Gálatas 4:8 - Chol: I T’an Dios

⁸ Ti yambʌ ora, che' maxto anic tsa' la' ñopo Dios, tsa' la' cha'le to'ol e'tel ti' wenta jini mach bʌ mero diosic.

Jiñi Tsiji' bʌ Wen T'añ cha'añ Estudio

⁸ Ti yam bʌ ora, che' bʌ maxto añic tsa' la' ñopo Dios, tsa' la' cha'le to'ol e'tel ti' tojlel jiñi mach bʌ diosic;

Chol de Tumbalá Bible

⁸ Ti yambʌ ora, che' maxto anic tsa' la' ñopo Dios, tsa' la' cha'le to'ol e'tel ti' wenta jini mach bʌ mero diosic.

Jiñi Tsiji' bʌ Wen T'añ cha'añ Estudio

⁸ Ti yam bʌ ora, che' bʌ maxto añic tsa' la' ñopo Dios, tsa' la' cha'le to'ol e'tel ti' tojlel jiñi mach bʌ diosic;

Chol Tila

⁸ Ñaxan che' max tyo ti la' cʌñʌ Dios ti la' yumin dios tyac jini mach bʌ yoque Diosic.

Gálatas 4:8 Iomraidhean Croise

2 Cronicas 13:9

¿Mach ba tsa'iquix la' choco loq'uel i motomajob lac Yum yic'ot jini levíjob? Tsa' la' bajñel wa'choco la' motomajob che' bajche' mi' melob ti yan tac bʌ lum. Mi la' wa'chocon ti motomaj majqui jach mi' tilel i yʌc' juncojt alʌ tat wacax yic'ot wuccojt i tat tiñʌme'. Che' jini mi' lon melob i ye'tel jini motomajob ti' tojlel jini mach bʌ diosic.

Exodo 5:2

Faraón tsi' c'ajtibeyob: ¿Majqui la' Yum? ¿Chucoch mic lon ñopben i t'an cha'an mic chocob majlel? Mach cʌmbilic c cha'an la' Yum. Ma'anic mi caj c choc majlel jini israelob, che'en.

Isaias 37:19

Tsi' laj pulbeyob i diosob, come mach mero diosobic. Melbilob jach ti te' yic'ot ti xajlel. I ye'tel jach winicob. Jini cha'an tsa' jisʌntiyob.

Jeremias 10:25

Pʌsbeñob a mich'ajel yan tac bʌ tejclum mach bʌ anic mi' cʌñet, mach bʌ anic mi' pejcañet, come tsi' jisayob Jacob. Tsi' laj jisʌbeyob i tejclum tac.

Jeremias 16:20

¿Chucoch mi' lon melob i diosob mach bʌ Diosic? Jini mero Dios mach i melbalic winicob.

Jeremias 2:11

¿Am ba jump'ejl lum ba' tsi' q'uexeyob i diosob? Anquese mach diosobic, pero mi' chʌn c'uxbiñob. Jatet jach la tsa' la' q'uexta la' Dios ba' tilem la' ñuclel cha'an mi la' c'uxbin jini mach bʌ diosic.

Jeremias 5:7

Lac Yum woli yʌl: ¿Bajche' mi mejlel c ñusʌbeñet a mul? Tsi' cʌyʌyoñob a walobilob. Tsi' wa'chocoyob i t'an ti' c'aba' jini diosob mach bʌ mero Diosic. Che' bʌ ñajobix yic'ot i bʌl i ñʌc' tsa' bʌ cʌq'ueyob, tsajniyob ti' yotot sts'i'lel bʌ x'ixicob.

Juan 1:10

Cristo tsa' ajni ti pañimil. Jini pañimil i melbalʌch. Jini año' bʌ ti pañimil ma'anic tsi' cʌñʌyob.

Hechos 14:12

Tsi' pejcayob Bernabé ti Júpiter. Tsi' pejcayob Pablo ti Mercurio, come jiñʌch Pablo tsa' bʌ i subu t'an.

Hechos 17:23

Come che' bʌ tsa' ñumiyon ba' tsaj q'uele i yotlel tac diosob, tsac taja jump'ejl pulʌntib ba' ts'ijbubil jini t'an: JINI DIOS MACH BɅ CɅMBILIC. Jini cha'an mi caj c tsictesʌbeñetla jini Dios mach bʌ cʌmbilic la' cha'an mu' bʌ la' ch'ujutesan.

