Filemón 1:14 - Chol: I T’an Dios

¹⁴ Pero ma'anic chuqui com c mel jinto ma' subeñon bajche' yom a pusic'al, come mach comic c xic'beñet cha'an ma' coltañon.

Jiñi Tsiji' bʌ Wen T'añ cha'añ Estudio

¹⁴ Pero ma'añic chuqui com c mel jinto ma' su'beñon bajche' yom a pusic'al, come mach comic c xic'beñet cha'añ ma' coltañon.

Chol de Tumbalá Bible

¹⁴ Pero ma'anic chuqui com c mel jinto ma' subeñon bajche' yom a pusic'al, come mach comic c xic'beñet cha'an ma' coltañon.

Chol Tila

¹⁴ Pero mach com c xic' cʌytyʌl che' max tyo cubi bajche' a wʌlʌ. Pero che' ma' cotyañon mach cha'anic c wersa xiq'uet pero jini jach bajche' yom ti a bajñel pusic'al.

Filemón 1:14 Iomraidhean Croise

1 Cronicas 29:17

C Yum Dios, cujil jatet ma' cʌmben i pusic'al winicob x'ixicob. Uts'at ma' q'uelob che' mi' melob chuqui uts'at ti jump'ejl i pusic'al. Ti pejtelel c pusic'al tsa'ix cʌq'ueyet ili a majtan. Che' ja'el ti pejtelelob woli' yʌq'ueñetob a majtan ti' tijicñʌyel i pusic'al.

Salmos 110:3

A winicob x'ixicob mi caj i yʌc'ob i bʌ ti jump'ejl i pusic'al che' ma' cha'len yumʌl ti' tojlelob. Ch'ujul mi caj i pʌsob i bʌ ti a tojlel che' ti wen sʌc'ajel. A cha'añob jini ch'iton winicob, jini ch'ejlo' bʌ.

1 Corintios 9:17

Mi ti pejtelel c pusic'al mic sub, an c chobejtʌbal. Mi mach comic c sub jiñʌch c sajtemal, come tsa' aq'uentiyon jini e'tel.

1 Corintios 9:7

¿Am ba juntiquil soldado mu' bʌ i cha'len e'tel ti' bajñel taq'uin? Jini mu' bʌ i pʌc' ts'usubil, ¿mach ba anic mi' c'uxben i wut? Jini mu' bʌ i cʌntan i yʌlac', ¿mach ba anic mi' japben i leche?

2 Corintios 1:24

Mach la' yumonic lojon cha'an mic wersa subeñetla chuqui yom mi la' ñop. Wolij coltañetla cha'an mi la' taj i tijicñʌyel la' pusic'al, come xuc'uletla cha'an tsa' la' ñopo Cristo.

2 Corintios 8:12

Mi an majqui yom i yʌc' majtañʌl, la' i yʌc' loq'uem bʌ ti' chubʌ'an, mi on o mi mach onic. Mach mejlic i yʌc' chuqui mach i cha'anic.

2 Corintios 9:5

Jini cha'an tsac ña'ta wersa yom mic xic'ben jini hermanojob cha'an mi' ñaxan majlelob ba' añetla. Mi caj i q'uelob bajche' woli la' tempan jini ofrenda ña'tʌbil bʌ la' cha'an. Yom chajpʌbil jini ofrenda che' mi' c'otelob. Ac'ʌla ti' yutslel la' pusic'al, mach cha'anic xic'biletla.

2 Corintios 9:7

Ti jujuntiquil la' i yʌc' che' bajche' tsi' ña'ta ti' pusic'al, mach ti' ch'ijiyemlelic, mach cha'anic xic'bebil jach. Dios mi' c'uxbin jini mu' bʌ i yʌc' ti' tijicñʌyel i pusic'al.