Apocalipsis 4:11

Uts'at c Yum lojon. Yom mi' sujbel a ñuclel yic'ot a c'uxbintel yic'ot a p'ʌtʌlel, come jatet tsa' mele pejtelel chuqui tac an. Ti pejtelel tsa' mejli cha'an che'ʌch a wom. Tsa' laj aq'ue i cuxtʌlel, che'ob.