Romanos 1:23

Tsi' cʌyʌyob jini ñuc bʌ Dios mach bʌ yujilic jilel. Tsi' diosiyob i yejtal winic mu' bʌ i jilel, yic'ot i yejtal te'lemut, yic'ot i yejtal jini cotol bʌ, yic'ot i yejtal jini jʌlʌcña bʌ.

Romanos 1:28

Mach yomobic i wis ña'tan Dios. Jini cha'an Dios tsi' cʌyʌyob cha'an mi' ña'tañob chuqui tac bibi' yic'ot cha'an mi' cha'leñob chuqui tac mach wenic.

1 Corintios 1:21

Che' bajche' tsi' wʌn ña'ta Dios, jini año' bʌ ti pañimil ma'anic mi' cʌñob Dios cha'an ti' bajñel ña'tʌbal, come Dios mi' c'ʌn jini t'an mu' bʌ i yʌjlel ti tonto cha'an mi' coltan jini mu' bʌ i ñopob, come che' yom i pusic'al.

1 Corintios 12:2

La' wujil che' sajtemetla tsa' pʌjyiyetla majlel ba'an x'uma' dios tac, bajche' jach tsa' ñijcʌntiyetla.

1 Corintios 8:4

¿Yom ba mi laj c'ux we'elʌl aq'uebil bʌ dioste' tac ti' majtan? La cujil ma'anic i c'ʌjñibal dioste' tac ti pañimil, come ma'anic yambʌ Dios, juntiquil jach.

Gálatas 4:3

Che' ja'el joñonla che' alobon to la, mozojonla yilal. Tsa' lac jac'be i cʌntesʌbal lac ñojte'el che' bajche' i tilel mi' ñojpel ti pañimil.

Efesios 4:18

Añob ti ac'ʌlel yilal. Ma'anic mi' ch'ʌmbeñob isujm, come ma'añobic i cuxtʌlel ch'oyol bʌ ti Dios. Mach i cʌñʌyobic come tsʌtsatax i pusic'al.

1 Tesalonicenses 1:9

Come woli' subob bajche' tsa' la' pʌyʌyon lojon ochel ba' añetla yic'ot bajche' tsa' la' cʌyʌ dios tac cha'an mi la' ñop jini mero Dios, cha'an mi la' cha'liben i ye'tel jini cuxul bʌ Dios,

1 Tesalonicenses 4:5

Mach yomic i colosojlel la' pusic'al che' bajche' jini sajtemo' bʌ mach bʌ anic mi' ñopob Dios.

2 Tesalonicenses 1:8

Mi caj i tilel yic'ot c'ajc cha'an mi' q'uextʌbeñob i jontolil jini mach bʌ anic mi' cʌñob Dios yic'ot jini mach bʌ anic mi' ch'ujbibeñob i wen t'an lac Yum Jesucristo.

Josue 24:15

Mi mach uts'atic mi la' q'uel che' mi la' ch'ujutesan lac Yum, yajcanla wʌle majqui mi caj la' ch'ujutesan, mi jini dioste' tsa' bʌ i ch'ujutesayob la' ñojte'elob ya' ti junwejl jini Eufrates, yic'ot i dioste' amorreojob año' bʌ ti ili lum ba' chumuletla. Pero joñon yic'ot jini año' bʌ ti cotot mi caj lac ch'ujutesan lac Yum. Che' tsi' yʌlʌ Josué.

Josue 24:2

Josué tsi' pejcayob ti pejtelelob: Lac Yum i Dios Israel woli' yʌl: “Ti wajali tsa' chumleyob la' ñojte'elob ya' ti junwejlel colem ja' i c'aba' Eufrates. Jiñʌch jini Taré, i tat Abraham yic'ot Nacor. Tsi' ch'ujutesayob dioste' tac.

1 Pedro 4:3

Come jasʌlix jini q'uin tac tsa' bʌ la' ñusa ti' melol mulil che' bajche' jini sajtemo' bʌ mu' bʌ i jac'ob i colosojlel i pusic'al yic'ot i ts'i'lel. Mi' cha'leñob chuqui jisil yic'ot yʌc'ajel yic'ot leco bʌ q'uiñijel, yic'ot lemoñel. Mi' melob leco bʌ i q'uiñilel dios tac.

1 Juan 3:1

Cabʌl tsi' c'uxbiyonla lac Tat. Jini cha'an mi lac pejcʌntel ti' yalobil Dios. Melel i yalobilonla. Jini cha'an ma'anic mi' cʌñonla i cha'año' bʌ pañimil, come mach i cʌñʌyobic Dios.